देउवा सरकारसँग मिलेर महामारीविरुद्ध काम गर्न युरोपेली युनियन इच्छुक

काठमाडौं । नवनियुक्त प्रधानमन्त्री शेरबहादुर देउवालाई युरोेपेली युनियनले बधाइ तथा शुभकामना दिएको छ ।

राजदूत नोना डेप्रेजले ट्वीटरमार्फत देउवालाई कार्यकालको शुभकामना दिँदै कोभिड-१९ विरुद्ध सहकार्यका लागि तयार रहेको बताएकी छिन् ।

साथै, अल्पविकसित मुलुकबाट विकासशिल मुलुकको सूचीमा स्तरोन्नती हुने प्रक्रियामा पनि युरोप साथमा रहेको उनको भनाई छ ।

साथै हरियाली, पुननिर्माण तथा समावेशी विकासमा पनि युरोप साथमा रहेको नेपालस्थित युरोपेली युनियन डेलिगेट्सले जनाएको छ । देउवालाई अमेरिकाले पनि बधाइ तथा शुभकामना दिएको छ ।