पाइलट उपरथी राणालाई दर्ज्यानी चिन्ह प्रदान

काठमाडौं । नेपाली सेनाको पाइलट उपरथीमा बढुवा भएका आशिष नरसिंह राणालाई दर्ज्यानी चिन्ह प्रदान गरिएको छ ।

पाइलट सहायक रथीबाट पदोन्नति भएका राणालाई प्रधान सेनापति पूर्णचन्द्र थापाले जङ्गी अड्डामा विशेष कार्यक्रमका बीच दर्ज्यानी चिन्ह प्रदान गरेका हुन् । गत ७ गतेको मन्त्रिपरिषद्को निर्णयले उनको बढुवा गरिएको थियो ।

राणालाई सैनिक हवाई महानिर्देशनालयको महानिर्देशकमा पदस्थापन गरिएको छ ।