जेठ २५ गतेबाट ६० देखि ६४ वर्षको लागि चिनियाँ खोप लगाइने

काठमाडौं । जेठ २५ गतेबाट नेपालका ६० देखि ६४ वर्ष उमेरका ज्येष्ठ नागरिकलाई कोभिड–१९ विरुद्धको खोप लगाइने भएको छ ।

स्वास्थ्य मन्त्रालयका अनुसार उक्त मितिमा चीन सरकारले दिएको भेरोसेल खोप लगाउने भएको हो ।

खोप लगाउन जाँदा नागरिकता वा उमेर खुल्ने कुनै पनि सरकारी कागजपत्र वा वडा कार्यालयले दिएको सिफारिस अनिवार्य साथमा लिएर जानु पर्ने मन्त्रालयले जनाएको छ।

मन्त्रालयले यसपटक खोपको दोस्रो मात्रा सुनिश्चत गरेर पहिलो डोज दिन लागेको हो।