काठमाडौं । अर्थमन्त्राल र स्वास्थ्य तथा जनसंख्या मन्त्रालयको मन्त्रिस्तरको बैंठले बिभिन्न जिल्लाका ११ अस्पतालमा अक्सिजन प्लान्ट र १ अस्पलतमा अक्सिजन पाइपलाइन बिस्तारका लागि स्रोत निकास गर्न निर्णय गरिएको छ।
बिभिन्न जिल्लाका १२ अस्पतालमा अक्सिजन पाइप लाइन तथा प्लाण्ट निर्माण गर्नका लागि १६ करोड ८० लाख रुपैयाँ बजेट स्वास्थ्य तथा जनसंख्या मन्त्रालयले माग गरेकोमा निकासाका लागि सहमति दिएको छ । जसमध्ये ११ वटा अस्पतालमा अक्सिजन प्लान्ट र एक अस्पतालमा अक्सिजन पाइप लाइन विस्तार गर्नका लागि स्रोतको माग गरिएको अर्थमन्त्रालयले जनाएको छ ।
अक्सिजन पाइप लाइन बिस्तारका लागि तनहूँको दमौली अस्पतालले बजेट माग गरेको हो । त्यस्तै गरी अक्सिज प्लान्ट स्थापनाका लागि स्याङ्जा अस्पताल, बैतडी अस्पताल, डोटी अस्पताल, अर्घाखाँची अस्पताल, नवलपरासीको पी चन्द्र अस्पताल, कपिलबस्तुको तौलिहवा अस्पताल, बर्दिया अस्पताल, दाङको प्रादेशिक अस्पताल, तुल्सीपुर, प्यूठान अस्पताल र तेह्रथुम अस्पतालले बजेटको माग गरेका छन् ।
Leave a Reply