काठमाडौं । प्रधानमन्त्रीका विदेश मामिला सल्लाहकार तथा ओलीपक्षीय नेकपाका नेता डा.राजन भट्टराईले सर्वोच्च अदालतको फैसलाले भोलिका लागि प्रश्न र चुनौती खडा गरेको प्रतिक्रिया दिएका छन् ।
प्रधानमन्त्री निवास बालुवाटारमा ओली पक्षको छलफल चलिरहेका बेला सल्लाहकार भट्टराईले अदालतको आदेशको सम्मान गर्ने बताए । तर, अदालतको यो फैसला पछिसम्म विवादकै रूपमा रहने उनको भनाइ छ ।
डा.भट्टराईले भने, ‘संवैधानिक र संसदीय व्यवस्थाका पक्षधरहरूले यसमा सोच्नुपर्छ । आज त फैसला आफ्नो पक्षमा आउनेहरू खुशी होलान् । तर, यसले देखाउने बाटो चाहिं सहज छैन । यो पछिसम्म विवादकै रुपमा रहनेछ । भोलिका दिनमा आउन सक्ने चुनौतीबारे सबै सजग हुनुपर्छ ।
वेलायतले समेत संसद पाँच वर्षलाई हुने भनेर २०११ मा बनाएको कानून व्यावहारिक भएन भनेर नयाँ कानून बनाउन खोजिरहेका बेला सर्वोच्चले बहुमतप्राप्त प्रधानमन्त्रीले संविधानसम्मत रुपमा गरेको विघटनलाई अस्वीकार गरेर भोलिका लागि चुनौती थपिदिएको उनले बताए ।
Leave a Reply