काठमाडौं । नेपाल कम्युनिष्ट पार्टी (प्रचण्ड–माधव पक्ष)का अध्यक्ष माधवकुमार नेपालले सत्ताले मान्छेले बिगार्ने बताएका छन् ।
प्रधानमन्त्री केपी शर्मा ओलीप्रति संकेत गर्दै बुधबार काठमाडौंमा राजनीतिक दलहरुले गरेको अन्तरक्रिया कार्यक्रममा उनले भने, ‘सत्ताले मान्छेलाई बिर्गादो रहेछ । सत्ताको मात अत्यन्तै खरानाक हुँदो रहेछ ।’
संसद विघटन गरेपछि पनि प्रधानमन्त्री ओलीले आफूलाई पूर्ण अधिकारसहितको प्रधानमन्त्री दावी गरेको भन्दै उनले कुनै पनि कदमलाई सफल हुन नदिने बताए।
‘विघटन पनि गर्ने अनि पूर्ण अधिकारसहितको प्रधानमन्त्री पनि ठान्ने,’ नेपालको भनाइ छ, ‘कस्तो निरङकुश । संकटकाल निम्त्याउने, अनेक खालका संयन्त्रका तानाबाना बुनिरहेको सुनेका छौं । त्यो सफल हुन्छ भन्ने नसोचे हुन्छ ।’
नेपालले प्रधानमन्त्रीको संसद विघटन गर्ने कदम प्रतिगामी भएको समेत दावी गरे। ‘यो अग्रगामी कदम होइन, प्रतिगामी कदम हो,’ उनले भने, ‘यसले अग्रमणतिर लैजादैन । घरमा झमेला भएकाले घर नै भत्काइदिने, परिवारमा झगडा भएकाले परिवारै भत्कादिने प्रवृत्ति यो हो ।’
Leave a Reply