काठमाडौं । एप्पलको काठको सेपमा बनेको एउटा पुरानो कम्प्युटर एप्पल–१ मोडेल ५ लाख अमेरिकी डलरमा लिलामी भएको छ । जोन मोराना अक्सनरहरूले गरेको अस्कनमार्फत त्यो कम्प्युटर ५ लाख डलरमा बिक्री भएको हो । त्यसका सक्कली मालिकले त्यो कम्प्युटर सन् १९७७ मा करिब ६ सय ५० डलरमा खरिद गरेका थिए ।
एप्पल कम्पनी सन् १९७६मा स्थापना भएसँगै स्टिभ जब्स र स्टिभ वोज्नियाकले निर्माण गरेको पहिलो कम्प्युटर नै एप्पल–१ हो । यो कम्प्युटर विश्वकै पहिलो पूर्ण रूपमा एसेम्बल्ड मदरबोर्डसहितको पर्सनल कम्प्युटर हो । त्यो समयमा एप्पले २ सय वटा मात्रै यो मोडेलका कम्प्युटर निर्माण गरेको थियो ।
मंगलबारको अक्सनमा बिक्री भएको यो कम्प्युटर ‘हवाइयान कोवा उड’मा बनेको छ । अक्सन हाउसका अनुसार विश्वमा ६ डिभाइस मात्रै यो काठको प्रयोगबाट बनाइएको छ ।
