काठमाडौं । आसन्न शहीद स्मारक ‘ए’ डिभिजन लिगमा हिमालयन शेर्पा क्लबलाई सिजी ब्रुअरीअन्तर्गतको नेपाल आइसले मुख्य प्रायोजन गर्ने भएको छ । शुक्रबारदेखि दशरथ रंगशालामा सुरु हुने लिगका लागि शेर्पालाई केटिएम सिटीले किट प्रायोजन गर्ने भएको छ ।
शेर्पाले बुधबार आयोजित पत्रकार सम्मलेनमा नेपाल आइस र किट प्रायोजक केटिएम सिटीसँग सम्झौता गरेको हो । दशरथ रंगशालामा आयोजित पत्रकार सम्मेलनमा शेर्पाका कार्यबाहक अध्यक्ष फुपु दोर्जे शेर्पा र सिजी ब्रुअरीका प्रदीप पुडासैनीले सम्झौता पक्षमा हस्ताक्षर गरेका छन । २०६२ सालमा ए डिभिजन लिगमा बढुवा भएको शेर्पाले नियमित लिग खेलिरहेको छ ।
शुक्रबारदेखि दशरथ रंगशालामा सुरु हुने लिगको आफ्नो पहिलो खेलमा शनिबार संकटा क्लबसँग खेल्ने छ ।
