Tag: सुनामी

टोकियो । प्रशान्त महासागरको दक्षिणतर्फ टोङ्गामा भएको ज्वालामुखी विस्फोटको असरले जापानको विभिन्न क्षेत्रमा सुनामीको खतरा बढेको छ ।

जापानका संचार माध्यमहरुले जनाएअनुसार होकाइदोदेखि ओकिनवासम्म सुनामी आउने अनुमान गरिएको छ । होकाइदो, आओमोरी, मियागी, फुकुसिमा, इवाराकी, चिबाको कुजुकुरी, उचिबोमा सुनामीको खतरा भएको बताइएको छ । त्यस्तै मेइ प्रिफेक्चरको दक्षिणी क्षेत्र, पूर्वी खागोसिमालगायतका क्षेत्रमा सुनामी आउन सक्ने भन्दै नागरिकहरुलाई सुरक्षित रहन आग्रह गरिएको समाचारहरुमा उल्लेख छ ।

जापानको आन्तरिक मामिला तथा संचार मन्त्रालयको अग्नि विभागले दिएको जानकारीअनुसार आओमोरी, इवाते, मियागी, चिवा, तोकुसिमा, कोची, मियाजाकी र खागोसिमा प्रिफेक्चर क्षेत्र सबैभन्दा बढी जोखिममा छन् ।

सुनामीको उच्च जोखिममा रहेका ८ प्रिफेक्चरको ५५ नगरपालिकाहरुबाट हालसम्म १ लाख ८ हजार ६६७ घरधुरीका २ लाख २९ हजार २३९ जनालाई सुरक्षित स्थानमा स्थान्तरण गरिएको छ ।

एजेन्सी । तीनपल्टसम्म भूकम्पको शक्तिशाली धक्का महशुस भएपछि न्युजिल्याण्ड सरकारले उत्तरी द्वीपको तटीय क्षेत्रका नागरिकलाई सुरक्षित स्थानमा जान निर्देशन दिएको छ ।

राष्ट्रिय आपतकालीन एजेन्सीले पूर्वी तटीय क्षेत्रमा अप्रत्यासित छाल आउनसक्ने भन्दै सुनामीको चेतावनी दिएको छ ।

चेतावनीसँग ती क्षेत्रका नागरिकहरु उच्च स्थानमा पुग्ने प्रयासमा छन् । दक्षिण प्रशान्त द्वीप समूहमा रहेका न्यू क्यालेडोनिया, मानुआतु टापूहरुमा समुद्रको ठूलो छाल आउनसक्ने चेतावनी दिइएको छ ।

त्यहाँका तटीय क्षेत्रहरुमा समुद्रको पानी १० फिटसम्म उट्नसक्ने बताएको छ । पेरु, चिली, इक्वेडर र अमेरिकाका केहि स्थानमा समेत १ मिटरसम्मको छाल उठ्न सक्ने बताइएको छ ।

अमेरिकाको हवाईस्थित सुनामी चेतावनी केन्द्रले समुद्रमा उच्च छाल देखिए पनि अहिलेसम्म कुनै नोक्सानी नभएको बताएको छ ।

दक्षिणी प्रशान्त महासागर क्षेत्रमा बिहीबार ७.२ रेक्टरस्केलकाे शक्तिशाली भूकम्प गएकाे थियाे ।