Tag: सलोन बस्नेत

काठमाडौं । अभिनेता सलोन बस्नेत अब वेब-सिरिज निर्माता बनेका छन् । कोरोना महामारीले फिल्म गतिविधि ठप्प भएपछि सलोनको व्यस्तता अहिले वेब सिरिज निर्देशनतर्फ छ ।

उनको कम्पनी सलोन–सलिना फिल्मसले निर्माण गरेको सिरिज ‘हेल्लो ब्रो’ इन्टरनेट रिलिज भएको छ । कूल २१ एपिसोडसम्म निर्माण हुने सिरिजलाई सिजन–वाइजरुपबाट रिलिज गरिने भएको छ ।

सबै नयाँ अनुहारलाई लिएर निर्माण गरिएको हेल्लो ब्रोलाई सुरेश न्यौपानेले लेखन एवं निर्देशन गरेका हुन् । सलोन यसका कार्यकारी निर्माता हुन् । ‘२१ एपिसोड बनाउने हाम्रो तयारी छ र लागत १८ लाग्ने अनुमान छ’ सलोनले भने, ‘फिल्म क्षेत्रमा व्यस्त नभैञ्जेल अब सिरिजमै लाग्नेछु ।’

बुढासुब्बा टिभीमा बिहीबार बेलुका ७ बजे सिरिज प्रसारण सुरु भएको छ । सलोन अभिनित पाँचवटा फिल्म रिलिजको पर्खाइमा छन् । कोरोना संक्रमणको परिस्थिती सामान्य भए साउन अन्त्यदेखि उनले अभिनय गर्ने डाँडाको वरपिपल छायांकनमा जाने तयारीमा छ ।

काठमाडौं । सलोन बस्नेत र रुविना थापाको मुख्य भूमिका रहने लभस्टोरी तथा पारिवारिक फिल्म ‘डाँडाको बरपीपल’ निर्माण हुने भएको छ । बैशाख २२ गतेदेखि छायांकन सुरु बताइएको फिल्म कोरोनाभाइरसको दोस्रो लहरप्रति सजग बन्दै फ्लोरमा जान लागेको जनाइएको छ ।

शोभित बस्नेतको निर्देशनमा बन्ने फिल्ममा शिव श्रेष्ठ, गौरी मल्ल, राजिवजङ्ग बस्नेत र यशराज गाराचको पनि मुख्य भूमिका हुने भएको छ ।

पारिवारिक कथामा बन्ने भनिएको यो फिल्ममा सुशान प्रजापतिको छायांकन, रामकाजी घिमिरेको पटकथा, द एक्स ब्याण्डका शिव मुखिया र अर्जुन पोखरेलको संगीत, रोशन श्रेष्ठको द्वन्द्व, गोविन्द राईको नृत्य, नवराज गिरीको गीत र रामजी राउतको मुख्य सहायक निर्देशन हुने जनाइएको छ ।

७५ दिनको छायांकन तालिका रहेको चलचित्र काठमाडौं, कालाबाङ र से–फोक्सुण्डो तालमा खिचिने जनाईएको छ । नेपाल प्रेससँग कुरा गर्दै अभिनेता बस्नेतले यो फिल्मपछि कोरोनाभाइरसको महामारी सामान्य भएपछि आफू नाइँ नभन्नू ल को नयाँ सिक्वेलमा व्यस्त हुने जनाए ।

काठमाडौं । रुचाइएको फिल्म श्रृंखला ‘नाइँ नभन्नू ल’ छायांकनमा जाने तयारीमा छ । निर्माता एवं निर्देशक विकासराज आचार्यले जेठ पहिलो सातादेखि छैठौं सिक्वेलको छायांकन प्रारम्भ हुने बताए ।

अनुभव रेग्मी र सेड्रिना शर्मा मुख्य भूमिकामा पहिलेदेखि नै छन् । श्रृंखलामा थप कलाकार पनि तय भएका छन् । फिल्मको मुख्य भूमिकामा सलोन बस्नेत अनुबन्धित भएका छन् ।

नेपाल प्रेससँग कुरा गर्दै निर्देशक आचार्यले सलोनलाई प्रमुख भूमिकामा प्रस्तुत गर्न लागिएको बताए । सलोनको जोडी बाँध्ने तयारीमा उनी छन् । तर, सलोनको स्क्रिन कपल को बन्छ भन्ने टुंगो चाहिँ छैन । ‘सलोनको जोडी हुने युवतीको खोजी गरिरहेका छौं’ आचार्यले भने ।

टीकटकमा रुचाइएकी बालिका अल्बिना खड्का समेत फिल्ममा प्रस्तुत हुने भएकी छिन् । फिल्मको प्रदर्शन मिति भने बजार सामान्य बनेमात्र घोषणा गरिने उनले जनाए ।