Tag: संकटा क्लब

विराटनगर । अघिल्लो साता आहा रारा गोल्डकप जितेको संकटा क्लब छैटौं विराट गोल्डकपको सेमिफाइनलमा भारतको पञ्जाव पुलिससँग १–० ले स्तब्ध भएको छ ।

प्रतियोगिताको उपाधिका लागि विभागीय टोली एपीएफ र पञ्जाव पुलिस भिड्ने भएका छन् । आयोजक विराटनगर–११ लाई हराएर यसअघि नै फाइनलमा पुगिसकेको छ ।

शहीद मैदानमा बिहीबार भएको दोस्रो सेमिफाइनलमा पहिलो पटक नेपालमा प्रतियोगिता खेलिरहेको पञ्जावका लागि खेलको ७५ औं मिनेटमा परमजीत सिंहले निर्णायक गोल गरेका हुन् । हरजीन्द्र सिंहको क्रसलाई उपयोग गरी परमजितले पेनाल्टी एरियाबाट गोल गरेका हुन् ।

त्यसअघि दुवै टोलीले गोलका बराबर अवसर खेर फालेका थिए । खेलको म्यान अफ द म्याच पञ्जावका परमजित घोषित भए । उनले नगद १० हजार रुपैयाँ पुरस्कार पाए ।

खेल सकिएपछि आपसी बादविवादमा उत्रिएका संकटा र पञ्जावका एक–एक खेलाडीले रातोकार्ड पाए । रेफ्री श्याम दनुवारले पञ्जावका कप्तान जगदीप सिंह र संकटाका सहिद स्माटलाई रातो कार्ड देखाएका हुन् । रातोकार्ड पाएपछि पञ्जावका कप्तानले फाइनल गुमाउनेछन् ।

विराटनगर । गत साता पोखरामा सम्पन्न आहा ! रारा गोल्डकपको उपाधि विजेता संकटा क्लब विराटनगरमा जारी छैटौं विराट गोल्डकपको सेमिफाइनलमा प्रवेश गरेको छ ।

शहीद मैदानमा मंगलबार भएको अन्तिम क्वाटरफाइनलमा क्यामरुनको अफ्रिकन रुट्सलाई १-० गोलले हराउँदै संकटाले अन्तिम चार यात्रा तय गरेको हो ।

सेमिफाइनलमा संकटाले बिहीबार दोस्रो भारतको पञ्जाव पुलिस क्लबसँग प्रतिस्पर्धा गर्नेछ । पञ्जावले सहिद स्मारक ‘ए’ डिभिजन लिग बिजेता मछिन्द्रलाई २-० गोल र गोरखा व्वाइज क्लब रुपन्देहीलाई टाइब्रेकरमा ४-२ गोलले हराउँदै सेमिफाइनमा पुगेको हो ।

फाइनल यात्राको लागि बिभागीय टिम सशस्त्र प्रहरी (एपीएफ) काठमाण्डौ र घरेलु टिम विराटनगर ११ बीच बुधबार प्रतिस्पर्धा हुनेछ । विराटनगरले पश्चिम बंगालको युनाइटेड फुटबल क्बललाई ३-० ले र भारतको युनिाइटेड सिकिम फुटबल क्लबलाई २-१ गोलले पराजित गर्दै सेमिफाइनलमा प्रवेश गरको हो भने एपीएफले अर्को विभागीय टोली नेपाल पुलिसलाई २-० गोलले हराउँदै सेमिफाइनलको यात्रा सुरक्षित गरेको हो ।

मंगलबार साँझ भएको खेलमा संकटा र अफ्रिकन रुट्स दुवैले आक्रामक फुटबल खेले । पहिलो हाफ बराबरी रहे पनि विराट गोल्डकपको पूर्व बिजेता संकटाले खेलको ६१ औं मिनेटमा गणेश हमालको गोलबाट अग्रता लियो । त्यही गोल उसको जितमा निर्णायक बन्यो ।

क्यामरुनी खेलाडीहरुको आक्रामण रणनीतिका कारण संकटाको रक्षापंक्ति निकै व्यस्त थियो । तर उनीहरुले गोल हुन दिएनन् । खेलको म्यान अफ द म्याच संकटाका गोलरक्षक राजाबावु थापा घोषित भए । उनले नगद १० हजार रुपैयाँ प्राप्त गरे ।

१९ औं आहा ! रारा गोल्डकपको फाइनलमा क्यामरुनलाई नै ४-२ गोलले पराजित गर्दै संकटाले सिजनकै पहिलो उपाधि उचालेको थियो ।

जितपछि संकटाका प्रशिक्षक सल्यान खड्गीले आफ्ना खेलाडीले बहादुरीपूर्वक खेलेको बताए । क्यामरुनी टिमका प्रशिक्षक सरजेल बोरीसले केही राम्रा खेलाडी पोखरामा छुट्दा हार भएको बताए ।

पोखरा । फोफानाको निर्णायक गोलप्रेरित संकटा क्लब साविक विजेता मनाङ मर्स्याङ्दी क्लबलाई १-० को नतिजामा पराजित गर्दै आहा रारा गोल्डकपको सेमिफाइनलमा पुगेको छ । सोमबार पोखरा रंगशालामा भएको खेलको ४४औं मिनेटमा फोफानाले गरेको एक मात्र गोल संकटालाई सेमिफाइनलमा पुर्‍याउन सफल भयो ।

प्रतिस्पर्धात्मक खेलमा गोलका लागि पर्याप्त अवसरको सिर्जना गरेको मनाङले फिनिसिङमा चुक्दा प्रतियोगिताको पहिलो खेलबाटै बाहिरिनु पर्‍यो ।

जितसँगै अन्तिम चारमा स्थान बनाएको संकटाले फाइनल प्रवेशका लागि पहिलो खेलको विजेता नेपाल एपीएफ क्लबसँग बुधबार खेल्ने छ । एपीएफ शनिबार भएको उद्‍घाटन खेलमा आयोजक सहारा क्लबलाई पराजित गर्दै सेमिफाइनलमा पुगेको हो ।

कूल ८ टोली सहभागी भएको प्रतियोगिताको विजेताले १० लाख र उपविजेताले ५ लाख रूपैयाँ प्राप्त गर्नेछन् । भोलि हुने प्रतियोगिताको अन्तिम सेमिफाइनलमा विभागीय टोली नेपाल पुलिस क्लबले थ्री स्टार क्लबसँग प्रतिस्पर्धा गर्नेछ ।