रूपन्देही । मदिराको तालमा अर्घाखाँचीमा श्रीमानले श्रीमतीको हत्या गरेका छन् । सन्धिखर्क नगरपालिका–७, खाँचीकोटका ३० वर्षीय विष्णु विकले आफ्नी २९ वर्षीया श्रीमती सीता विकको हत्या गरेको जिल्ला प्रहरी कार्यालय अर्घाखाँचीका प्रवक्ता गणेश खनालले बताए ।
मंगलबार साँझ मदिरा सेवन गरी लठ्ठीले हिर्काएर श्रीमतीको हत्या गरेको सूचना अधिकारी खनालले बताए । विष्णु विकलाई नियन्त्रणमा लिइ आवश्यक अनुन्धान भइरहेको प्रहरीले जनाएको छ ।
सीताको शवलाई पोष्टमार्टमका लागि जिल्ला अस्पतालमा पठाइएको छ ।
कैलाली । डडेल्धुरामा श्रीमतीको हत्या आरोपमा श्रीमान् पक्राउ गरेका छन् ।
नवदुर्गा गाउँपालिका–५ ठाँटाका २८ बर्सिया मनीषा साउदको हत्या आरोपमा २९ वर्षीय श्याम साउद पक्राउ परेका छन् ।
शनिबार दिउँसो श्रीमती अचेत रहेको भन्दै आफैँले स्थानीय प्रहरी चौकीमा गरेका थिए । साउदबाटै हत्या भएको हुन सक्ने भन्दै उनलाई नियन्त्रणमा लिएको जिल्ला प्रहरी कार्यालय डडेल्धुराका प्रहरी निरीक्षक राजेन्द्रबहादुर चन्दले जानकारी दिए।
‘घरमा पुग्दा श्रीमती अचेत भएको भन्दै उनले प्रहरीलाई खबर गरेका थिए ’प्रहरी निरीक्षक चन्दले भने,हामीले श्रीमानबाटै हत्या भएको हुन सक्ने भन्दै नियन्त्रणमा लिएर अनुसन्धान गरिरहेका छौँ ।’
मृतक मनीषाका ४ वर्षीय छोरा र ६ बर्सिया छोरी छन्।
झापा । आफनै श्रीमतीको हत्या गरेको आरोपमा झापामा एक पुरुष पक्राउ परेका छन् ।
६० वर्षीया श्रीमती फिल्सिता उराउको भद्रपुर नगरपालिका -७ बुथकरण चिया बगानको क्वाटरमा बस्ने ५८ वर्षीय साहेबा उराउलाई सोमबार दिउँसो प्रहरीले पक्राउ गरेको हो ।
घरायसी विवाद भई झगडा हुँदा सोही चिया बगानमा काम गर्ने साहेबाले ढुङ्गाले प्रहार गर्दा उनको श्रीमतीको मृत्यु भएको प्रहरीले जनाएको छ ।
उनलाई भद्रपुरबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।