सुर्खेत । सुर्खेत वीरेन्द्रनगको मेयर र उपमेयरमा कांग्रेस–माओवादी केन्द्रले चुनावी तालमेल गरेका छन् भने एमाले र नेकपा एस एक्लै प्रतिस्पर्धामा छन् । वडा तहमा भने सबै दलले एक्लाएक्लै भिड्दैछन् । यहाँ राप्रपाले पनि पनि चुनावी प्रचारलाई तीव्र बनाएको छ ।
नेकपा एमालेबाट नगरप्रमुखमा मोहनमाया ढकाल र उपप्रमुखमा निलकण्ठ खनाल चुनावी प्रतिस्पर्धामा उभिँदा दुई दलको गठबन्धनबाट मेयरमा कांग्रेस नगरसभापति उपेन्द्र खड्का र माओवादीबाट शान्ति ढकाल उपमेयरमा प्रतिस्पर्धा गर्दैछिन् । राप्रपाले समाजसेवी मुकुन्दश्याम गिरीलाई प्रमुखको उम्मेदवार बनाएको छ । समाजवादीबाट धनकुमारी जिसीले प्रतिस्पर्धा गरिरहेकी छन् ।
यसबीच नगरप्रमुखमा मोहनमाया ढकाल, उपेन्द्र खड्का र मुकुन्दश्याम गिरीको कडा प्रतिस्पर्धा हुने आँकलन वीरेन्द्रनगरमा देखिएको छ ।
२०७४ सालको निर्वाचनमा एमालेले १६ वडामध्ये ९ वडामा जित्दा कांग्रेस पाँच वडामा विजय पाएको थियो भने माओवादीले एक वडामा चित्त बुझाएको थियो ।
२०७४ सालमा नगरप्रमुख पदमा कुन दलले कति मत पाएका थिए ?
१. देवकुमार सुवेदी, नेपाली कांग्रेस, १४४०५ (विजयी)
२. बालाराम शर्मा, नेकपा एमाले, १३८९९
३. रत्नबहादुर गाहा मगर, नेकपा माओवादी, ५२३७
४. गेहेन्द्रप्रसाद दहाल, स्वतन्त्र, १८९४
५. ईश्वरकुमार श्रेष्ठ, राष्ट्रिय प्रजातन्त्र पार्टी, ५५७
६. शेरबहादुर शाही, नेपाल मजदुर किसान पार्टी, १६६७. गोविन्दप्रसाद सुवेदी, राष्ट्रिय जनमोर्चा, १८८
८. लक्ष्मीप्रसाद ढकाल, संघीय समाजवादी फोरम, नेपाल, ७८
९. मिलन थापा मगर, स्वतन्त्र, ५८
१०. मणिराम शर्मा, समाजवादी जनता पार्टी, ४०
उक्त तथ्यांकले एमाले र गठबन्धनबीच कडा प्रतिस्पर्धा हुने निीश्चत छ तर नेपाली का.ग्रेसको शेखर समूहमा चुलिएको असन्तुष्टिका कारण २०७४ सालमा राप्रपाबाट मेयर लडेका ईश्वरकुमार श्रेष्ठले जम्मा मत ५५७ पाए पनि यो पटकको निर्वाचनमा राप्रपाले कम्तिमा दश गुणा बढी मत ल्याउने देखिएको छ ।
राप्रपाका गिरीले आफ्नो विजय रोक्न कसैले नसक्ने बताइरहेका छन् । घरदैलो अभियानको सुरुवात गर्दै उनले सुर्खेतको देउती बज्यै मन्दिरमा भ्रष्टाचार नगर्ने र सरकारी सेवा सुविधा नलिने कसम समेत खाएका छन् ।
कांग्रेसको शेखर समूहको समेत सहानुभूति पाइरहेकाले आफूले जित्ने आंकलन गिरीको छ ।
सुरुमा गठबन्धन मिलेर जाने भने पनि अन्तिम समयमा माओवादी र कांग्रेस मात्रै मेयर–उपमेयरमा उम्मेदवारको भागवण्डा मिलेको थियो । तर पनि घरदैलो अभियानमा कांग्रेसले माफ्नो पक्षमा मत माग्ने र माओवादीले आफ्नो पक्षमा मत माग्ने गरेका कारण एमाले आफैंले चुनाव जित्ने पक्का भएको भन्दै जोशिएको छ ।
रुष्ट समूहको रुपमा रहेको कांग्रेसको शेखर समूह पनि कांग्रेसको चुनाव प्रचारमा निस्कन थालेको छ ।
वीरेन्द्रनगरमा कांग्रेसकै मत राप्रपाले काट्ने भएकाले जित्नेमा एमाले ढुक्क छ ।
