Tag: रियाल मड्रिड

काठमाडौं । इंग्लिस महारथि म्यानचेस्टर सिटीलाई सेमिफाइनलमा समग्र ६–५ गोलको नतिजामा पराजित गर्दै रियाल मड्रिड च्याम्पियन्स लिगको फाइनलमा पुगेको छ ।

सिटीको मैदानमा भएको पहिलो लेगमा ४–३ गोलको नतिजामा पराजित भएको रियालले बुधबार राति भएको दोस्रो लेगमा ३–१ को जित निकाल्दै फाइनलमा लिभरपुलसँगको भेट निश्चित गरेको हो ।

गय राति रियालको मैदानमा भएको खेलमा रियाललाई जित दिलाउन रोडरिगोले दुई तथा करिम बेन्जिमाले एक गोल गरे । सिटीका लागि रियाड माहरेजले एक गोल गरेका थिए ।

घरेलु मैदानमा सिटीविरुद्ध माहरेजले ७३औं मिनेटमा गरेको गोलसँगै रियाल पछाडि परेको थियो । तर, रियालका रोडरिगोले ९०औं मिनेटमा गोल गर्दै बराबरीको आशा दिलाएका थिए ।

इन्जुरी समयमा रोडरिगोले गरेको गोलसँगै बराबरीमा पुगेको खेलको अतिरिक्त समयमा रियालले बाजी मार्यो ।

१३ पटकको विजेता रियाललाई फाइनलमा पुर्याउन अतिरिक्त समयको पाँचौं मिनेटमा बेन्जिमाले गरेको गोल नै पर्याप्त बन्यो ।

रियालले फाइनलमा लिभरपुलसँग खेल्नेछ । लिभरपुल भियारियाललाई पराजित गर्दै फाइनलमा पुगेको हो ।

काठमाडौं । स्पेयनल लाई ४–० गोलको नतिजामा पराजित गर्दै रियाल मड्रिडले ३५औं स्पेनिस लालिगाको उपाधि जितेको छ ।

घरेलु मदानमा रियाललाई चार खेल अगावै च्याम्पियन बनाउन रोड्रिगोले दुई गोल गरे । मार्को एसेन्सियो तथा करिम बेन्जेमाले एक–एक गोल गरे ।

खेलको ३३औं मिनेटमा रोड्रिगोको गोलमा अग्रता लिएको मड्रिडका लागि ४३औं मिनेटमा रोड्रिगोले व्यक्तिगत दोस्रो गोल गर्दै अग्रता दोब्बर पारे ।

पहिलो हाफमै दुई गोलको अग्रता बनाएको रियालका लागि खेलको ५५औं मिनेटमा एसेन्सियोले तेस्रो गोल गरे ।

रियालको जित सुनिश्चित गर्न बेन्जेमाले ८१औं मिनेटमा चौथो गोल गरे ।

चार खेलअगावै च्याम्पियन बनेको मड्रिड ३४ खेलमा २५ जित ६ बराबरी र तीन हारको नतिजासहित ८१ अंक जोडेर तालिकाको शीर्ष स्थानमा छ ।
दोस्रो स्थानको सेभियाको ६४ अंक छ भने ६३ अंकसहित बार्सिलोना तेस्रो स्थानमा छ ।

काठमाडौं । डिफेन्डिङ च्याम्पियन चेल्सीलाई समग्रमा ५–४ गोलको नतिजमा पराजित गर्दै स्पेनिस लिग लिडर रियाल मड्रिड च्याम्पियन्स लिगको सेमिफाइनलमा प्रवेश गरेको छ ।

पहिलो लेगमा ३–१ को नतिजमा जित निकालेको रियाल घरेलु मैदानमा भएको खेलमा ३–२ ले पछि परे पनि समग्रमा ५–४ ले जित निकाल्दै सेमिफाइनल पुग्यो ।

मंगलबार राति भएको खेलमा खेलको ७५औं मिनेटसम्म तीन गोलको अग्रता बनाइ सकेको थियो। मासन माउन्टले १५औं मिनेटमा गोल गर्दै चेल्सीलाई अग्रता दिलाएका थिए । एन्टोनियो रुडिगरले ५१औं मिनेटमा अग्रता दोब्बर पारे । यस्तै, टिमो वेर्नरले ७५औं मिनेटमा चेल्सीका लागि तेस्रो गोल गरे ।

तर, ८०औं मिनेटमा रियालका रोड्रिगोले गोल गर्दै खेललाई ३–१को स्थितिमा ल्याए । यससँगै खेल ४–४ को बराबरी भएको थियो ।

खेलको इन्जिुरी समयमा कारिम बेन्जेमा गोल गर्दै रियालको जित सुनिश्चित गरे ।

पहिलो लेगमा चेल्सीलाई हराउन बेन्जेमाले ह्याट्रिक गरेका थिए । जारी सिजन च्याम्पियन्स लिगमा बेन्जेमाले दुई ह्याट्रिकसहित १२ गोल गरिसकेका छन् ।

रियालले फाइनल प्रवेशका लागि म्यान्चेस्टर सिटी र एटलेटीको मड्रिडको विजेतासँग प्रतिस्पर्धा गर्नेछ ।

पहिलो लेगमा सिटीले एटलेटिकोलाई १–० गोलको नतिजामा पराजित गरेको थियो । सिटी र एट्लेटिकोबीचको खेल बुधबार राति हुनेछ ।

काठमाडौं । यूईएफले सोमबार सार्वजनिक गरेको च्याम्पियन्स लिगको ‘ड्र’मा झुटो कान्ड मच्चाएको रियाल मड्डिले बताएको छ । सोमबार जारी भएको अन्तिम १६ को ड्रको पहिलो चरणमा रियाल मड्रिड पोर्चुगिज क्लब बेन्फिकासँग परेको थियो ।

यद्यपि, म्यानचेस्टर युनाइटेडको नाम लेखिएको बल गलत स्थानमा राखेर निकाल्न बिर्सिएको भन्दै यूईएफएले रि–ड्र गरेको थियो । तर, दोस्रो पटक भएको ड्रमा रियाल फ्रेन्च महारथी पेरिस सेन्ट जर्मन (पीएसजी)सँग परेको छ ।

यसप्रति असन्तुष्टि जनाउँदै प्रतियोगिताको सर्वाधिक सफल क्लब रियालले बेन्फिकासँगकै ड्र कायम रहनु पर्ने बताएको छ ।

‘यूईएफएको यो निर्णय अनपेक्षित, पश्चातायोग्य र बुझ्नै नसकिने छ,’ रियालका निर्देशक एमिलियो बुट्राग्वेनोले भनेका छन्, ‘ड्रलाई फलो गरिरहेका करोडौं फ्यानको अपमान भयो ।’

सोमबार भएकाे रि-ड्रअनुसार म्यानचेस्टर सिटीले पोर्चुगिज साइड स्पोर्टिङ सिपीसँग परेको छ । यस्तै, बायर्न म्युनिख र आरबी साल्जबर्ग तथा इन्टर मिलान र लिभरपुल आमनेसामने हुनेछन् ।

साविक विजेता चेल्सी भने पहिलो ड्रअनुसार लिलेसँगै खेल्ने छ भने युभेन्टस र भिलारियाल भिड्ने छन् । एथ्लेटिको मड्रिड र म्यानचेस्टर युनाइटेड तथा बेन्फिका र आयाक्सले प्रतिस्पर्धा गर्नेछन् ।

काठडमाडौं । स्पेनिस ला लिगा फुटबलमा क्याटलान क्लब बार्सिलोना बराबरीमा रोकिँदा रियाल मड्रिडले जित निकालेको छ ।

शनिबार राति भएको खेलमा बार्सिलोनाले पहिलो हाफमै ३ गोलको अग्रता लिएको थियो । तर, दोस्रो हाफमा सम्हालिन नसकेको बार्सिलोनाले ३ गोल खाँदै बराबरीमा चित्त बुझाउन बाध्य भयो ।

सेल्टा भिगोको मैदानमा पहिलो हाफमा आक्रमक देखिएको बार्सिलोनाले दोस्रो हाफमा अग्रता जोगाउन नसक्दा तीन अंक लिने राम्रो अवसर खेर फाल्यो ।

बार्सिलोनाका लागि अन्सु फाती, सर्जियो बुस्केट र मेम्फिस डिपाएले एक/एक गोल गरे । सेल्टा भिगोको लागि इएगो आसपासले दुई तथा नोलिटोले एक गोल गरे ।

जोडी अल्वाको पासमा फातीले पाँचौं मिनेटमा गोल गर्दै अग्रता दिलाए । कप्तान सर्जियो बुस्केटले १८ औं मिनेटमा गोल गर्दै अग्रता दोब्बर बनाए । ३४औं मिनेटमा मेम्फिस डिपाएले गोल गर्दै पहिलो हाफमा ३-० को अग्रता दिलाए ।

दोस्रो हाफमा घरेलु टोली सेल्टाले लगातार तीन गोल गर्‍याे । बराबरीपछि बार्सिलोना १७ अंकसहित नवौँ स्थानमा छ । सेल्टाभिगो १५औं स्थानमा छ ।

शनिबार राति नै भएको खेलमा शीर्ष स्थानको रियालले रायो भालेकानोलाई २-१ गोलको नतिजामा पराजित गरेकाे छ ।

घरेलु मैदानमा रियललाई जिताउन टोनि क्रुस र करिम बेन्जिमाले एक-एक गोल गरे । भालेकानोको लागि राडामेल फाल्काओले एक गोल फर्काएका थिए ।

जितसँगै रियल १२ खेलबाट २७ अंकसहित शीर्ष स्थानमा छ भने १३ खेलबाट २० अंक जोडेको भालेकानो छैठौं स्थानमा छ।

काठमाडौं । मार्को एसेन्सियोको रियाल मड्रिडसँगको सम्झौता २०२३ मा सकिँदै छ । र, खराब लयका कारण उनी अहिले स्पेनिस हेभिवेटमा आफ्नो भविष्यलाई लिएर अनिश्चित छन् ।

समय पनि एसेन्सियोको पक्षमा छैन । एसेन्सियो एक समयका यस्ता खेलाडी हुन्, जसले स्पेनको सबैभन्दा लोकप्रिय बन्ने सम्भावना बोकेका थिए ।

सन् २०१७ तिर उनको खुट्टामा संसार भएझैँ लाग्थ्यो । उनले एकदिन विश्व फुटबलको सबैभन्दा प्रतिष्ठित बालोन डी’ओर अवार्ड नै जित्छन् झैँ लाग्थ्यो । तर, वास्तविकता यी सबै कुराबाट टाढा भइदियो ।

जब सन् २०१८ मा लिभरपुलले उनलाई अनुबन्ध गर्ने प्रयास गरेको थियो । तर, एसेन्सियोलाई बेच्ने विचार राख्नु रियालका लागि लागि हाँस्यास्पद सावित भएको थियो । तर, अहिले यो नौलो प्रस्ताव हुने छैन ।

एसेन्सियोको घुँडाको इन्जुरी भएको पनि दुई वर्ष बितिसक्दा पनि मड्रिलले चाहेजस्तो प्रदर्शन गर्न सकेका छैनन् । गत सिजन ७ गोल गर्दै क्लबको दोस्रो सर्वाधिक गोलकर्ता बनेका एसेन्सियोमा रियाल कहिल्यै भर पर्नसक्ने अवस्था आएन ।

गत सेप्टेम्बरमा मायोर्का विरुद्धको ह्याट्रिक एसेन्सियोको पुरानो लय फर्काएझैं लागेको थियो । मार्सेलो अहिले रियालको प्लेइङ अर्डरमा इडेन हाजार्ड भन्दा अगाडि छन् । यदि उनले साख्तार डोनेस्कविरुद्ध पनि सुरुआती-११ मा स्थान बनाए भने त्यो नौलो कुरा हुनेछैन ।

काठमाडौं । बेल्जियन कप्तान तथा रियाल मड्रिडका फरवार्ड इडेन हाजार्ड इङ्लिस प्रिमियर लिगमै फर्किने सम्भावना बढेको छ । हाजार्ड पूर्व क्लब चेल्सी फर्किने वा न्युक्यासलसँग अनुबन्धित भएर इङ्ल्यान्ड फर्किने सम्भावना बढेको चर्चा चल्न थालेको छ ।

रियाल मड्रिडमा विङगरको सम्भावित उपलब्धताबारे सचेत गराइएसँगै हाजार्ड पूर्व क्लब फर्किने सम्भावना बढेको हो । रियालका मुख्य प्रशिक्षक कार्लो एनसेलोट्टिले एल क्लासिकोमा उनलाई बेन्चमा राखेका थिए । हाजार्डले सुरुआती-११ मा रहेर यस सिजन लालिगामा जम्मा तीन खेल मात्रै खेलेका छन् ।

उनलाई सुरुआती ११ मा नराखेपछि एनसेलोट्टिले भने, ‘हाजार्डको अहिलेको समस्या भनेको उनको प्रशिक्षकले अर्को खेलाडीलाई प्राथामिकता दिन्छ ।’

बेल्जियन कप्तान खेलाडी हाजार्ड २०१९ मा १३० मिलियन पाउन्डमा वेस्ट लन्डनबाट बेर्नाबेउ गएका थिए । रियालमा सरुवा भएसँगै लगातारको इन्जुरीको शिकार बनेका हाजार्डले अपेक्षित प्रदर्शन गर्न सकेनन् ।

यद्यपि, हाजार्डले भने आफू तत्काल क्लब छाड्ने मनस्थितिमा नरहेको र आफ्नो सत प्रतिशत रियालका लागि दिन तयार रहेको बताएका छन् ।

यसै महिना क्लबको ८० प्रतिशतभन्दा धेरै स्वामित्व अरेबियनले खरिद गरेपछि धनी बनेको न्युक्यासलले आगामी सरुवा बजारमा ठूला खेलाडी ताकिरहेको छ । बार्सिलोनाका फिलिप काउटिन्हो तथा म्यानचेस्टर युनाइटेडका एन्थोनी मार्सियलसमेत न्युक्यासलको योजनामा छन् ।

काठमाडौं । बार्सिलोनाबाट प्रशिक्षक रोनाल्ड कोम्यान बर्खास्त हुनु कामकै एउटा पाटो भएको रियाल मड्रिडका प्रशिक्षक कार्लो एन्सेलोटीले बताएका छन् । खराब लयबाट गुज्रिरहेको बार्सिलोना बुधबार राति भएको खेलमा रायो भालेकानोसँग १-० गोलको नतिजामा पराजित भएसँगै कोम्यान बर्खास्त भएका थिए ।

सिजनको सुरुआतदेखि नै खराब लयमा रहेको बार्सिलोनाले ला लिगाको नवौं खेलमा बुधबार राति हार बेहोरेसँगै तीव्र आलोचनाका शिकार भएका कोम्यानलाई बर्खास्त गरेको हो । उनको बर्खास्तप्रति प्रतिक्रिया दिँदै एन्सेलोटेले प्रशिक्षकको कामको प्रवृत्ति नै यस्तै रहने प्रतिक्रिया दिएका हुन् ।

‘म धेरै पटक बर्खास्त भएँ, र अहिले यहाँ छु, अझै खुशी र जिवित छु,’ ओसासुनाविरुद्धको गोलरहित बराबरीपछि उनले भने, ‘बर्खास्त हुनु पेसाकै एक पाटो हो । बर्खास्त नहुन्जेल आफ्नो सतप्रतिशत दिनुपर्छ ।’

ओसासुनाविरुद्धको बराबरीसँगै रियाल मड्रिड स्पेनिस ला लिगाको शीर्ष स्थानमा उक्लिएको छ । यद्यपि, रियालले पछिल्ला चार खेलमा चार अंक मात्रै जोडेको छ । एन्सेलोटीको रियाल मड्डि पछिल्ला तीन खेलमा जितविहीन छ । यस्तै च्याम्पियन्स लिगमा पनि पहिलो पटक खेल्न लागेको शेरिफसँग घरेलु मैदानमा २–१ गोलको नतिजामा पराजित भएको थियो ।

काठमाडौं । युरोपेली फुटबलका दुई महारथी क्लब– रियाल मड्रिड र बार्सिलोनाबीचको एल क्लासिको आइतबार राति हुँदैछ । घरेलु मैदानमा हुने सिजनको पहिलो एल क्लासिकोमा जित हासिल गर्दै मड्रिडभन्दा दुईले पछाडि रहेको बार्सिलोना ‘ओभरटेक’ गर्ने योजनामा छ ।

नेपाली समयअनुसार राति ८ बजे सुरु हुने खेलमा विश्व फुटबलका दुई चर्चित खेलाडी क्रिस्टियानो रोनाल्डो र लियोनेल मेसी एकै पटक अनुपस्थित रहने छन् । रोनाल्डोले २०१९ मै स्पेन छाडेका थिए भने बार्सिलोनाका कप्तान पनि यसै सिजन फ्रान्स सरुवा भएसँगै यो वर्षको एल क्लासिकोको ‘चार्म’ घटेको छ ।

विगतको तुलनामा इनिएस्टा, जाभी, मेसी, रोनाल्डो, रामोस, लगायतका खेलाडी नहुँदा चर्चा कम भए पनि दुई क्लबको ‘राइभरी’ले विश्व फुटबलमा छुट्टै तरङ्ग पैदा गर्छ नै ।

स्पेनिस ला लिगाको अंक तालिकामा ८ खेलबाट १५ अंक जोडेको बार्सिलोना आठौं स्थानमा छ भने समान खेलबाट १७ अंक जोडेको रियाल मड्रिड तेस्रो स्थानमा छ ।

काठमाडौं । च्याम्पियन्स लिगलाई युरोपेली क्लब फुटबलको सबैभन्दा प्रतिष्ठित प्रतियोगिता मानिन्छ । सन् १९९२ मा च्याम्पियन्स लिग नै नामाकरण भएर हरेक सिजन आयोजना हुँदै आएको छ । त्यसअघि सन् १९५५ देखि १९९१ सम्म युरोपियन कपका नामले यो प्रतियोगिता परिचित थियो ।

प्रतियोगिताको अहिलेसम्मको इतिहास हेर्दा सर्वाधिक सफल क्लब स्पेनिस हेभिवेट रियाल मड्रिड हो । रियालले हालसम्म सर्वाधिक १३ पटक च्याम्पियन्स लिगको उपाधि उचालिसकेको छ ।

त्यस्तै, सात पटकको च्याम्पियन एसी मिलान दोस्रो सफल क्लब हो । लिभरपुल र बायर्न म्युनिखले भने यो उपाधि ६÷६ पटक जितिसकेका छन् । गत सिजनको फाइनलमा म्यानचेस्टर सिटीलाई पराजित गर्दै उपाधि उचालेको चेल्सी अहिलेको च्याम्पियन हो ।

च्याम्पियन्स लिगको इतिहासमा हालसम्म तीन प्रशिक्षकले मात्रै यो उपाधि तीन पटक जितेका छन् । लिजेन्डरी प्रशिक्षक बब पेइस्लेले लिभरपुल क्लबलाई सन् १९७७, १९७८ र १९८१ मा च्याम्पियन बनाएका थिए ।

त्यस्तै इटालियन प्रशिक्षक कार्लो एन्सेलोटीले मिलानबाट सन् २००३ र २००७ मा दुई पटक र २०१४ मा एक पटक गरी तीन पटक उपाधि उचालेका छन् । एन्सेलोटीका सहायक प्रशिक्षक रहेका जिनेदिन जिदानले पनि रियाल मड्रिडलाई लगातार तीन पटक च्याम्पियन्स लिग च्याम्पियन बनाएका थिए । लगातार तेस्रो पटक च्याम्पियन्स लिगको उपाधि जित्ने जिदान एकमात्र प्रशिक्षक हुन् ।

उनले सन् २०१६ देखि २०१८ सम्म लगातार रियाललाई च्याम्पियन बनाएका थिए । एन्सेलोटी र जिदानबाहेक च्याम्पियन्स लिग एक पटकभन्दा धेरै जितेर सक्रिय प्रशिक्षक पेप ग्वार्डिओला र जोसे माउरिन्हो मात्रै हुन् । ग्वार्डिओलाले बार्सिलानोबाट सन् २००९ र २०११ मा दुई पटक च्याम्पियन्स लिगको उपाधि जितेका थिए । यस्तै माउरिन्होले एफसी पोर्टोबाट सन् २००४ मा र इन्टर मिलानबाट सन् २०१० मा च्याम्पियन्स लिगको उपाधि उचालेका थिए ।

goal.com बाट

काठमाडौं । किलियान एम्बाप्पे भित्र्याउन कोसिस चलिरहेको रियाल मड्रिडले एडुवार्डो कामाभिङ्गालाई अनुबन्ध गर्ने चर्चा चलेको छ । पेरिस सेन्ट जर्मन (पीएसजी) एम्बाप्पेका लागि रियालले गरेको १८० मिलियन पाउन्डको प्रस्ताव अस्विकार गरेको थियो ।

१८ वर्षीय फ्रेन्च टिनेजर कामाभिङ्गाको रेनेससँगको सम्झौता अर्को वर्ष सकिँदैछ । र, त्यसपछि उनी फ्रि–एजेन्टमा उपलब्ध हुनेछन् । फ्रि–एजेन्ट भएसँगै युरोपका अन्य प्रतिष्ठित क्लबको केन्द्रविन्दुमा कामाभिङ्गा हुने निश्चित छ । त्यसैले स्पेनिस हेभिवेट रियाल एक वर्ष अगाडि नै उनलाई अनुबन्ध गर्न चाहन्छ ।

त्यसका लागि ३० मिलियन पाउन्डको प्रस्तावसमेत गरिसकेको छ । र, विभिन्न रिपोर्टअनुसार रेनेसले त्यो प्रस्ताव स्वीकार गर्ने र कामाभिङ्गाले चाँडै मेडिकल पनि गर्नेछन् ।

स्पेनिस फुटबल म्यागजिन मार्काका अनुसार सम्झौता अहिलेसम्म नभइसकेको र चाँडै हुने सम्भावना छ । पीएसजीले पनी उनलाई भित्र्याउन चासो देखाएको छ तर रियालका प्रशिक्षक कार्लो एन्सेलोटी उनलाई आफ्नो टोलीमा भित्र्याउन चाहन्छन् ।

काठमाडौं । पोर्चुगिज कप्तान क्रिस्टियानो रोनाल्डोले युभेन्टस छाडेसँगै उनको स्थानमा इडेन हाजार्डलाई भित्र्याउन इटालियन क्लबले तयारी थालेको चर्चा सुरु भएको छ ।

सन् २०१८ मा रियाल मड्रिडबाट १०० मिलियन पाउन्डमा टुरिन पुगेका रोनाल्डो शुक्रबार नै आफ्नो पूर्व क्लब म्यानचेस्ट युनाइटेड फर्किसकेका छन् । इङ्लिस फुटबलमा १२ वर्षपछि फर्किएका रोनाल्डो स्थानमा हाजार्डलाई भित्र्याउन युभेन्टसले चाहेको मार्काले बताएको छ ।

बेल्जियमका कप्तानसमेत रहेका हाजार्ड युभेन्टसले रोनाल्डोको प्रतिस्थापनका लागि भित्र्याउने खेलाडीको सूचीको शीर्ष स्थानमा रहेको मार्काले दाबी गरेको छ ।

पेरिस सेन्ट जर्मन (पीएसजी)बाट किलियान एम्बाप्पे रियाल जाने चर्चा पनि अहिले शिखरमा छ । स्पेनिस मिडियाहरूले एम्बाप्पे रियाल सरुवा कुनै हालतमा पनि नरोकिने जिकिर गरिरहेका बेला हाजार्डको पनि चर्चा चुलिएको हो ।

हाजार्डले केही हप्ताअघि आफू रियालमै बस्न चाहेको बताएका थिए । तर, एम्बाप्पेको सरुवा भयो भने हाजार्ड रेगुलर प्लेइङ टाइमका लागि युभेन्टस जान सक्ने मार्काको दाबी छ ।

हाजार्ड इङ्लिस क्लब चेल्सीबाट १०० मिलियन पाउन्डमा रियाल मड्रिड गएका थिए । यद्यपि, निरन्तर चोटको शिकार बनेका हाजार्ड दुई सिजनमा ४५ खेल मात्रै खेलेका छन् । हाजार्डले रियालबाट पाँच गोल र ९ असिस्ट मात्रै गर्न सकेका छन् ।

काठमााडौं । पेरिस सेन्ट जर्मन (पीएसजी)का फरवार्ड किलियन एम्बाप्पे रियाल मड्रिड जाने चर्चा अहिले शिखरमा छ । पीएसजीका अध्यक्षले एम्बाप्पेलाई नबेच्ने बताइरहे पनि रियालले लगातार यसमा कुरा भइरहेको बताएको छ ।

रियालले एम्बाप्पेका लागि सुरुमा १ सय ७० मिलियन युरोको प्रस्ताव राखेको थियो । र, सम्भावित बोनसको रूपमा १० मिलियन युरोको प्रस्ताव गरेको छ । एम्बाप्पे आफैँले पीएसजीमा जाने तीव्र इच्छा जनाइरहेकाले यो प्रस्ताव स्वीकार हुन सक्ने देखिएको छ । यदि पीएसजीले त्यो प्रस्ताव स्वीकार गर्‍यो भने एम्बाप्पेले खुलेआम व्यक्त गर्दै आइरहेको रियाल मड्रिडबाट खेल्ने इच्छा पूरा हुनेछ ।

फ्रेन्च स्टार फरवार्ड एम्बाप्पे राष्ट्रिय टोलीसँग अन्तर्राष्ट्रिय खेलका लागि तयार हुनु अगाडि नै मड्रिडसँग अनुबन्धित हुन सक्ने सम्भावना देखिएको छ । यो सम्झौताको औपचारिक घोषणा शुक्रबार सम्म हुनसक्ने मार्काले बताएको छ ।

पिएसजीका अध्यक्ष नासेर एल खेलाइफीले बिहीबार च्याम्पियन्स लिगको ‘ड्र’ सार्वजनिक समारोहमा भनेका थिए,‘रियाल मड्रिडले एम्बाप्पे भित्र्याउने तीव्र चाहना देखाइरहेकाले ‘अन्कम्फोर्टेबल’ परिस्थिति सृजना भएको छ, र एम्बाप्पेले पेरिस छोड्न चाहिरहेका छन् ।’

रियाल एम्बाप्पेलाई क्लबमा भित्र्याउन फुटबलको ट्रान्सफर नियममा भएजति सबैकुरा पूरा गरेकोमा विस्वस्त छ । त्यसमाथि एम्बाप्पेले नै क्लब छोडेर रियाल जान चाहेको तीव्र इच्छा देखाइरहेकाले पीएसजीले ग्रिन सिग्नल दिने बित्तिकै एम्पाप्पे स्पेन जानेमा विश्वस्त हुन सकिन्छ ।

ट्रान्सफर घोषणा भइसकेको छैन । तर, पीएसजीले यो विकेन्डमा रेम्ससँग खेल्ने छ । सम्भवत: एम्बाप्पेले त्यो खेलमा माउरिसियो पोचेटिन्होको टोलीभन्दा बाहिर हुनेछन् ।

एम्बाप्पे नयाँ ‘ग्यालेक्टिको’

‘ग्यालेक्टिको’- फ्लोरेन्टिनो पेरेज रियाल मड्रिड भइसकेपछि उनले क्लबमा भित्र्याउने खेलाडीलाई बुझाउने उपनाम हो । तर, पछिल्ला वर्षहरूमा रियाल ‘ग्यालेक्टिको’ भित्र्याउन असफल झैँ देखिन्छ ।

अहिले किलियान एम्बाप्पेलाई पेरेजले नयाँ ग्यालेक्टिको बनाउने प्रयास निरन्तर गरिरहेका छन् । र, एम्बाप्पे ती खेलाडी हुन सक्छन्, जसको पेरिफेरिमा रियाल मड्रिडको टोली निमार्ण हुन्छ । जुन उनी पीएसजीमा बन्न सकिरहेका छैनन् ।

पीएसजीले चार वर्ष अगाडि लस ब्लान्कोसलाई हराउँदै एम्बाप्पेलाई टोलीमा भित्र्याएको थियो । र, उनी अहिले विश्वमा नेइमार पछिको दोस्रो महंगो फुटबल खेलाडी भएका थिए ।

मार्काबाट

काठमाडौं । स्पेनिस हेभिवेट रियाल मड्रिडका खेलाडी डेभिड अलाबालाई कोरोना भाइरसको संक्रमण पुष्टि भएको छ ।

यसै सिजन जर्मन च्याम्पियन बायर्न म्युनिखबाट मड्रिड आएका अलाबालाई कोभिड-१९ को संक्रमण पुष्टि भएको क्लबले जानकारी दिएको छ ।

अस्ट्रियाका २९ वर्षीय कप्तान अलाबा बायर्नमा ११ वर्ष बिताएर गत सिजनको समाप्तिसँगै फ्रि-एजेन्ट भएका थिए । यसै महिना सम्पन्न युरो २०२० मा अस्ट्रियालाई प्रि-क्‍वार्टरफाइनलसम्म पुर्‍याएका अलाबा त्यसपछि मड्रिड पुगेका थिए ।

रियालले बुधबार क्लबको वेबसाइटमार्फत् उनलाई कोरोना संक्रमण भएको जानकारी दिएको छ । ‘हाम्रा खेलाडी डेभिड अलाबाको कोभिड-१९ परीक्षणको रिपोर्ट पोजिटिभ आएको छ,’ वेबसाइटमा भनिएको छ ।

काठमाडौं । प्रशिक्षक जिनेदिन जिदानले चोटले थलिएको रियाल मड्रिडले १० जनामा सीमित एट्लान्टाविरुद्ध राम्रो प्रर्दशन गर्न नसकेको बताएका छन् । तर, अन्तिम १६ को पहिलो लेगमा १–० को अवे गोलको अग्रता लिन सफल भएको बताएका छन् ।

गेविस स्टेडियममा बुधबार भएको खेलको १७औं मिनेटमा एट्लान्टाका मिडफिल्डर रेमो फ्रेलर रातो कार्डको सामना गर्दै मैदानबाट बाहिरिएका थिए ।
खेलमा राम्रो पकड बनाए पनि रियालले तीन पटक मात्र एट्लान्टाको गोल पोष्टमा प्रहार गरेको थियो ।
‘हामीले उत्कृष्ट खेल्न सकेनौं,’ जिदानले भने, ‘तर, महत्वपूर्ण कुरा नतिजा हो । खेलको अन्त्यमा भएको गोल हाम्रा लागि एकदमै महत्त्वपूर्ण थियो । ’

अझै दोस्रो लेग खेल्नु पर्ने भए पनि पहिलो लेगमा १–० अवे गोलको अग्रता सुखद् भएको प्रशिक्षक जिदानले बताएका छन् ।