काठमाडौं । राष्ट्रपतिविरुद्ध महाअभियोग लगाउने र केपी ओलीलाई सत्ताच्यूत गर्नेबारे सबै विकल्प प्रयोग गर्ने तयारीमा रहेको नेपाली कांग्रेसले विपक्षी गठबन्धनसँग छलफल थालेको छ ।
कांग्रेस सभापति शेरबहादुर देउवा निवासमा विपक्षी नेताहरू पुग्ने क्रम जारी छ ।
कांग्रेस बैठक सकिए लगत्तै सबैभन्दा पहिले माओवादी अध्यक्ष पुष्पकमल दाहाल प्रचण्डसहितका नेताहरू पुगेका थिए । एमाले नेता माधवकुमार नेपाल पनि देउवा निवास पुगेका छन् । उपेन्द्र यादव पनि पुग्ने क्रममा रहेको बताइएको छ । जनता समाज पार्टी (जसपा)का नेताहरु पनि देउवा निवास पुगेका छन् ।
