Tag: राप्ती प्रादेशिक अस्पताल

रूपन्देही । राप्ती प्रादेशिक अस्पतालका तुल्सिपुरका मेडिकल सुपरिटेन्डेन्ट डा. विनोद सिंहलाई कालोमोसो दलेको आरोप लागेका अनेरास्ववियू दाङका अध्यक्ष सर्जन परियारले प्रहरीसमक्ष आत्मसमर्पण गरेका छन् ।

उनी आज आफैं जिल्ला प्रहरी कार्यालय दाङमा उपस्थित भएका हुन् । परियारले प्रहरी कार्यालयमा आएर आत्मसमर्पण गरेको जिल्ला प्रहरी कार्यालय दाङले जनाएको छ । परियारले आफूलाई प्रहरीले लगाएको मुद्दा झूटो भएको भन्दै आत्मसमर्पण गरेका छन् । पक्राउ पछि उनले मुद्दा झुटो रहेको दावी गर्दै हिरासतभित्र भोकहड्ताल गर्ने बताएका छन् ।

चिकित्सकमाथि कालोमोसो दल्ने मुख्य आरोपी ६ जनामध्ये प्रहरीले अहिलेसम्म परियारसहित तीनजना पक्राउ गरेको छ । उनलाई नेकपा एमालेले गलत काममा नाम जडिएको भन्दै घटनाको भोलिपल्ट कारवाही गरेको थियो ।

परियारले सामाजिक सन्जालमा न्यायको पक्षमा आवाज उठाउन खोज्दा अनावश्यक ढंगले फसाउन खोजेको दावी गरेका छन् । प्रहरीले परियारमाथि मुख्य अभियुक्त दावीसहित उजुरी आएको बताएको छ ।

दाङ । कोरोना अस्पताल भरिभराउ भएपछि संक्रमितको उपचार राप्ती प्रादेशिक अस्पताल तुलसीपुरको इमर्जेन्सी वार्डमा भइरहेको छ । कोरोना अस्पतालमा ठाउँ नभएपछि आफन्तले राप्ती प्रादेशिक अस्पतालमा ल्याएका थिए ।

बिरामीलाई इमर्जेन्सी वार्डमा राखिसकेपछि कोरोना पोजेटिभ भएको थाहा भएको अस्पतालले जनाएको छ ।

इमर्जेन्सी वार्डमा दम लगाएत अन्य रोगका बिरामी समेत छन् । कोरोना संक्रमित सँगै भएकाले अन्य बिरामीलाई कोरोना सर्ने खतरा बढेको छ ।

कोरोना संक्रमित इमर्जेन्सी वार्डमा भएपछि स्वास्थ्यकर्मी पनि त्रसित बनेका छन् । दाङका सबै कोरोना अस्पताल भरिभराउ भएकाले अन्यत्र लैजाने तयारी गरिएको संक्रमितका छोराले बताएका छन् ।

संक्रमित तुलसीपुर ५ का ५४ वर्षीय पुरूष हुन् । उनलाई आज बिहान ८ बजे राप्ती प्रादेशिक अस्पताल ल्याइएको हो । राप्तीमा काेराेनाकाे उपचार नहुने भएपछि आफन्तले काठमाडाैं लाने तयारी गरे पनि एम्बुलेन्स पाइएकाे छैन ।

दाङ । राप्ती प्रादेशिक अस्पताल तुलसीपुरमा बैठक भत्ताका नाममा करिब ६ लाख रुपैँया अनियमितता भएको पाइएको छ । बैठक भत्ताको नाममा अस्पताल विकास समितिका पदाधिकारी र कर्मचारीले गैरकानूनी तरिकाले रकम बुझेको फेला परेको हो ।

अर्थिक वर्ष २०७६/०७७ मा उनीहरुले गैरकानूनी रुपमा पाँच लाख ८५ हजार रुपैँया बुझेको भन्दै प्रदेशसभाको लेखा समितिले उक्त रकम असुल गर्न सामाजिक विकास मन्त्रालयलाई निर्देशन दिएको छ । लेखा समितिका सभापति डिल्लीबहादुर चौधरीका अनुसार राप्ती प्रादेशिक अस्पताल तुलसीपुरका पदाधिकारी र कर्मचारीले एकैदिन आठवटासम्म बैठक बसेको देखाइ भत्ता बुझेका छन् ।

यसरी एउटा कार्यालयले एकैदिन धेरै बैठक बसी भत्ता लिनु गैरकानूनी भएकाले असुल गर्न सामाजिक विकास मन्त्रालयलाई निर्देशन दिइएको सभापति चौधरीले जानकारी दिए ।