Tag: मृत्यु

सर्लाही । विषाक्त घरेलु मदिरा सेवनबाट सर्लाहीको ब्रह्मपुरी गाउँपालिका-५ पडरियामा आठ जनाको मृत्यु भएको छ ।

नेपाल-भारत सीमावर्ती क्षेत्रमा पर्ने पडरिया गाउँमा विगत चार दिनयता तीन भारतीय नागरिकसहित आठ जनाको मृत्यु भएको हो । उनीहरु सबैको विषाक्त घरेलु मदिरा सेवनबाट मृत्यु भएको गाउँपालिकाका अध्यक्ष विनोद साहले जानकारी दिए ।

मृत्यु हुनेमा पडरियाका ५० वर्षीय राम ईश्वर पासवान, ३९ वर्षीय दिनकर दास, ६५ वर्षीय कैलु दास, ५० वर्षीय जुगेश्वर माझी र २४ वर्षीय बलिन्द्र दास तथा भारत उत्तर प्रदेशका ३५ वर्षीय दाताराम निसाद, ५५ वर्षीय शिवसागर निसाद र ३२ वर्षीय सर्वेस राम निसाद रहेको जिल्ला प्रहरी कार्यालय सर्लाहीका प्रमुख प्रहरी उपरीक्षक सन्तोष सिंह राठौरले जानकारी दिए । मृतक तीनै जना भारतीय नागरिक चन्दन इँटा उद्योग पडरियाका मजदूर हुन् ।

मदिरा सेवन गरेका थप तीन जना स्थानीयवासी बिरामी परेका छन् । उनीहरु उपचारपछि निको भएर घर फर्किएको गाउँपालिकाका स्वास्थ्य संयोजक उपेन्द्र राउतले बताए । जिल्ला अस्पताल मलङ्गवाका निमित्त मेडिकल सुपरिटेन्डेन्ट डा. नवलकिशोर झाले मदिरा सेवनबाट सबैको मृत्यु भएको जानकारी आए पनि मृत्युको कारण पत्ता लगाउन मृतकहरुको भिसेरा परीक्षणका लागि फरेन्सिक ल्याब काठमाण्डौंमा पठाउने तयारी गरिएको जानकारी दिए ।

उदयपुर । कोरोना संक्रमणका कारण रौतामाई गाउँपालिका-७ मुर्कुचीमा एक हप्ताभित्र एउटै परिवारका दुई छोरा र आमाको मृत्यु भएको छ । स्वास्थ्य कार्यालयका अनुसार यही जेठ १५ गते ४५ वर्षीय साइला छोराको उपचारका क्रममा विराटनगरस्थित नोबेल अस्पतालमा मृत्यु भएको थियो भने १७ गते सोही परिवारका ५० वर्षीय जेठा छोराको मृत्यु भएको थियो ।

आज बिहान होमआइसोलेशनमा नै उपचार गराउँदै गरेकी ६५ वर्षीया आमाको पनि मृत्यु भएको स्वास्थ्य कार्यालयले जनाएको छ । कान्छा छोरा भने कोरोना उपचारपछि तीन दिनअघि बाँचेर घर फर्कन सफल भएको स्वास्थ्य कार्यालयका प्रमुख मोहन सुवेदीले बताए ।

यसरी एउटै घरका दुई छोरा र आमाको कोरोनाका कारण मृत्यु भएको जिल्लाकै पहिलो घटना भएको प्रमुख सुवेदीले बताए । जिल्लामा कोरोनाबाट मृत्यु हुनेको संख्या आज बिहानसम्ममा ३७ पुगेको स्वास्थ्य कार्यालयले जनाएको छ ।

रासस

रूपन्देही । भैरहवास्थित युनिभर्सल मेडिकल कलेज शिक्षण अस्पतालमा कार्यरत एक चिकित्सकको कोरोना संक्रमणबाट मृत्यु भएको छ । सो अस्पतालमा कार्यरत कपिलवस्तुका ३५ वर्षीय पशुपति रजौरियाको काठमाडौंको ग्राण्डी अस्पतालमा उपचारका क्रममा बुधबार राती मृत्यु भएको हो ।

अस्पतालका प्रशासन प्रमुख शुशिल गुरुङका अनुसार धेरै संक्रमितको ज्यान बचाएका डाक्टर रजौरियाको संक्रमणकै कारण मृत्यु भएको हो । उनले कोरोनाविरूद्वको खोप लगाएका थिएनन् । भर्खरै विवाह गरेका श्रीमान श्रीमति नै कोभिडसंगै लडिरहेका थिए ।

श्रीमति डा. हसिना वानुले कोभिड परास्त गरेपनि डा. रजौरियाले हारेका छन् । उनीहरु दुवै जना भैरहवाको सोही अस्पतालमा कार्यरत थिए । श्रीमति वानु प्रसुती तथा स्त्री रोग विशषज्ञ हुन् । उनीहरुको केही समयअघि मात्रै विवाह भएको थियो ।

छोटो समयमै राम्रो पहिचान बनाईसकेका डा रजौरियाको निधनले यस क्षेत्रका स्वास्थ्यकर्मीहरु स्तब्ध बनेका छन् । निकै राम्रो र लगनशिल डाक्टर गुमाउनु परेकोमा अस्पताल परिवार स्तब्ध रहेको गुरुङले बताए ।

दाङ । बाँकेमा कोरोना संक्रमणबाट मृत्यु हुनेको संख्या अत्याधिक बढेको छ । हिजो बेलुका ५ बजेदेखि आज बिहान साढे ६ बजेसम्म १४ घण्टाको अवधिभित्र १७ जना कोरोना संक्रमितको मृत्यु भएको छ । जसमध्ये ८ जना बाँकेका हुन भने ९ जना बाहिरी जिल्लाका रहेका छन ।

जिल्ला कोभिड-१९ संकट व्यवस्थापन केन्द्रका अनुसार नेपालगञ्ज १८ की ७३ बर्षिया महिलाको भेरी अस्पतालमा हिजो बेलुका ५ः१५ बजे मृत्यु भएको छ । गढवा ७ दाङकी ३० बर्षिया महिलाको पनि हिजो बेलुका ५ बजे नेपालगञ्ज मेडिकल कलेज शिक्षण अस्पताल कोहलपुरमा मृत्यु भएको छ ।

त्यसैगरी, सानोभेरी ११ रुकुमका ३६ बर्षका पुरुषको हिजो राती साढे ८ बजे मेडिकल कलेज शिक्षण अस्पताल कोहलपुरमा मृत्यु भएको छ । सोही अस्पतालमा कोहलपुर १२ का ४१ बर्षिय पुरुषको हिजो राती ८ः३५ बजे मृत्यु भएको छ । बढैयाताल २ बर्दियाका ८४ बर्षिय पुरुषको मंगलबार राती ८ः४५ बजे भेरी अस्पतालमा मृत्यु भएको छ । हिजो राती ९ बजे नेपालगञ्ज ६ का ४५ बर्षिय पुरुषको भेरी अस्पतालमा मृत्यु भएको छ ।

मेडिकल कलेज कोहलपुरमा राप्तीसोनारी २ बाँकेका ५९ बर्षिया महिलाको गएराती ११ः३० बजे मृत्यु भएको छ । टिकापुर १६ कैलालीका २८ बर्षिय पुरुषको भेरी अस्पतालमा आज बिहान २ बजे मृत्यु भएको छ । कोहलपुर ११ बाँकेकी ५८ बर्षिया महिलाको बिहान ३ बजे मेडिकल कलेज कोहलपुरमा मृत्यु भएको जिल्ला कोभिड-१९ संकट व्यवस्थापन केन्द्रले जनाएको छ ।

त्यसैगरी,नेपालगञ्ज ३, बाँकेका ६१ बर्षका पुरुषको मेडिकल कलेज कोहलपुरमा बिहान ४ बजे मृत्यु भएको छ । सोही अस्पतालमा त्रीवेणी १ रुकुमकी २७ बर्षिया महिलाको बिहान ४ बजे मृत्यु भएको छ । नेपालगञ्ज ४ का ६७ बर्षिय पुरुषको बिहान ४ बजे भेरी अस्पतालमा मृत्यु भएको छ । मेडिकल कलेज कोहलपुरमा कोहलपुर ४ बाँकेका ४२ बर्षिय पुरुषको आज बिहान ४ः१५ बजे मृत्यु भएको छ ।

ठाकुरबाबा ९ बर्दियाका ६३ बर्षिय पुरुषको बिहान ५ बजे भेरी अस्पतालमा मृत्यु भएको छ । सोही अस्पतालमा ठाकुरबाबा १ बर्दियाकै ३८ बर्षिया महिलाको बिहान ५ः१५ बजे मृत्यु भएको छ । भेरी अस्पतालमै तुलसीपुर २ दाङका ६५ बर्षिय पुरुषको बिहान ५ः३० बजे र लम्की चुहा ५ कैलालीकी ६८ बर्षिया महिलाको बिहान ६ः३० बजे मृत्यु भएको जिल्ला कोभिड-१९ संकट व्यवस्थापन केन्द्रले जनाएको छ ।

योसँगै बाँकेमा कोरोनाबाट ज्यान गुमाउनेको संख्या २५३ पुगेको छ भने बाहिरी जिल्लाबाट बाँकेमा उपचार गराउन आई मृत्यु हुनेको संख्या २०९ पुगेको छ ।

दाङ । दाङमा एकजना कोरोना संक्रमित पत्रकारको मृत्यु भएको छ ।

रेडियो हापुरेमा कार्यरत पत्रकार लक्ष्मण बस्नेतको भैरहवा मेडिकल कलेजमा उपचारका क्रममा मृत्यु भएको बबई गाउँपालिका प्रमुख भुवनेश्वर पौडेलले बताए ।

६ दिनअघि संक्रमण पुष्टि भएका बस्नेतको निमोनिया भएपछि स्वास्थ्य जटिल बनेको थियो ।

कैलाली । सुदूरपश्चिममा पछिल्लो २४ घन्टामा १६ जना कोरोना संक्रमितको मृत्यु भएको छ । कैलालीमा सबै भन्दा धेरै ९ जनाको मृत्यु भएको छ । कंचनपुरमा ४ जना, बैतडी, डोटी र बझाङमा १/१ जनाको मृत्यु भएको प्रदेश स्वास्थ निर्देशनालयले जनाएको छ ।

यो संगै प्रदेशमा ज्यान गुमाउनेको संख्या ३३३ पुगेको छ । प्रदेशमा पछिल्लो २४ घन्टामा ७१७ जनामा संक्रमण पुष्टि भएको छ । प्रदेशमा १४९ जना संक्रमण मुक्त भएका छन् ।

रूपन्देही । संक्रमणको केन्द्र बनेको रूपन्देहीमा तीन दिनयता कोरोना संक्रमितको संख्या घट्दै गएको छ । स्वास्थ्य कार्यालयले शनिबार सार्वजनिक गरेको तथ्यांकअनुसार पछिल्लो २४ घण्टामा रुपन्देहीमा १ हजार ३२५ जनाको कोरोना परीक्षण गर्दा ४८६ जनामा संक्रमण देखिएको छ । यससँगै जिल्लामा सक्रिय संक्रमितको संख्या ७ हजार एक सय १ पुगेको छ ।

आज पनि जिल्लामा सबैभन्दा धेरै बुटवल उपमहानगरपालिकामा ९५ महिला र ११३ जना पुरुष गरी २०८ जनामा संक्रमण देखिएको छ । यस्तै तिलोत्तमा नगरपालिकामा १०४, सिद्धार्थनगर नगरपालिकामा ४८, देवदह नगरपालिकामा ३८, सैनामैना नगरपालिकामा ३४ र ओमसतिया गाउँपालिकामा १४, कञ्चनमा गाउँपालिकामा ८, सियारी गाउँपालिका, सुद्धोधन गाउँपालिकामा ७/७, मायादेबी गाउँपालिकामा ५, लुम्बिनी साँस्कृतिक नगरपालिकामा ४, मर्चवारी गाउँपालिका र रोहिणी गाउँपालिकामा ३/३ जना र गैडहवा गाउँपालिकामा १ जना संक्रमित थपिएको स्वास्थ्य कार्यालयले जनाएको छ ।

यस्तै जिल्लामा पछिल्लो २४ घण्टा भित्र ९ जनाको मृत्यु भएको छ । यससंगै रुपन्देहीमा कोरोनाका कारण मृत्यु हुनेको संख्या ३ सय ४५ पुगेको छ भने र सक्रिय संक्रमितको संख्या ७ हजार १ सय १ जना पुगेको छ । रुपन्देहीमा शुक्रबार ५१४ जनामा संक्रमण देखिएको थियो भने विहीबार ४९४, बुधबार ९०७ जनामा संक्रमण देखिएको थियो ।

कैलाली । पछिल्लो २४ घण्टामा ६ जना कोरोना संक्रमितको मृत्यु भएको छ । सेती प्रादेशिक अस्पतालमा उपचाररत कैलालीका ५ जना र कंचनपुरका १ जनाको मृत्यु भएको अस्पतालका सूचना अधिकारी दिलिप कुमार श्रेष्ठले बताए ।

कैलालीको गोदावरी नगरपालिकाका ३ जना , धनगढी र बर्दगोरियाला १/१ जनाको मृत्यु भएको छ । कंचनपुर भिमदत्त नगरपालिकाका १ जनाको मृत्यु भएको छ ।

५३५ जनामा संक्रमण

पछिल्लो २४ घण्टामा कैलालीका ५३५ जनामा कोरोना संक्रमण पुष्टि भएको छ । सेती प्रादेशिक अस्पतालको प्रयोगशालामा ८३५ जनाको परीक्षण गर्दा कैलालीका ५३५ जनामा संक्रमण पुष्टि भएको हो ।

धनगढी उपमहानगरपालिका भित्रका २७२ जनामा संक्रमण पुष्टि भएको छ । कैलालीका अन्य स्थानीय तहमा २६३ जना संक्रमित भएका छन् ।कैलाली बाहेकका प्रदेशका अन्य जिल्लामा २० जनामा संक्रमण पुष्टि भएको छ ।

अहिले अस्पतालको अस्थायी कोरोना अस्पतालमा १०८ जना संक्रमितको उपचार भइरहेको छ । ती मध्ये १ जना भेन्टिलेटरमा र १४ जना आइसीयूमा छन् । पछिल्लो २४ घण्टामा कोहि पनि निको भएका छैनन् भने १६ जन अस्पताल भर्ना भएका छन् ।

पोखरा । गण्डकी प्रदेशमा शनिबार एकैदिन ७७० जना संक्रमित थपिएका छन् । पछिल्लो २४ घण्टामा म्याग्दीमा मात्र सर्वाधिक २३० संक्रमित थपिएका छन् । कास्कीमा १६८ र नवलपरासी पूर्वमा १४७ जनामा भाइरस पुष्टि भएको छ । सोही अवधीमा १४ जनाको मृत्यु भएको छ ।

प्रदेश स्वास्थ्य निर्देशनालयका अनुसार मृत्यु हुनेमा सबैभन्दा बढी कास्कीका छन् । पछिल्लो २४ घन्टामा गण्डकीमा मृत्यु भएकामध्ये कास्कीका ६ जना, पर्वत ३, स्याङ्जा २, म्याग्दी, तनहुँ र गोरखाका १-१ जना छन् ।

निर्देशनालय प्रमुख डा. विनोदविन्दु शर्माका अनुसा १२ जनाको पोखरामै उपचारका क्रममा, १ जनाको गोरखामा र १ जनाको होइम आइसोलेसनमा मृत्यु भएको हो । मृत्यु हुनेमा २२ देखि ७८ वर्ष उमेरका छन् ।

योसँगै गण्डकीमा कोरोनाबाट मृत्यु हुनेको संख्या ३ सय ५५ पुगेको छ । शुक्रबार हालसम्मकै धेरै २३ जना संक्रमितको मृत्यु भएको थियो ।

कैलाली । पछिल्लो २४ घण्टामा ८ जना कोरोन संक्रमितको मृत्यु भएको छ । सेती प्रादेशिक अस्पतालमा उपचाररत कैलालीका ५ जना, कंचनपुरका २ जना र दार्चुलाला १ जनाको मृत्यु भएको अस्पतालका सूचना अधिकारी दिलिप कुमार श्रेष्ठले बताए ।

कैलालीका पनि ३ जना धनगढी उपमहानगरपालिका भित्रैका रहेका छ । १ जना गोदावरी र १ जना लम्की चुहाका रहेको सूचना अधिकारी श्रेष्ठले जानकारी दिए ।

कैलालीमा पछिल्लो २४ घण्टामा ४३३ जनामा कोरोना संक्रमण पुष्टि भएको छ । सेती प्रादेशिक अस्पतालको प्रयोगशालामा १२०३ जनाको परिक्षण गर्दा कैलालीका ४३३ जनामा संक्रमण पुष्टि भएको हो ।

धनगढी उपमहानगरपालिका भित्रका २५ जनामा संक्रमण पुष्टि भएको हो । कैलालीका अन्य स्थानीय तहमा ४०८ जना संक्रमित भएका छन् ।

कैलाली बाहेकका प्रदेशका अन्य जिल्लामा १०१ जनामा संक्रमण पुष्टि भएको छ । अहिले अस्पतालको अस्थायी कोरोना अस्पतालमा ९८ जना संक्रमितको उपचार भइरहेको छ । ती मध्ये २ जना भेन्टिलेटरमा र १६ जना आइसीयूमा छन् । पछिल्लो २४ घण्टामा २ जना निको भएका छन् भने ७ जन अस्पताल भर्ना भएका छन् ।

लुम्बिनी । दाङ र बाँकेमा गरी १४ जनाको कोभिड संक्रमणबाट मृत्यु भएको छ । मृत्यु भएकामध्ये दाङका ६ र बाँकेका ८ छन् ।

कोरोनाको उपचार हुँदै आएको नेपालगञ्जस्थित भेरी अस्पतालमा ५, शिक्षण अस्पताल कोहलपुरमा२ र १ जनाको होम आइसोलेशनमा मृत्यु भएको जिल्ला कोभिड सङ्कट व्यवस्थापन केन्द्रका स्रोत व्यक्ति तेज ओलीले जानकारी दिए ।

उनका अनुसार भेरी अस्पताल नेपालगञ्जमा उपचाररत सल्यान कुमाख गाउँपालिका-१ निवासी ६७ वर्षीया महिला, बर्दिया मधुवन नगरपालिका-६ निवासी ५९ वर्षीय पुरुष, बैजनाथ गाउँपालिका-६ बाँके निवासी ३५ वर्षीया महिला, खजुरा गाउँपालिका-३ बाँके निवासी ७५ वर्षीया महिला र नेपालगञ्ज उपमहानगरपालिका-५ निवासी ६१ वर्षीया महिलाको मृत्यु भएको हो ।

यसैगरी शिक्षण अस्पताल कोहलपुरमा कोहलपुर नगरपालिका-२ निवासी २८ वर्षीय पुरुष र कैलाली लम्कीचुहा नगरपालिका निवासी ४० वर्षीय पुरुषको मृत्यु भएको छ भने खजुरा गाउँपालिका-१ बाँके निवासी ६४ वर्षीया महिलाको होम आइसोलेशनमा मृत्यु भएको जिल्ला कोभिड सङ्कट व्यवस्थापन केन्द्रका स्रोत व्यक्ति ओलीले बताए । यससँगै बाँकेमा कोरोनाबाट मृत्यु हुनेको संख्या २२२ पुगेको छ । बाहिरी जिल्लाबाट यहाँ उपचार गराउन आउँदा १६७ को मृत्यु भएको छ ।