रुपन्देही । स्थानीय तहको निर्वाचन नजिकिएसँगै माओवादी केन्द्रले आफ्नो आधार इलाका मान्दै आएको लुम्बिनीमा चुनावी कार्यक्रम तय गरेर शीर्ष नेताहरुलाई जिल्ला पठाएको छ । नेता वर्षमान पुन बिरामी परेदेखि लुम्बिनी क्षेत्रमा विशेष कार्यक्रम कम हुँदै आएकोमा अहिले उनी फर्किएपछि पुनः सुचारु भएको हो ।
चार महिनाअघि प्रदेश अधिवेशन भए पनि पदाधिकारी छनौट गर्न नसकेको माओवादीले बुधबार त्यो विवाद पनि टुंगो लगाएको हो । प्रदेशको पहिलो बैठक आयोजना गरेर माओवादी केन्द्रले नेता सुदर्शन बराललाई अध्यक्षसहित पदाधिकारीको टुंगो लगाउँदै लुम्बिनीका १२ जिल्लामा केन्द्रीय नेताहरुलाई जिम्मेवारी दिएर चुनावी कार्यक्रम तय गरेको नेता जगप्रसाद शर्माले जानकारी दिएका छन् ।
माओवादीले वैशाख ३० गते हुने स्थानीय तह निर्वाचनको तयारीका लागि विशेष प्रशिक्षण अभियान सञ्चालन गर्न सबै जिल्लामा एक–एक जना वरिष्ठ केन्द्रीय सदस्यको नेतृत्वमा जिम्मेवारी दिँदै ‘जसको नीति उसको नेतृत्वः स्थानीय चुनावमा माओवादी बर्चश्व’ भन्ने नाराका साथ चुनाव केन्द्रीत हुने रणनीति तय गरेको हो ।
सबै जिल्लाका स्थानीय तहसम्म चैत ५ गतेदेखि चैत १५ गतेसम्म विशेष प्रशिक्षण गरिने माओवादीले जनाएको छ । प्रशिक्षणका क्रममा चुनावी अवस्थाको आंकलन गरी नेताहरुले प्रदेश र केन्द्रीय कार्यालयमा रिपोर्ट पनि पेश गर्नेछन् । जसका आधारमा थप चुनावी रणनीति तय गरिने केन्द्रीय सदस्य जगप्रसाद शर्मा ‘अपार’ले जानकारी दिए ।
त्यस्तै चैत १५ गतेदेखि घरदैलो र जनभेटघाट सुरु गरिने सो पार्टीले जनाएको छ । चैत १५ देखि वैशाख २५ सम्म टोल भेला र टोल सभा, वडा भेला र वडा सभा तथा पालिका भेला र पालिका सभा गरेर वैशाख २५ देखि बुथकेन्द्रित विशेष अभियान सञ्चालन गरिने केन्द्रीय सदस्य शर्माले जानकारी दिए ।
माओवादीले रोल्पामा दिपेन्द्र पुन, प्युठानमा जोगबहादुर महरा, रुकुमपूर्वमा कमला रोका, अर्घाखाँचीमा डिलाराम आचार्य, कपिलवस्तुमा जयपुरी घर्ती, नवलपरासीमा बामदेव क्षेत्री, पाल्पामा जगप्रसाद शर्मा, गुल्मीमा गणेशमान पुन, दाङमा रेखा शर्मा, बर्दियामा ओनसरी घर्ती र बाँकेमा पूर्णा सुवेदीलाई प्रशिक्षकको रुपमा खटाएको छ ।
लुम्बिनी माओवादीका शीर्ष नेता वर्षमान पुन, ओनसरी घर्ती, कृष्णबहादुर महरा, चक्रपाणि शर्मा बलदेव, डिलाराम आचार्य, कुलप्रसाद केसी सोनाम, जयपुरी घर्ती, हकिउल्लाह खाँलगायतका शीर्ष नेताहरुको प्रदेश भएकाले उनीहरुको विशेष प्रभाव रहेको छ ।
माओवादीले सशस्त्र युद्धको सुरुवात गरेको क्षेत्र रुकुम, रोल्पालगायतका युद्धकालका विशेष क्षेत्र यही प्रदेशमा भएकाले आधार इलाका मान्दै आएको छ । तर पछिल्लो समय यहाँबाट त्यो समयमा विशेष प्रभाव पार्ने नेताहरु बाहिरिएकाले पार्टी कमजोर बनेको छ ।
तत्कालीन समयमा माओवादीमा विशेष प्रभाव राख्ने नेताहरु टोपबहादुर रायमाझी, मणि थापा, माधव शर्मा एमएस, गिरीधारीलाल न्यौपाने, दिनेश पन्थी, चन्द्रबहादुर खड्का, अनुप बराललगायतका प्रभावशाली नेताहरु अहिले एमालेको विशेष जिम्मेवारीमा रहेका छन् भने नेता मोहन वैद्य किरणले अलग्गै पार्टी क्रान्तिकारी माओवादी बनाएर बसेका छन् ।
सोही समयमा प्रभावशाली नेता नेत्रविक्रम चन्द विप्लव अलग्गै पार्टी बनाएर ठूलो शक्ति यही प्रदेशबाट परिचालन गरिरहेका छन् । त्यसैगरी नेता बाबुराम भट्टराई समूहमा रहेका नेता कार्यकर्ताहरु जसपामा रहेकाले माओवादीको आधार इलाका मानिएको मुख्य प्रदेशमा पार्टी कमजोर बनेको हो । अघिल्लो स्थानीय तहको निर्वाचनमा नेपाली कांग्रेससँग गठबन्धन गरेर केही स्थानमा सुरक्षित भएको माओवादी आउने निर्वाचनमा पनि सत्तारुढ दलहरुसँग नै गठबन्धन गरेर अगाडि जाने रणनीतिमा छ ।
१०९ स्थानीय तहमध्ये गत स्थानीय तहको निर्वाचनमा कसले कहाँ जिते ?
नेकपा एमाले- ४३
– त्रिवेणी सुस्ता गाउँपालिका, नवलपरासी
– बर्दघाट नगरपालिका, नवलपरासी
– बुटवल उपमहानगरपालिका, रूपन्देही
– सिद्दार्थनगर नगरपालिका, रूपन्देही
– तिलोत्तमा नगरपालिका, रूपन्देही
– सैनामैना नगरपालिका, रूपन्देही
– कञ्चन गाउँपालिका, रूपन्देही
– शुद्धोदन गाउँपालिका, रूपन्देही
– सियारी गाउँपालिका, रूपन्देही
– विजयनगर गाउँपालिका, कपिलवस्तु
– शिवराज नगरपालिका, कपिलवस्तु
– तानसेन नगरपालिका, पाल्पा
– तिनाउ गाउँपालिका, पाल्पा
– निस्दी गाउँपालिका, पाल्पा
– पूर्वखोला गाउँपालिका, पाल्पा
– रिब्दीकोट गाउँपालिका, पाल्पा
– रम्भा गाउँपालिका, पाल्पा
– मुसीकोट नगरपालिका, गुल्मी
– रेसुङ्गा नगरपालिका, गुल्मी
– मालिका गाउँपालिका, गुल्मी
– इस्मा गाउँपालिका, गुल्मी
– मदाने गाउँपालिका, गुल्मी
– रुरु गाउँपालिका, गुल्मी
– छत्रकोट गाउँपालिका, गुल्मी
– मालारानी गाउँपालिका, अर्घाखाँची
– माण्डवी गाउँपालिका, प्यूठान
– सरूमारानी गाउँपालिका, प्यूठान
– स्वर्गद्वारी नगरपालिका, प्यूठान
– त्रिवेणी गाउँपालिका, रोल्पा
– रून्टीगढी गाउँपालिका, रोल्पा
– घोराही उपमहानगरपालिका, दाङ
– तुलसीपुर उपमहानगरपालिका, दाङ
– लमही नगरपालिका, दाङ
– गढवा गाउँपालिका, दाङ
– दंगीशरण गाउँपालिका, दाङ
– बबई गाउँपालिका, दाङ
– कोहलपुर नगरपालिका, बाँके
– बैजनाथ गाउँपालिका, बाँके
– जानकी गाउँपालिका, बाँके
– खजुरा गाउँपालिका, बाँके
– ठाकुरबाबा नगरपालिका, बर्दिया
– बढैया ताल गाउँपालिका, बर्दिया
– बाँसगढी नगरपालिका, बर्दिया
नेपाली कांग्रेस- ३३
– प्रतापपुर गाउँपालिका, नवलपरासी
– सुनवल नगरपालिका, नवलपरासी
– रामग्राम नगरपालिका, नवलपरासी
– मायादेवी गाउँपालिका, रूपन्देही
– देवदह नगरपालिका, रूपन्देही
– बुद्धभूमि नगरपालिका, कपिलवस्तु
– वाणगंगा नगरपालिका, कपिलवस्तु
– कपिलवस्तु नगरपालिका, कपिलवस्तु
– महाराजगञ्ज नगरपालिका, कपिलवस्तु
– यशोधरा गाउँपालिका, कपिलवस्तु
– रामपुर नगरपालिका, पाल्पा
– माथागढी गाउँपालिका, पाल्पा
– रैनादेवी छहरा गाउँपालिका, पाल्पा
– बगनाशकाली गाउँपालिका, पाल्पा
– गुल्मी दरबार गाउँपालिका, गुल्मी
– चन्द्रकोट गाउँपालिका, गुल्मी
– सत्यवती गाउँपालिका, गुल्मी
– कालीगण्डकी गाउँपालिका, गुल्मी
– सन्धिखर्क नगरपालिका, अर्घाखाँची
– छत्रदेव गाउँपालिका, अर्घाखाँची
– शीतगंगा नगरपालिका, अर्घाखाँची
– पाणिनी गाउँपालिका, अर्घाखाँची
– ऐरावती गाउँपालिका, प्यूठान
– नौबहिनी गाउँपालिका, प्यूठान
– गौमुखी गाउँपालिका, प्यूठान
– लुंग्री गाउँपालिका, रोल्पा
– शान्तिनगर गाउँपालिका, दाङ
– राजपुर गाउँपालिका, दाङ
– राप्ती गाउँपालिका, दाङ
– डुडुवा गाउँपालिका, बाँके
– राप्तीसोनारी गाउँपालिका, बाँके
– गेरूवा गाउँपालिका, बर्दिया
– गुलरिया नगरपालिका, बर्दिया
माओवादी केन्द्र- १९
– पाल्हीनन्दन गाउँपालिका, नवलपरासी
– धुर्कोट गाउँपालिका, गुल्मी
– भूमिकास्थान नगरपालिका, अर्घाखाँची
– भूमे गाउँपालिका, रुकुम
– सिस्ने गाउँपालिका, रुकुम
– पुथा उत्तरगंगा गाउँपालिका, रुकुम
– थवाङ गाउँपालिका, रोल्पा
– सुनछहरी गाउँपालिका, रोल्पा
– सुकीदह गाउँपालिका, रोल्पा
– रोल्पा नगरपालिका, रोल्पा
– दुईखोली गाउँपालिका, रोल्पा
– माडी गाउँपालिका, रोल्पा
– सुवर्णावती गाउँपालिका, रोल्पा
– बंगलाचुली गाउँपालिका, दाङ
– बार बर्दिया नगरपालिका, बर्दिया
– मधुवन नगरपालिका, बर्दिया
– राजापुर गाउँपालिका, बर्दिया
– ओमसतिया गाउँपालिका, रूपन्देही हाल एमालेमा प्रवेश
– प्यूठान नगरपालिका, प्यूठान
जनता समाजवादी- ६
– गैडहवा गाउँपालिका, रूपन्देही
– रोहिणी गाउँपालिका, रुपन्देही हाल एमाले प्रवेश
– मर्चवारी गाउँपालिका, रूपन्देही
– कोटहीमाई गाउँपालिका, रूपन्देही
– मायादेवी गाउँपालिका, कपिलवस्तु
– नैनापुर गाउँपालिका, बाँके
फोरम लोकतान्त्रिक- २
– सरावल गाउँपालिका, नवलपरासी
– सम्मरीमाई गाउँपालिका, रूपन्देही
स्वतन्त्र (राजपा)- २
– शुद्धोदन गाउँपालिका, कपिलवस्तु
– लुम्बिनी सांस्कृतिक नगरपालिका, रूपन्देही
राप्रपा- १
– नेपालगञ्ज उपमहानगरपालिका, बाँके
राष्ट्रिय जनमोर्चा- २
– मल्लरानी गाउँपालिका, प्यूठान
– झिमरूक गाउँपालिका, प्यूठान
स्वतन्त्र- १
– कृष्णनगर गाउँपालिका, कपिलवस्तु (हाल कांग्रेस प्रवेश)