Tag: बर्दिया प्रहरी

काठमाडौं । बर्दियामा लागुऔषध चरेससहित ३ जना पक्राउ परेका छन् ।

पक्राउमा पर्नेमा बर्दिया बढैयाताल गाउँपालिका-८ शितलाकारका ४८ वर्षीय बलबहादुर कामी, बाँके खजुरा गाउँपालिका-८ का २६ वर्षीय कमल विश्वकर्मा र ३२ वर्षीय कालीबहादुर चदारा छन् ।

शंकास्पद हाउभाउ देखाएपछि इलाका प्रहरी मैनापोखरको टोलीले खानतलासी गर्दा कालो रंगको झोलाभित्र कालो प्लास्टिकमा लुकाएर राखेको ६९४ ग्राम चरेस फेला परेको बर्दिया प्रहरी प्रमुख एसपी ईश्वर कार्कीले जानकारी दिए ।

पक्राउ परेकाहरूमाथि लागुऔषध मुद्दामा अनुसन्धान थालिएको प्रहरीले जनाएको छ ।

काठमाडौं । बन्चरो प्रहार गरी छिमेकीको हत्या गरी फरार एक व्यक्तिलाई बर्दिया प्रहरीले १७ वर्षपछि सोमबार पक्राउ गरेको छ ।

बर्दिया बढैयाताल वडा नम्बर ३ मा जितबहादुर गोदार क्षेत्रीको २०६० साल कात्तिक १० गते बन्चरो प्रहारपछि हत्या भएको थियो ।

त्यस हत्याकाण्डमा संग्लग्न ९ जनालाई त्यतिबेलै पक्राउ गरी २० वर्षको कैद सजायँ सुनाइए पनि मुख्य योजनाकार मानिएका कृपाराम खटिक हिजो सोमबार पक्राउ परेका हुन् । जिल्ला अदालतको फैसलाअनुसार उनलाई हिजै जिल्ला कारगार चलान गरिएको जिल्ला प्रहरी कार्यालय बर्दियाले जानकारी दिएको छ । उनलाई प्रहरीले बढैयाताल–३ बाटै पक्राउ गरेको हो ।

खटिकले बन्चरो प्रहरी गरी हत्या गरेलगत्तै भारततर्फ भागेको बयान दिएका छन् । ९ वर्षसम्म उनी भारतको रुपैडिया, नानपारा लगायतका ठाउँमा मजदूरी गरी बसेको र पछिल्लो करिव ९ वर्षदेखि रुपैडियाको मोहनपुरमा स्थायी बसोबास गर्दै आएका थिए । त्यहाँ उनले कृषि र पशुपालन व्यवसाय गरिरहेका थिए ।