Tag: फ्रेन्च ओपन

काठमाडौं । ग्रीक खेलाडी स्टेफानो सित्सिपस वर्षको दोस्रो ग्रान्डस्लाम- फ्रेन्च ओपन टेनिसको फाइनलमा प्रवेश गरेका छन् । शुक्रबार भएको सेमिफाइनलमा जर्मनीका अलेकजेन्डर जेर्रेभलाई ३-६, ३-६, ६-४, ६-४, ३-६ को नतिजामा पराजित गर्दै २२ वर्षीय सित्सिपस फाइनलमा पुगेका हुन् ।

उनले शुक्रबार राति नै हुने दोस्रो सेमिफाइनलमा राफेल नाडाल र नोभाक जोकोभिचबीचको विजेतासँग उपाधिका लागि प्रतिस्पर्धा गर्नेछन् ।

क्वार्टरफाइनलमा रुसी खेलाडी ड्यानियल मेड्भेडेभलाई पराजित गरेका सित्सिपसले ग्रान्डस्लाम टेनिसमा पहिलो पटक फाइनल यात्रा तय गरेका हुन् । विश्व बरियताको पाँचौं स्थानमा रहेका सित्सिपस गत वर्ष रोलान्ड गारोसको सेमिफाइनलबाट बाहिरिएका थिए ।

उनले फाइनलमा तत्कालीन टेनिसका दुईमध्ये एक बादशाहको सामना गर्नुपर्नेछ ।

काठमाडौं । ग्रीक खेलाडी मारिया सक्कारी एक पटककी च्याम्पियन इथा स्वाटेकलाई ६–४, ६–४ को नजितामा पराजित गर्दै फ्रेन्च ओपन टेनिसको सेमिफाइनलमा पुगेकी छन् ।

बुधबार भएको क्वार्टरफाइनलको पहिलो सेटमा पछाडि परेकी २५ वर्षीया सक्कारीले उत्कृष्ट पुनरागमन गर्दै पहिलो पटक ग्रान्डस्लामको सेमिफाइनल यात्रा तय गरेकी हुन् ।

सक्कारीले पहिलो चरणमा कट्रिना जाभात्स्का, दोस्रो चरणमा ज्यास्मिन पाओलिनी, तेस्रो चरणमा एलिस मर्टेन्स र चौथो चरणमा सोफिया केनिनलाई पराजित गरेकी थिइन् ।

उनले सेमिफाइनलमा पहिलो पटक सेमिफाइनल पुगेकी चेक गणतन्त्रकी बार्बोरा क्रेसिकोभासँग प्रतिस्पर्धा गर्नेछिन् ।

काठमाडौं । बार्बोरा क्रेसिकोभा फ्रेन्च ओपन टेनिसको सेमिफाइनलमा पुगेकी छन् । अमेरिकी युवा किशोरी कोको गौफलाई ७-६ (८-६), ६-३ को सेटमा पराजित गर्दै चेक खेलाडी युवती क्रेसिकोभा पहिलो पटक ग्रान्डस्लामको सेमिफाइनलमा पुगेकी हुन् ।

गत वर्ष चौथो चरणबाटै बाहिरिएकी क्रेसिकोभाले पहिलो चरणमा क्यारोलिना प्लिस्कोभालाई ५-७, ६-४, ६-२ को नतिजामा पराजित गर्दै प्रतियोगिताको सुरुआत गरेकी थिइन् ।

दोस्रो चरणमा एकाटेरिना अलेक्जान्ड्रोभालाई ६-२, ६-३ को नतिजामा हराएकी क्रेसिकोभाले तेस्रो चरणमा पाँचौं बरियताकी एलिना स्भितोलिनाविरुद्ध ६-३, ६-२ को जित निकालेकी थिइन् ।

चौथो चरणमा अमेरिकी खेलाडी स्लोएन स्टेफन्सलाई ६-२, ६-० को सोझो सेटमा पराजित गर्दै क्रेसिकोभा क्वार्टरफाइनलमा आइपुगेकी थिइन् । पाँचौं पटक पटक ग्रान्डस्लाम टेनिस खेलिरहेकी क्रेसिकोभाले महिला डबलतर्फ २०१८ मा फ्रेन्च ओपनको उपाधि जितेकी थिइन् ।

काठमाडौं । बार्बोरा क्रेसिकोभा फ्रेन्च ओपन टेनिसको क्वार्टरफाइनलमा पुगेकी छन् । सोमबार भएको चौथो चरणको खेलमा अमेरिकी खेलाडी स्लोएन स्टेफन्सलाई ६-२, ६-० को सोझो सेटमा पराजित गर्दै २५ वर्षीया क्रेसिकोभा ग्रान्डस्लामको महिला सिङ्गल्समा पहिलो पटक क्वार्टरफाइनलमा पुगेकी हुन् ।

गत वर्ष चौथो चरणबाटै बाहिरिएकी क्रेसिकोभाले पहिलो चरणमा क्यारोलिना प्लिस्कोभालाई ५-७, ६-४, ६-२ को नतिजामा पराजित गर्दै प्रतियोगिताको सुरुआत गरेकी थिइन् । दोस्रो चरणमा एकाटेरिना अलेक्जान्ड्रोभालाई ६-२, ६-३ को नतिजामा हराएकी क्रेसिकोभाले तेस्रो चरणमा पाँचौं बरियताकी एलिना स्भितोलिनाविरुद्ध ६-३, ६-२ को जित निकालेकी थिइन् ।

क्रेसिकोभाले क्वार्टरफाइनलमा कोको गौफ र ओन्स जाबेरबीचको विजेतासँग खेल्नेछिन् ।

काठमाडौं । विश्व नम्बर पाँच एलिना स्भितोलिना फ्रेन्च ओपन टेनिसको दोस्रो चरणमा प्रवेश गरेकी छन् । मंगलबार भएको पहिलो चरणको खेलमा ओसिएन बाबेललाई ६-२, ७-५ को सोझो सेटमा पराजित गर्दै २६ वर्षीया युक्रेनी खेलाडी स्भितोलिना दोस्रो चरणमा पुगेकी हुन् ।

गत वर्ष क्वार्टरफाइनल सम्म पुगेकी स्भितोलिना वर्षको पहिलो ग्रान्डस्लाम- अस्ट्रेलियन ओपनको चौथो चरणबाट बाहिरिएकी थिइन् । उनले फ्रेन्च ओपनको तेस्रो चरण प्रवेशका लागि ७५औं बरियताकी अमेरिकी खेलाडी एन् लीसँग प्रतिस्पर्धा गर्नेछिन् ।

ली पहिलो चरणमा रुसी खेलाडी मार्गरिता गास्पर्‍यानलाई ६-०, ६-१ को सोझो सेटमा पराजित गर्दै दोस्रो चरणमा आइपुगेकी हुन् ।

यस्तै, जेनिफर ब्राडी र सेरेना विलियम्स पनि यसअघि नै दोस्रो चरणमा प्रवेश गरिसकेका छन् ।

काठमाडौं । २३ पटककी ग्रान्डस्लाम च्याम्पियन सेरेना विलियम्स फ्रेन्च ओपन टेनिसको दोस्रो चरणमा प्रवेश गरेकी छन् ।

सोमबार राति भएको पहिलो चरणको खेलमा ७४औं बरियताकी इरिना क्यामेलियालाई ७-६ (८-६), ६-२ को नतिजामा पराजित गर्दै आठौं बरियताकी विलियम्स दोस्रो चरणमा पुगेकी हुन् ।

सेरेनाले तेस्रो चरण प्रवेशका लागि १७४औं बरियतकी माहेला बुजारनेस्कुसँग प्रतिस्पर्धा गर्नेछिन् । तीन पटककी फ्रेन्च ओपन च्याम्पियन सेरेना गत वर्ष दोस्रो चरणबाटै बाहिरिएकी थिइन् ।

चार पटक फाइनलमा पुगेकी ३९ वर्षीया सेरेनाले २०१५ मा अन्तिम पटक वर्षको दोस्रो ग्राण्डस्ला- फ्रेन्च ओपनको उपाधि जितेकी थिइन् ।