Tag: प्रभु क्यापिटल

काठमाडौं । नेपाल फाइनान्स लिमिटेडले हकप्रद निष्कासन गर्नका लागि प्रभु क्यापिटल लिमिटेडलाई सेयर निष्कासन तथा बिक्री प्रबन्धकमा नियुक्त गरेको छ ।

नेपाल फाइनान्स लिमिटेडका तर्फबाट प्रमुख कार्यकारी अधिकृत उद्धवराज थपलिया र प्रभु क्यापिटल लिमिटेडबाट प्रबन्ध निर्देशक दिनेश थकालीले नियुक्तिसम्बन्धी सम्झौतापत्रमा हस्ताक्षर गरेका छन् ।

फाइनान्सले हाल कायम चुक्ता पुँजी ४९ करोड ३४ लाख ९६ हजार ३ सय २५ को ७० प्रतिशत हकप्रद सेयर निष्कासनको तयारी गरेको छ । १ कित्ता बराबर ०.७० कित्ता हकप्रद निष्कासन गरेपछि फाइनान्सको चुक्ता पुँजी ८३ करोड ८९ लाख ४३ हजार ७ सय ५२ रूपैयाँ ५० पैसा पुग्नेछ ।

काठमाडौं । प्रभु क्यापिटलले बालबालिकालक्षित ‘प्रभु लिटिल च्याम्प’ योजना को शुरूआत गरेको छ । बाल दिवसको अवसर पारेर १६ वर्षसम्मका बालबालिकाको सुरक्षित भविष्यको लागि लगानी गर्न चाहनेका लागि यो सेवा ल्याइएको क्यापिटलले जनाएको छ ।

यस योजनामा जोडिने १ जना गरिब तथा पिछडिएका बालबालिकाको विद्यालय खर्च व्यहोर्ने बताइएको छ । महिला लगानीकर्तालाई लक्षित गरेर तिजको अवसरमा प्रभु ऐश्वर्य पीएमएस योजना शुरू गरिएको थियो । यस योजना अन्तर्गत न्यूनतम लगानी अवधि ५ वर्ष, हर्डल रेट ८ प्रतिशत, वार्षिक व्यवस्थापन शुल् (एएमसी) २ प्रतिशत, मुनाफामा लाग्ने शुल्क २० प्रतिशत, लक इन अवधि ५ वर्ष, लक इन अवधिअगावै योजना बन्द शुल्क ३ प्रतिशत, नाफा वितरण न्यूनतम लगानी अवधि पश्चात, गरीब तथा पिछडिएका बालबालिकालाई १ वर्षको लागि सम्पूर्ण विद्यालय खर्च क्यापिटलले स्पोन्सर गरिने बताइएको छ ।

प्रभु क्यापिटलले नियमित कार्यालय समय तथा प्रभु बैंकको नेपाल मुलुक भर सञ्चालनमा रहेको शाखाबाट यो योजनामा सहभागी हुन सकिनेछ । यसरी सहभागी भएका सेवाग्राहीहरूले आफ्नो लगानी व्यवस्थापनबारे अनलाइन सुविधाबाटै जानकारी लिन सक्नेछन् ।

काठमाडौं । प्रभु क्यापिटलले ल्याएको सामूहिक लगानी कोषअन्तर्गतको पहिलो योजना प्रभु सेलेक्ट फण्डको भोलिदेखि निष्काशन तथा बिक्री खुला गर्ने भएको छ ।

उक्त योजना कोषको प्रवर्द्धक प्रभु बैंक लिमिटेड र योजना व्यवस्थापक प्रभु क्यापिटल छन् । यस कोषको प्रतिइकाई १० रूपैयाँ अंकित मूल्य कायम गरी १ अर्ब बराबरको १० करोड इकाई जारी गर्न लागिएको छ । योजनाबाट संकलित रकम ८० देखि १०० प्रतिशतसम्म सेयरमा लगानी गरिने प्रभु क्यापिटलले जनाएको छ ।

कोष प्रवर्द्धक प्रभु बैंकले १ करोड ४० लाख इकाई र कोष व्यवस्थापक प्रभु क्यापिटल लिमिटेडले १० लाख इकाई गरी कुल १ करोड ५० लाख छुट्याइएको छ । बाँकी ८ करोड ५० लाख इकाईका लागि सर्वसाधरणले जेष्ठ ५ गतेबाट आवेदन दिन सक्नेछन् ।

फण्डको इकाईमा इच्छुक लगानीकर्ताले जेष्ठ ९ गतेसम्म आवेदन दिन सक्नेछन् । उक्त अवधिमा सबै इकाईका लागि आवेदन नपरेको जेष्ठ १५ गतेसम्मका लागि म्याद थप गरिने क्यापिटलले जनाएको छ ।