Tag: प्रदर्शन

बुधबार काठमाडौंको माइतीघरमा वायु प्रदूषणविरुद्ध प्रदर्शन भएको छ । केही दिनदेखि प्रदूषण निकै बढेपछि वातावरण जोगाउने अभियानमा लागेका युवाले प्रदूषण कम गर्नका लागि सरकारलाई दबाब दिन प्रदर्शन गरेका हुन् ।

नेकपाको प्रचण्ड–माधव नेपाल पक्षले संसद विघटनविरुद्ध देशभर विरोध प्रदर्शन शुरु गरेको छ । राजधानीका विभिन्न स्थानबाट भृकुटीमण्डपमा जम्मा भएको जुलुस प्रचण्ड- माधव नेपालको नेतृत्वमा सहिद गेट, पुतलीसडक, रत्नपार्क हुँदै पुनः भृकुटीमण्डपमा आएर विरोध सभामा परिणत भएकाे थियाे।

नेपाली कांग्रेस संसद विघटनविरुद्ध सडकमा उत्रिएको छ । प्रतिनिधिसभा भंग गर्ने सरकारको कदम असंवैधानिक र अलोकतान्त्रिक रहेको आरोप लगाउँदै कांग्रेसले देशभरका १६५ निर्वाचन क्षेत्रमा प्रदर्शन गरेको हो । प्रदर्शनलाई सम्बोधन गर्दै कांग्रेसका नेताहरुले सरकारको तीव्र आलोचना गरेका छन् भने सर्वसत्तावादको अभ्यासलाई सफल हुन नदिने घोषणा गरेका छन् ।

विभिन्न पेशा व्यवसायमा आबद्ध नागरिक अगुवाहरुको एउटा समूहले शनिबार प्रतिनिधिसभा विघटनको विरोधमा काठमाडौंको माइतीघरमा प्रदर्शन गरेको छ । प्रतिगमनविरुद्ध बृहत् नागरिक आन्दोलनको ब्यानरमा उक्त प्रदर्शन भएको हो।

सहभागीले समृद्धिको यात्रा– ओलीको गाईजात्रा, म नागरिक संविधानको पालक– नेताज्यू तपाइँ नि ?, संविधानमाथि तीरैतिर–प्रतिगामीलाई खीरैखीर लेखिएका प्लेकार्ड बोकेका थिए । उक्त अवसरमा बृहत् नागरिक आन्दोलनले आन्दोलनका कार्यक्रम पनि घोषणा गरेको छ ।

आगामी १८ गतेसम्म दिन बिराएर प्रदर्शन गर्ने योजना उनीहरुको छ । उनीहरुले संविधान भित्रैबाट समाधान खोज्न समेत माग गरेका छन् ।