काठमाडौं । कोरोना माहामारीका कारण रोकिएको नेपाल वायुसेवा निगमको काठमाडौं–दिल्ली उडान बिहीबारबाट शुरु भएको छ ।
आठ महिनापछि उडेको जहाजमा ९० प्रतिशतको हाराहारीमा यात्रु भएको निगमले जानकारी दिएको छ ।
निगमका अनुसार एयरबस ३२० (न्यारोबडी जहाज) काठमाडौंबाट ११ः२० मा उडान गरेको छ । सोही जहाजले २ः०० बजे दिल्लीबाट काठमाडौं उडान गर्ने छ । निगमले यस यात्राका लागि न्यूनतम उडान शुल्क करीब १४ हजार रुपैयाँ निर्धारण गरेको छ ।