काठमाडौं । विजयादशमीको अन्तिम दिन कोजाग्रत पूर्णिमाको अवसरमा बुधबार राष्ट्रपति विद्यादेवी भण्डारी भक्तपुरको नवदुर्गा मन्दिरमा पुगेर पूजाअर्चना साथै टीकाप्रसाद ग्रहण गरेकी छन् ।
प्रत्येक वर्ष कोजाग्रत पूर्णिमाका दिन राष्ट्र प्रमुख सो मन्दिरमा गएर पूजाअर्चना गर्ने चलन छ । राष्ट्रपतिलाई नवदुर्गाको पूजा एवं दर्शन गराएर नवदुर्गा भवानीको जमरा एवं टीका, प्रसाद, फूलमाला, बिमिरो र पञ्चरङ्गी धागो गरिएको छ ।
सो अवसरमा राष्ट्रपतिले मन्दिर परिसरका मूर्तिको अवलोकन गरी दर्शन गरेकी छन् ।
