Tag: धर्ना

काठमाडौं । नेपाली कांग्रेसको केन्द्रीय कार्यालय सानेपामा क्रियाशील सदस्यता छानबिनको माग गर्दै धर्नामा बसेका कार्यकर्तामाथि दुर्व्यवहार भएको भन्दै संस्थानपइतर समूहले सानेपामा प्रदर्शन गर्ने भएको छ ।

नेपाली कांग्रेस सर्लाहीका कार्यकर्तामाथि प्रदेश २ का युवामन्त्री वीरेन्द्र सिंहले दुर्व्यवहार गरेको भन्दै आज विरोध प्रदर्शन हुन लागेको हो ।

कांग्रेस सांसद अमरेश सिंहको संयोजनमा हुने विरोध प्रदर्शनमा वरिष्ठ नेता रामचन्द्र पौडेल र केन्द्रीय सदस्य डा. शेखर कोइरालाले ऐक्यवद्धता जनाउनेछन् । पौडेल र कोइराला केहीबेरमा सानेपा पुगेर धर्नामा रहेका सर्लाही कांग्रेसका कार्यकर्ताहरुको विरोधमा समर्थन जनाउने बताइएको छ । संस्थापनइतरका अन्य नेताहरु पनि सानेपा जाने तयारीमा छन् ।

केही दिनअघि प्रदेश २ का युवामन्त्री सिंहले बरथवा नगरपालिका ४ का वडा अध्यक्ष लाखिन्द्र महतोलाई गाली गर्दै गरेको भिडियो सार्वजनिक भएको थियो ।

काठमाडौं । नेपाली कांग्रेसको केन्द्रीय कार्यालय सानेपामा विधानविपरीतका क्रियाशील सदस्यता खारेज गर्न माग गर्दै धर्ना शुरू भएको छ ।

नेपाली कांग्रेस बाराका नेता तथा कार्यकर्ताहरू आजदेखि पार्टी कार्यालय सानेपाको प्रवेशद्वारमा धर्नामा बसेका हुन् ।
पार्टीको विधान, नियमावली र परिपत्रविपरीत बाँडिएका सदस्यता खारेज गर्न माग गर्दै सानेपामा धर्ना बस्नेमा पूर्वसभासदद्वय रामअयोध्या प्रसाद यादव, लालबाबु सिंह, नेविसंघ पूर्वसहमहामन्त्री राजेश रौनियारसहित बाराका विभिन्न वडाका बुथ सभापतिहरू छन् ।

उनीहरुले ६ बुँदे माग राखेका छन् । ‘पार्टीको वडा कार्यसमितिले विधानअनुसार सिफारिस गरेभन्दा बाहेकका सदस्यता जुन विधानविपरीत आएको छ, त्यसलाई खारेज गर्नुपर्छ । जालसाजी गरेर थपिएका क्रियाशील खारेज नभएसम्म धर्ना जारी रहन्छ’, बाराका महाधिवेशन प्रतिनिधिसमेत रहेका युवा नेता राजेश रौनियारले भने ।

धर्नामा बसेका नेता कार्यकर्ताले पार्टीको विधान अनुसार वडा र क्षेत्रको बैठकबाट पारित नभई मनपरी ढंगले क्रियाशील सदस्यता बाँड्ने काम भएको आरोप लगाएका छन् । उनीहरुले पटक-पटक ध्यानाकर्षण गराउँदा पनि चासो नदिइएकोले आन्दोलनमा उत्रनुपरेको बताएका छन् ।

कास्की । गण्डकी प्रदेश प्रमुखको कार्यालय अगाडी नेपाली कांग्रेसको नेतृत्वमा विपक्षी गठवन्धनले धर्ना दिएको छ । प्रदेश मुख्यमन्त्रीका लागि पृथ्वीसुब्बा गुरुङले फेरि दावी पेश गरेपछि विपक्षी गठवन्धन विरोधमा उत्रेको हो ।

प्रदेश प्रमुख सीता पौडेलले गण्डकीमा नयाँ सरकार गठनका लागि बहुमत जुटाउन आज ३ बजेसम्मको समय दिएकी थिइन् । कांग्रेसका कृष्णचन्द्र पोखरेलले ३१ सांसदको हस्ताक्षरसहित हिजो दावी पेश गरेका थिए भने आज मुख्यमन्त्री गुरुङले पनि दावी गरेका छन् । प्रदेश प्रमु्खबाट अहिलसम्म कुनै सूचना आएको छैन ।

३१ सांसदको भौतिक उपस्थितिसहित हस्ताक्षर बुझाउँदा पनि नियुक्ती नगरिएको भन्दै विपक्षी गठवन्धनले आपत्ति जनाएको छ ।

मुख्यमन्त्रीका दावेदार पोखरेलका स्वकियसचिव राजेन्द्र पौडेलले अहिले जारी धर्नामा जनमोर्चाका दुई र जसपाका दुई सांसद उपस्थित रहेको बताए । यसैगरि स्वतन्त्र सांसद दिपक मनाङे पनि धर्नामा छन् ।

तस्विर सौजन्य : राजेन्द्र पौडेल

काठमाडौं । प्रतिनिधिसभा विघटनविरुद्ध काठमाडौंको माइतीघर मण्डलामा जारी धर्ना कार्यक्रमलाई नेकपाको प्रचण्ड-माधव पक्षले पूर्व निर्धारित समयअघि नै टुंग्याएको छ।

४ दिनदेखि माइतीघर मण्डलमा धर्ना दिइरहेको सो पक्षले यसअघि २१ माघसम्म धर्ना जारी राख्ने गरी कार्यक्रम घोषणा गरेको थियो । सात दिनको कार्यक्रमलाई छोट्याएर चार दिनमै टुंग्याइएको हो । आइतबारको धर्नामा अध्यक्षद्वय प्रचण्ड र माधवकुमार नेपालसमेत सहभागि थिए ।

स्थायी कमिटी सदस्य पम्फा भुसालले वागमती प्रदेशसभाको अधिवेशनमा केन्द्रित हुनैपर्ने भएकाले समयअगावै धर्ना कार्यक्रम सकाएको बताइन् ।

वागमती प्रदेशसभा बैठक सोमबार शुरू हुँदैछ । मुख्यमन्त्री डोरमणि पौडेलविरुद्ध प्रचण्ड-माधव पक्षले अविश्वास प्रस्ताव गरेको छ। प्रस्ताव सभाबाट पारित हुन्छ कि हुँदैन भन्नेमा चासो बढेको छ।