Tag: जन्मदिन

पूर्वयुवाराज्ञी हिमानी शाह आज एक सार्वजनिक कार्यक्रममा देखा परिन् । उनको जन्मदिन पारेर हिमानी ट्रस्टले राहत वितरण कार्यक्रम आयोजना गरेको थियो ।

बालुवाटारस्थित ट्रस्टको कार्यालयमा आयोजित कार्यक्रममा हिमानीले नवलपरासी जिल्लाका पाँच सय बाढीपीडित घर-परिवारलाई राहत वितरण गरेकी थिइन् । साथै, उनले कार्यक्रममा छोटो औपचारिक सम्बोधन पनि गरिन् ।

नेपाली जनताको सेवा नै हिमानी ट्रस्टको लक्ष्य रहेको भन्दै उनले आफूहरूले गर्दै आएका कामहरूबारे जानकारी दिएकी थिइन् ।

चन्द्रसूर्य अंकित रातो मास्क लगाएकी हिमानीले ट्रस्टको औपचारिक पोशाक लगाएर आएकी थिइन् । ट्रस्टका सबै पदाधिकारीहरूले उस्तै पोशाक लगाएका थिए ।

तस्बिरहरू : गौरव पौडेल । 

रूपन्देही । प्यूठानको सरुमारानी गाउँपालिका-२ दर्भानमा जन्मदिन मनाउन ल्याइएको केक खाँदा १३ जना बिरामी परेका छन् ।

स्थानीय ६९ वर्षीय एकबहादुर गुरुङको जन्मदिनमा ल्याइएको केक खाएका १३ जना बिरामी भएपछि उनको परिवार बिक्रेताविरूद्व उजुरी दिने तयारीमा छ ।

बिरामी पर्नेमा एकबहादुर गुरुङ उनकी श्रीमती कुमारी गुरूङ, छोरा गमान सिंह गुरूङसहित विष्णु गुरूङ, राजकुमार विष्ट, शर्मिला गुरूङ, ठगबहादुर गुरूङ, विजय गुरूङ, यमुना गुरूङ, केशव गुरूङ, कृष्णा गुरूङ, तिर्सना गुरूङ र अप्सना गुरूङ रहेको स्थानीय राजकुमार गुरुङले नेपाल प्रेसलाई बताए ।

केक खाएको भोलिपल्ट झाडापखाला र वान्ता हुने तथा टाउको दुखेपछि सबैलाई स्थानीय मेडिकलमा भर्ना गरिएको थियो । बिरामी परेकामध्ये १२ जनालाई अस्पतालले चार दिनपछि डिस्चार्ज गरेको गुरुङले बताए । कुमारी गुरूङको भने बुटवलस्थित तिलोत्तमा अस्पतालमा उपचार भइरहेको छ ।

गुरुङका अनुसार यो घटना भदौ १५ गतेको हो । केक खाएका सबैलाई खाद्य विषाक्त भएको अस्पतालले जनाएको छ । केक विक्रेताविरुद्व प्रहरीमा उजुरी दिने तयारी रहेको पीडितले बताए ।