Tag: चट्याङ

काठमाडौं । ओखलढुंगामा चट्याङ लागेर एक जनाको मृत्यु भएको छ । जिल्लाको लिखु गाउँपालिका ८ टारकेराबारीका देव बहादुर दर्जीको चट्याङ लागेर ज्यान गएको हो ।

बुधबार साँझ ६ बजे घरायसी कामका लागि बाहिर रहेका दर्जी चट्याङ लागेर गम्भीर घाइते भएका थिए ।

उनलाई तत्काल उद्धार गरी रामेछाप मन्थलीको तामाकोसी अस्पताल लगिएकोमा उपचारको क्रममा उनको राति १ बजे मृत्यु भएको जिल्ला प्रहरी कार्यालय ओखलढुंगाले जनाएको छ ।

घटनामा गम्भीर घाइते भएका अर्का स्थानीय मेघ बहादुर दर्जीको धुलिखेल अस्पतालमा उपचार भइरहेको प्रहरीले जनाएको छ ।

रूपन्देही । गुल्मीको मालिका गाउँपालिका र ईस्मा गाउँपालिकामा चट्याङ लागेर ११ वर्षीय वालकसहित २ जनाको मृत्यु भएको छ भने ६ जना घाइते भएका छन् ।

मालिका गाउँपालिका-२ पाटाखर्ककी २८ वर्षीया कमला प्रतेलको गएराति चट्याङ लागेर ज्यान गएको छ ।

जिल्ला प्रहरी कार्यालय गुल्मीका सुचना अधिकारी प्रहरी नायब उपरीक्षक पुरुषोत्तम पान्डेयका अनुसार राति परेको चट्याङले कमलाको ज्यान गएको जानकारी दिए । प्रतेलको घर समेत चट्याङले ढलेको छ ।

हिजो मात्रै गुल्मीको ईस्मा गाउँपालिकाको ४ का विभिन्न स्थानमा परेको चट्याङले ११ वर्षीय वालकको ज्यान गएको थियो भने ६ जना घाइते भएका थिए । घाइतेहरुको लुम्बिनी मेडिकल कलेज पाल्पा परवासमा उपचार भैरहेको छ ।

रूपन्देही । गुल्मीको मुसिकोट नगरपालिकामा चट्याङ लागेर एकजनाको मृत्यु भएको छ भने ८ जना घाइते भएका छन् ।

जिल्ला प्रहरी कार्यालय गुल्मीका अनुसार मुसिकोट –४ दजाकोटमा उजिर बहादुर गाहाको घरमा शुक्रबार बिहान चट्याङ पर्दा १८ वर्षकी करिश्मा गाहाको मृत्यु हो ।

चट्याङ लागेर घाइते भएकी गाहाको उपचारको क्रममा गुल्मी अस्पतालमा मृत्यु भएको हो । सो घटनामा ८ जना घाइते भएका छन् । उनीहरूमध्ये धेरैको अवस्था सामान्य छ ।

झापा । झापाको भद्रपुर नगरपालिका–२ मा रहेको किच्चकबध प्रहरी चौकीका प्रमुख एवं प्रहरी सहायक निरीक्षक महादेव ठाकुरको चट्याङ लगेर मृत्यु भएको छ ।

जिल्ला प्रहरी कार्यालय झापाका सूचना अधिकारी राकेश थापाका अनुसार सोमबार राति १०ः५५ बजेतिर गस्तीमा रहेको अवस्थामा उहाँ चट्याङ लागेर घाइते भएको थियो ।

तत्कालै भद्रपुरको ओमसाइ पाथिभरा अस्पताल पुर्‍याउँदा चिकित्सकले मृत्यु भइसकेको जानकारी गराएका थिए ।

मृतक प्रहरी सहायक निरीक्षक ठाकुर ४७ वर्षको हुनुहुन्थ्यो । भारतसँगको सीमा नजिक रहेको उक्त अस्थायी प्रहरी चौकीको टोली साइकल गस्तीमा निस्किएको थियो । हावाहुरी र भारी वर्षासँगै परेको चट्याङले ठाकुरलाई लागेको थियो । गस्तीमा खटिएका अरु प्रहरीहरु सुरक्षित नै छन् ।

रुपन्देही । रोल्पाको सुनछहरी गाउँपालिका-७ जेलबाङका ९ वर्षीय अभिशेख पुनको चट्याङबाट मृत्यु भएको छ ।

गाउँपालिका केन्द्र पोबाङबाट आमासँग घर जाँदै गर्दा जङ्गलमा चट्याङ्ग लागेर ती बालकको मृत्यु भएको जिल्ला प्रहरी कार्यालयका इन्सपेक्टर सन्तोष केसीले जानकारी दिए । आमालाई सामान्य चोट लागेको छ ।

त्यस्तै चट्याङ्गबाटे परिवर्तन गाउँपालिका-२ बागमाराका अमनकुमारी राना र त्रिवेणी गाउँपालिका-२ दहवनका कृष्ण केसीको घर आगलागीबाट क्षति भएको प्रहरीले बताएको छ ।

काठमाडौं । बर्षात सँगै देशका विभिन्न स्थानमा परेको चट्याङमा परी ४ जनाको मृत्यु भएको छ ।
हावाहुरी सहित परेका चट्याङमा परी मोरङ, भोजपुर, खोटाङ र रौतहटमा चार जनाको बिहीबार ज्यान गएको हो । मोरङको कानेपोखरी–२, खोटाङको दिप्रुङचुईचुम्मा–६, भोजपुरको आमचोक–९ र रौतहटको गुजरा–८ मा चट्याङ परेर मानवीय क्षति भएको राष्ट्रिय विपद् जोखिम न्यूनीकरण तथा व्यवस्थापन पाधिकरणले जनाएको छ ।
बिहीबार देशका दश स्थानमा मेघ गर्जन सहित चट्याङ पर्दा अन्य ४ जना गम्भिर घाईते भएको प्राधिकरणले जनाएको छ ।
प्राधिकरणका अनुसार चट्याङ, आगलागी, हावाहुरी, पहिरो र जनावर आक्रमणका २७ वटा घटनामा ६२ लाख ८९ हजार बराबरको क्षति भएको उल्लेख छ ।
बैशाख १ गतेयता एक सय ६० वटा विपद्का घटना घटेकोमा १० जनाको मृत्यु, ३२ जना घाईते हुनुको साथै १५ करोड ७५ लाख बराबरको क्षति भएको छ ।

मोरङ । मोरङ कानेपोखरी २ दलेलीमा चट्याङ पर्दा एक महिलाको मृत्यु भएको छ । बिहिबार बिहान परेको चट्याङमा परी स्थानीय ४३ बर्षीय सुकवती राजवंशीको मृत्यु भएको प्रहरीले जनाएको छ ।

पानी परेको बेला घर नजिकै रहेका गाईगोरू सार्न जाने क्रममा चट्याङमा परी राजवंशी गम्भीर घाईते भएकी थिईन ।

घाईते राजबंशीको उपचारको लागि उर्लाबारी स्थित मदनभण्डारी अस्पताल तथा ट्रमासेन्टर लगेकोमा अस्पताल पुर्याउन साथ मृत्यु भएको ईलाका प्रहरी कार्यालय उर्लाबारीले जनाएको छ ।

ओखलढुंगा । ओखलढुंगाको लिखु गाउँपालिका-८ मा गएराति चट्याङ पर्दा गाउँपालिका अध्यक्ष गोविन्द पौडेल र वडाध्यक्ष विशाल पौडेलका तीनवटा घर ध्वस्त भएका छन् ।

ठूलो हावाहुरीपछि मध्यराति १ बजे परेको चट्याङ आफ्नो घरको कोठामा परेपछि तीनवटा घर ध्वस्त भएको अध्यक्ष पौडेलले नेपाल प्रेसलाई बताए ।

टारकेराबारीस्थित गाउँपालिका अध्यक्षको घर र उनका सहोदार भाइ सोही वडाका वडाध्यक्ष विशालको घर एल आकारमा बनाइएका थिए । भूकम्पपछि बनेको अर्को एउटा नयाँ घर समेत चट्याङबाट क्षतिग्रस्त भएको अध्यक्ष पौडेलले जानकारी दिए ।

मान्छे नसुत्ने भएकाले आफ्नो घरमा मानवीय क्षति नभएको र भाइको घरमा भागदौड हुँदा बुहारीको खुट्टा फ्याक्चर भएको उनले बताए । अध्यक्ष गोविन्द पौडेल भने गाउँपालिका केन्द्र यसममा बस्ने गरेका छन् ।

चट्याङ परेपछि आगलागी भएको थियो ।भन्ज्याङस्थित घरमा चट्याङपछिको आगलागीले घरभित्र रहेका नगद जिन्सी लगायत सबै भौतिक सामाग्री नष्ट भएको उनले बताए ।  ठूलो आवाजसहित परेको चट्याङ र आगलागीले स्थानीय वासिन्दा त्रासमा रात काट्न बाध्य रहे ।

काठमाडौं- आज पहाडी भू-भागमा चट्याङसहित वर्षाको सम्भावना रहेको छ ।

मौसम पूर्वानुमान महाशाखाले अन्य स्थानमा भने मौसम सफा सफा रहने जनाएको छ ।

साँझ पनि प्रदेश १, गण्डकी प्रदेश र कर्णाली प्रदेशका पहाडी भू-भागका एक दुई स्थानमा चट्याङसहित वर्षाको सम्भावना छ ।

काठमाडौं । शनिबार देशका केही स्थानहरूमा चट्याङसहित वर्षा हुने सम्भावना छ ।

मौसन पूर्वानुमान महाशाखाका अनुसार सातै प्रदेशका केही स्थानमा मेघगर्जनसहित वर्षाको सम्भावना रहनेछ ।

राति भने प्रदेश नं १ को पहाडी भू–भागहरूमा आंशिकदेखि सामान्य बदलीबाहेक अन्य स्थानमा मौसम सफा देखिने मशाहाखाले जनाएको छ ।

काठमाडौं । शनिबार देशका केही पहाडी भू-भागका केही स्थानमा मेघगर्जन तथा चट्टयाङसहित हल्का वर्षाको सम्भावना रहेको मौसम पूर्वानुमान महाशाखाले बताएको छ । देशका पहाडी भू-भागहरुमा आंशिकदेखि सामान्य बदली रही बाँकी भू-भागहरूमा मौसम सामान्यतया सफा रहने महाशाखाले बुलेटिनमार्फत् जानकारी दिएको हो ।

त्यस्तै शनिबार दिउँसो देशका उच्च पहाडी तथा हिमाली भू-भागका एक-दुई स्थानमा हल्का हिमपातको पनि सम्भावना रहेको महाशाखाले बताएको छ ।

आज रातभर देशका पहाडी भू-भागहरूमा आंशिकदेखि सामान्य बदली रही बाँकी भू-भागहरूमा मौसम सामान्यतया सफा रहनेछ भने पहाडी भू-भागका एक-दुई स्थानमा मेघगर्जन तथा चट्टयाङसहित हल्का वर्षाको सम्भावना रहेको छ ।