काठमाडौं- जेम्स क्यामरुन निर्देशित हलिउड फिल्म ‘अवतार’ अहिलेसम्मकै सर्वाधिक कमाउने फिल्म बनेको छ । यो साइन्स फिक्सनले मार्भल पिक्चर्सको ‘एभेन्जर्स : एन्डगेम’को कीर्तिमानलाई पनि उछिनेको छ ।
हलिउड म्यागजिन इन्टरटेनमेन्ट विक्लीका अनुसार सन् २००९ मा रिलिज भएको अवतारले अहिलेसम्म २.८०२ बिलियन अमेरिकी डलर कमाएको छ भने एभेन्जर्स एन्डगेमले २.७९७ विलियन डलर कमाएको छ ।
Congratulations to @JimCameron ,@JonLandau , and ALL of Na’vi Nation for reclaiming the box office crown! We love you 3000. @OfficialAvatar pic.twitter.com/WlMWRcL15y
— Marvel Studios (@MarvelStudios) March 13, 2021
अवतार गत सप्ताहन्तमा पुनः चिनियाँ बक्सअफिसमा रिलिज भएको थियो । सन् २०१९ मा एन्डगेम सर्वाधिक कमाउने फिल्म बनेको थियो तर, अहिले अवतार पुनः रिलिज भएपछि कीर्तिमान तोडिएको हो ।
अवतार निर्माता जोन लान्डउले विज्ञप्ती जारी गर्दै भाइरस महामारीको संकटको समयमा रिलिज भएको फिल्मलाई रुचाएकोमा चिनियाँ दर्शकलाई धन्यवाद दिएका छन् ।
मार्भल स्टुडियोले ट्वीटरमार्फत निर्देशक क्यामरुनलाई बधाइ दिएको छ भने क्यामरुनले पनि मार्भलको जवाफ दिँदै धन्यवाद भनेका छन् । तर, सन् २०१० मा अवतारले क्यामरुनकै अघिल्लो फिल्म टाइटानिकको कमाइको रेकर्डलाई तोडेको थियो ।
