Category: माओवादी केन्द्र

रुपन्देही । लुम्बिनी प्रदेशमा नवनियुक्त मुख्यमन्त्री जोखबहादुर महराले आज दिउँसो पद तथा गोपनीयताको शपथ लिने भएका छन् । बुटवलस्थित प्रदेश प्रमुखको कार्यालयमा दिउँसो १ः४५ बजे सपथ गराउने गरी तयारी छ ।

नयाँ सत्ता समीकरणसँगै यसअघि नेपाली काँग्रेसका तर्फबाट मुख्यमन्त्री रहेका डिल्लीबहादुर चौधरीले बिहीबार राजीनामा दिएपछि शुक्रबार महरा मुख्यमन्त्री नियुक्त भएका थिए ।

नेकपा माओवादी केन्द्र संसदीय दलका नेता महरालाई एमाले,जसपा,नाउपा,नेकपा एस र स्वतन्त्रसहित ४८ जना सदस्यको समर्थनमा मुख्यमन्त्रीको दाबी पेश गरिएको थियो । प्रदेश प्रमुख शेरचनले संविधानको धारा १६८ को उपचार २ अनुसार महरालाई मुख्यमन्त्रीमा नियुक्त गरेका हुन् ।

महराले एमाले तथा सरकारमा सहभागी साना दलहरुसँग छलफल गरेर सानो मन्त्रीमण्डल बनाउने तयारी गरेका छन् । साना दलले टुंगो लगाएपनि एमालेमाओवादीबाट कसलाई पठाउने आज बिहानै छलफल गरेर टुंगो लगाउने जनाइएको छ । यसका लागि नेकपा एमालेसँग आइतबार विहान छलफलका लागि समय तोकिएको छ ।

एमाले प्रमुख सचेतक तुलसी चौधरीका अनुसार मन्त्रालयको सङ्ख्या बाँडफाँटको बारेमा पहिले मोटामोटी सहमति जुटिसकेको छ । उनका अनुसार माओवादी केन्द्रले मुख्यमन्त्रीसहित ३ मन्त्रालय, एमालेले सबैभन्दा ठूलो दलको हैसियतले ५ मन्त्रालय, जनता समाजवादी पार्टी जसपाले २ तथा एकीकृत समाजवादी र स्वतन्त्र सांसदले पालैपालो नेतृत्व गर्नेगरी एक मन्त्रालय दिने सहमति भएको हो। यसैगरी अन्तिम समयमा समर्थन गर्न आएको नागरिक उन्मुक्ति पार्टीलाई पनि मिलाएर लैजानुपर्ने र सो विषय सरकारको नेतृत्व गरेको पार्टीले जिम्मेवारी लिनुपर्ने उनको भनाइ छ ।

आइतबारको शपथ ग्रहणमा मुख्यमन्त्रीसहित माओवादी केन्द्र, एमाले तथा साना दलहरुबाट सहमतिअनुसार एक–एक जना विनाविभागीय मन्त्रीहरु सहभागी हुनसक्ने नेता चौधरीले बताए ।

मन्त्रीको नाम टुंगो लगाउन एमाले र माओवादीलाई सकस परेको छ । एमालेबाट उपनेता चेतनारायण आचार्य, रूपन्देहीका तुलसी चौधरी,बाँकेका रत्न खत्री वा दुर्गा चौधरी, कपिलवस्तुका विष्णु पन्थी वा अर्जुन केसी, रूपन्देहीका भूमिश्वर ढकाल,गुल्मीका दिनेश पन्थीसहितका सांसदको नाम अगाडि आएको छ ।

एमाले संसदीय दलका नेता लिला गिरी काठमाडौंबाट फर्केर टुंगो लगाउने भनिएको छ । उनी यहीँ विषयमा शीर्ष नेताहरूसँग सल्लाह लिन काठमाडौं गएका थिए । माओवादीबाट दाङका इन्द्रजित थारू, बाँकेकी कृष्ण केसी र रोल्पाका दिपेन्द्र पुनमध्येबाटै मन्त्री बन्ने सम्भावना छ ।

काठमाडौं । प्रधानमन्त्री पुष्पकमल दाहाल प्रचण्डले राजनीतिक पुनर्संरचनामा सफल भए पनि प्रत्येक नागरिकको जीवन रुपान्तरण गर्न अर्को क्रान्ति गर्ने समय आएको बताएका छन् ।

रुपन्देहीको लुम्बिनीमा जारी विराट चक्र विज्ञान एवं लुम्बिनी आध्यात्मिक जागरण उत्सवका अवसरमा आयोजित कार्यक्रमलाई शनिबार सम्बोधन गर्दै प्रधानमन्त्री प्रचण्डले उक्त कुरा बताएका हुन् ।

‘मैले केही समय पहिला सम्राट अशोक बन्ने समय आएको भाव व्यक्त गरेको थिएँ, जुन मेरो अन्तरआत्माको आवाज थियो’, उनले भने, ‘मैले आध्यात्मिक रुपान्तरणको खाँचो रहेको महसुस गरेको छु । म यो भूमिबाट यसतर्फ जिम्मेवारीबोध भएको भावना व्यक्त गर्दछु ।’

नेपालीलाई पूर्ण रूपान्तरणको बाटोमा लगेर एउटा सबल, शान्तिप्रेमी र ऊर्जाशील नागरिक बनाउन सकिन्छ भन्ने आफूमा विश्वास रहेको प्रधानमन्त्री प्रचण्डको भनाइ थियो । यस्तो रूपान्तरणका लागि कुनै पुरातनवादी धार्मिक राज्यको रूपमा नभएर दिगो शान्ति, सुशासन र सुव्यवस्थालाई सुनिश्चित गर्ने कल्याणकारी वैज्ञानिक आध्यात्मिक राज्यको रूपमा हुनुपर्ने उनले बताए ।

‘प्रत्येक व्यक्तिभित्र रहेका प्रतिभा, क्षमता र सम्भावनालाई कुनै पनि धर्म, सम्प्रदाय, जाति र वर्गको घेराभन्दा माथि उठेर आध्यात्मिक रूपान्तरणबाट मात्र यो सम्भव हुन्छ’, प्रधानमन्त्री प्रचण्डले भने, ‘अबको दशक प्रवेशसँगै नेपाल र नेपालीको समग्र हितका लागि वैज्ञानिक अध्यात्मको प्रणाली अवलम्बन गर्दै देशको स्वास्थ्य, कृषि, अर्थ, सुरक्षा, वाणिज्य र परराष्ट्रलाई अवधारणागत र संरचनागत सुधार गरी नेपाललाई विश्व अध्यात्मको राजधानी, आध्यात्मिक पर्यटनको केन्द्रका रूपमा विकास गर्न सकिन्छ ।’

उनले देशको अन्तर्राष्ट्रिय छविमा व्यापक परिवर्तन ल्याउन र विश्व समुदायमाझ नेपाल शान्तिपूर्ण विश्वबन्धुत्वको पक्षमा रहेको सन्देश दिन सबैको सामूहिक प्रयास, प्रतिबद्धता र अठोट आवश्यक रहेको उल्लेख गरे ।

‘युवा पुस्तामा सकारात्मक भावना जाग्रित गर्नुछ’

त्यस्तै प्रधानमन्त्री प्रचण्डले युवा पुस्तामा देखिएको उग्र निराशा र नकारात्मकतालाई सुधार गर्दै नेपालमा केही हुन्छ भन्ने विश्वास जगाउनुपर्ने बताए ।

‘राष्ट्र प्रेम र राज्यप्रति युवा पुस्तामा देखिएको अविश्वास, उग्र निराशा तथा नकारात्मकता जस्ता समस्यालाई बेलैमा सुधार गर्दै नेपालमै केही गर्न सकिन्छ र गर्नुपर्छ भन्ने भाव जगाउनुछ’, उनले भने, ‘गर्न खोजे नेपालमा सम्भव छ भन्ने आशा र विश्वास जगाएर सय वर्षमा एक पटक प्राप्त हुने युवा जनशक्तिको बाहुल्यताको लाभ नेपालको विकासमा लगाउनुछ, यसका लागि नवीन र सकारात्मक सोच ल्याउन अपरिहार्य भैसकेको छ ।’

जबसम्म व्यक्तिले आफूभित्रको ऊर्जालाई चिनेर व्यवस्थित प्रयोग गर्न जान्दैन तबसम्म उसले खोजेको स्वस्थ शरीर, शान्त मन, ऊर्जाशील र सकारात्मक भाव, आनन्द र चौतर्फी समृद्धि हासिल गर्न नसकिने प्रधानमन्त्री प्रचण्डले उल्लेख गरे ।

उनले आध्यात्मिक जागरण र साधनाविना बाहिरी रूपमा व्यक्तिले जतिसुकै प्रगति गरे पनि भित्रबाट व्यक्ति अशान्त र अतृप्त नै रहने बताए ।

प्रधानमन्त्री प्रचण्डले आफ्नो नेतृत्वमा राजनीतिक संरचना र दिशा परिवर्तन गर्ने सशस्त्र क्रान्ति पनि सम्पन्न भएको उल्लेख गर्दै त्यही क्रान्तिको फलस्वरुप लोकतान्त्रिक संविधान जारी गर्न सकिएको बताए ।

रुपन्देही । २०६४ सालमा संविधान सभा सदस्य बनेका माओवादी स्थायी समिति सदस्य २०७९ सालमा प्रदेश सभामा उम्मेदवार बन्दा धेरैलाई अनौठो लागेको थियो ।

नेकपा माओवादी केन्द्रका अध्यक्ष तथा प्रधानमन्त्री पुष्पकमल दाहाल प्रचण्डको सचिवालयमै लामो समय बसेका महरा प्रदेशको नेतृत्व पाउनेगरी प्रचण्डकै सल्लाहमा प्रदेशमा झरेका थिए । उनै महरा लुम्बिनी प्रदेशको पाँचौं मुख्यमन्त्री बनेका छन् ।

०७९ सालको निर्वाचनकै समयमा प्रचण्डले उनलाई मुख्यमन्त्री बनाउने गरी प्रदेश सभामा पठाएको विषय त्यो समयमा बाहिर आएको थियो । गतवर्ष मंसिरमा भएको प्रदेश सभा निर्वाचनमा तत्कालीन ५ दलीय गठबन्धनको साझा उम्मेदार बनेर रोल्पा निर्वाचन क्षेत्र नं १ को १ बाट प्रदेश सभा सदस्यमा विजयी भएका थिए महरा ।

एमालेका उम्मेदवार कमल बुढाथोकीलाई १४ हजार २० को फराकिलो मतान्तरले हराएका थिए उनले । महराले १९ हजार ४२५ मत ल्याएर विजयी हुँदा प्रतिद्वन्द्वी बुढाथोकीले ५ हजार ४०५ मत पाएका थिए ।

महरा २०२० सालमा रोल्पाको सुनिलस्मृति गाउँपालिका–५ साविक गजुल गाविसको वडा नं २ मा जन्मिएका हुन् । २०३५ सालदेखि विद्यार्थी आन्दोलनबाट राजनीतिमा होमिएका उनी २०४२ सालमा अनेरास्ववियु दाङका सचिव, २०४३ सालमा अनेरास्ववियुको केन्द्रीय सदस्य थिए ।

२०५० सालदेखि पार्टीमा पूर्णकालीन सदस्य रहेका उनी २०५१ सालमा माओवादीले सञ्चालन गरेको भूमिगत सशस्त्र विद्रोहमा होमिएका थिए । रोल्पा जिल्ला सेक्रेटरी हुँदै उनी २०५६ सालमा माओवादीको अन्तर्राष्ट्रिय विभागको जिम्मेवारीमा पुगेका थिए ।

२०६० सालमा केन्द्रीय सदस्यरहेका उनी २०७८ मा भएको आठौँ महाधिवेशनबाट स्थायी समिति सदस्य भएका थिए । २०६४ सालमा संविधानसभाका समानुपातिक सांसद भएका उनी २०६२ सालदेखि २०६५ सालमा प्रधानमन्त्री प्रचण्डका स्वकीय सचिव रहे । महरा २०७३ सालमा प्रचण्ड दोस्रोपटक प्रधानमन्त्री हुँदा पनि स्वकीय सचिव भएका थिए ।

लामो समय शिक्षण पेसामा लागेका महराले राजनीति शास्त्र तथा अर्थशास्त्रमा स्नातक तह उत्तीर्ण गरेका छन् । महरा प्रचण्डका विश्वास पात्रका रुपमा चिनिएपनि प्रदेशमा माओवादीभित्रै उनको विरोध भएको थियो । यसअघि कांग्रेससँगको गठबन्धनमा माओवादीकै सांसदहरुले विरोध गरेर उनलाई सरकारमा जान रोकेका थिए ।

उनी यसअघि एमालेका लिला गिरी मुख्यमन्त्री हुँदा ३ महिना अर्थमन्त्री भएका थिए । माओवादीभित्रको जनार्दन शर्मा समूहमा रहेका नेताहरुले उनलाई शक्तिमा आउन दिएका थिएनन् । संसदीय दलकै नेतासमेत हटाउन पार्टी केन्द्रसम्म पुगेका केही सांसदहरु प्रचण्डको कुरा सुनेपछि फिर्ता भएका थिए ।

संघीयतापछि लुम्बिनीमा नेकपा एमालेका शंकर पोखरेल पहिलो मुख्यमन्त्री भएका थिए भने, माओवादी केन्द्रका कुलबहादुर केसी दोस्रो, एमालेका लिला गिरी तेस्रो तथा नेपाली काँग्रेसका डिल्लीबहादुर चौधरी चौथो मुख्यमन्त्री भएका थिए । महरा लुम्बिनीको पाँचौं मुख्यमन्त्री बनेका हुन् ।

प्रदेश सभामा रहेका ५ दलका ४७ र १ स्वतन्त्र सांसदसहित ४८ सांसदहरूको समर्थनमा महरा मुख्यमन्त्री नियुक्त भएका हुन् ।
यस्तो नवनियुक्त मुख्यमन्त्रीको राजनीतिक इतिहास
बुवाको नाम – खलबहादुर महरा दिवंगत
आमाको नाम – रमिता महरा
जन्ममिति – २०२० कार्तिक १ गते
ठेगाना – जन्म स्थान साविक गजुल –२ रोल्पा, सुनिलस्मृति–५ गजुल काट्ने रोल्पा
पारिवारिक स्थिति – श्रीमती, छोराहरु ४ भाई
शिक्षा– स्नातक तह राजनीतिशात्र÷अर्थशात्र,महेन्द्र बहुमुखी क्याम्पस दाङ
अनुभवः– वि.स २०३७ सालदेखि २०३९ सम्म प्रावि शिक्षक,विस २०४४ देखि २०५० साल सम्म मावि शिक्षक
२०३५ र ३६ सालको विधार्थी आन्दोलनमा संलग्न भई राजनीतिमा प्रवेश ।
२०४२ सालमा अनेरास्ववियुको दाङको सचिव
२०४२ सालमा नेकपा मशालको पार्टी सदस्य
२०४३ सालमा अनेरास्ववियुको केन्द्रीय सदस्य
२०४७ सालमा नेकपा मशालको रोल्पा जिल्ला समिति सदस्य
२०५० सालदेखि पार्टीमा पूर्णकालीन कार्यकर्ता
२०५१ सालमा नेकपा माओवादीको रोल्पा जिल्ला सेक्रेटरी
२०५४ सालमा नेकपा माओवादीको क्षेत्रीय व्यूरो सदस्य
२०५६ देखि २०६० सालसम्म नेकपा माओवादीको अन्र्तराष्ट्रिय विभागको जिम्मेवारी ।
२०६० सालमा नेकपा माओवादीको केन्द्रीय सदस्य ।
२०६४ सालमा संविधान सभा सदस्य ।
२०७४ सालमा प्रधानमन्त्री प्रचण्डको प्रमुख स्वकीय सचिव ।
२०६२ देखि २०६५ सालसम्म पार्टी अध्यक्ष प्रचण्डको प्रमुख स्वकीय सचिव।
२०७२ देखि २०७८ सम्म अध्यक्ष प्रचण्डको प्रमुख स्वकीय सचिव ।
हाल नेकपा माओवादी केन्द्रको स्थायी समिति सदस्य ।
२०७९ लुम्बिनी प्रदेश सभा सदस्य पदमा निर्बाचित ।
नेकपा माओवादी केन्द्र संसदीय दलको नेता चयन
२०७९ मा लुम्बिनी प्रदेशको आर्थिक मामिला मन्त्री ।

रूपन्देही । लुम्बिनी प्रदेशको मुख्यमन्त्रीमा नेकपा माओवादी केन्द्र संसदीय दलका नेता जोखबहादुर महरा नियुक्त भएका छन् । प्रदेश प्रमुख अमिक शेरचननले महरालाई मुख्यमन्त्रीमा नियुक्त गरेका हुन् ।

उनलाई एमालेका २९, माओवादीका १०, नाउपाका ४, जसपाका ३, नेकपा एसका १ र स्वतन्त्र १ सांसद गरी ४८ सांसदको समर्थन छ ।

उनको शपथ भने आइतबारमात्रै गरिने प्रदेश प्रमुखको कार्यालयले जनाएको छ ।

रुपन्देही । लुम्बिनी प्रदेशमा सत्तारूढ दलको तर्फबाट नेकपा माओवादी केन्द्र संसदीय दलका नेता जोखबहादुर महरा मुख्यमन्त्री बनाउन बहुमत सांसदहरूले प्रदेश प्रमुख अमिक शेरचनसमक्ष दाबी पेश गरेका छन् ।

बिहीबार प्रदेशसभामा मुख्यमन्त्री डिल्ली चौधरीले राजीनामा दिएर इमेलमार्फत प्रदेश प्रमुखसमक्ष राजीनामा पठाएपछि नयाँ मुख्यमन्त्री नियुक्ति प्रक्रिया अघि बढेको हो ।

सत्तारुढ दलहरूले माओवादी संसदीय दलका नेता जोखबहादुर महराको नेतृत्वमा नयाँ सरकार गठनका लागि ४४ सांसदको हस्ताक्षरसहित दाबी प्रस्तुत गरेका हुन् । आज दाबी पेश गरेपछि प्रदेश प्रमुख अमिक शेरचनले महरालाई आइतबार मुख्यमन्त्री नियुक्ति गर्ने तयारी गरेको बुझिएको छ ।

एमालेका २९, माओवादीका १०, जसपाका ३, एकीकृत समाजवादी १ र एक जना स्वतन्त्र प्रदेशसभा सदस्यसहित ४४ जनाको हस्ताक्षर बुझाइएको हो ।

नागरिक उन्मुक्तिका ४ प्रदेशसभा सदस्य थपिने गरी कांग्रेस गठबन्धन छाडेका संसदीय दलका नेता धर्मबहादुर चौधरीले भने आन्तरिक विवादका कारण हस्ताक्षर नभएको जनाइएको छ ।

माओवादीका महरा, एमाले संसदीय दलका नेता लीला गिरी, जसपाका भण्डारीलाल अहिर, एकीकृत समाजवादीकी दल नेता भगवती अधिकारी र नवलपरासी पश्चिम निर्वाचन क्षेत्र २९१० बाट निर्वाचित स्वतन्त्र प्रदेशसभा सदस्य खड्ग बस्नेतले ७ बुँदे सहमति गरेका थिए ।

प्रदेश प्रमुख शेरचनसमक्ष दाबी पेश गर्न महरा, गिरीसहितका नेताहरू पुगेका थिए ।

शेरचनले छिटै कानुनी प्रक्रिया पूरा गरेर २५ गते मन्त्रीसमेत बनाउने गरी अगाडि बढाउन आग्रह गरेका थिए ।

रुपन्देही । लुम्बिनीमा मुख्यमन्त्री डिल्लीबहादुर चौधरीले राजीनामा दिएसँगै आजै माओवादी केन्द्र संसदीय दलका नेता जोखबहादुर महरा मुख्यमन्त्री बन्ने भएका छन् ।

बिहीबार प्रदेशसभामा राजीनामा घोषणा गरेका मुख्यमन्त्री चौधरीले इमेलमार्फत प्रदेश प्रमुखसमक्ष राजीनामा पठाएपछि नयाँ मुख्यमन्त्री नियुक्ति प्रक्रिया अघि बढेको प्रदेश प्रमुखको सचिवालयले जनाएको छ ।

सत्तारुढ दलहरुले माओवादी संसदीय दलका नेता जोखबहादुर महराको नेतृत्वमा नयाँ सरकार गठनका लागि ४४ सांसदको हस्ताक्षरसहित दाबी प्रस्तुत गर्ने तयारी गरेका छन् । शुक्रबार सुरुमै दावी पेश गर्ने र प्रदेश प्रमुखले महरालाई मुख्यमन्त्री नियुक्ति गर्ने तयारी रहेको प्रदेश प्रमुखको सचिवालयले जनाएको छ ।

एमालेका २९, माओवादीका १०, जसपाका ३, एकीकृत समाजवादी १ र एक जना स्वतन्त्र प्रदेशसभा सदस्यसहित ४४ जनाको हस्ताक्षर संकलन गरेर दावी पेशका लागि तयारी अवस्थामा राखिएको छ । नागरिक उन्मुक्तिका ४ प्रदेशसभा सदस्य थपिने गरी कांग्रेस गठबन्धन छाडेका संसदीय दलका नेता धर्मबहादुर चौधरीले भने आन्तरिक विवादका कारण हस्ताक्षर नभएको जनाइएको छ ।

प्रदेश प्रमुखको सचिवालयका प्रेस संयोजक गुनाराम घिमिरेले शुक्रबार मुख्यमन्त्री नियुक्त गर्ने गरी प्रक्रिया अघि बढेको बताए । मुख्यमन्त्रीको राजीनामा र नयाँ मुख्यमन्त्रीका लागि दाबी आइसकेको उनले बताए ।

महरालाई समर्थन गर्ने विषयमा माओवादीका स्वयं महरा, एमाले संसदीय दलका नेता लीला गिरी, जसपाका भण्डारीलाल अहिर, एकीकृत समाजवादीकी दल नेता भगवती अधिकारी र नवलपरासी पश्चिम निर्वाचन क्षेत्र २९१० बाट निर्वाचित स्वतन्त्र प्रदेशसभा सदस्य खड्ग बस्नेतले ७ बुँदे सहमति पनि गरेका छन् ।

सहमतिपत्रमा प्रदेश सरकारबाट गरिने राजनीतिक नियुक्ति सरकारमा सहभागी दलहरूको अपनत्व हुने गरी गर्ने, प्रदेशको पहिचान कायम गर्ने, प्रदेश सरकारको नीति तथा कार्यक्रम, बजेटको प्राथमिकता र उद्देश्य निर्धारण, बजेट निर्माणलगायत सरकारलाई सहयोग गर्न सरकारमा सहभागी दलहरूको नेतृत्व पंक्तिमध्येबाट एक निर्देशक समिति निर्माण गरी कार्यसम्पादन गर्ने नीति अवलम्बन गर्ने उल्लेख छ ।

माओवादीका स्थायी समिति सदस्यसमेत रहेका महरा रोल्पा निर्वाचन क्षेत्र नं। १ ९१० बाट निर्वाचित भएका थिए । उनले एमालेका कमल बुढाथोकीलाई १४ हजार २० मतान्तरले पराजित गरेका थिए । महराले १९ हजार ४ सय २५ मत ल्याएका थिए ।

माओवादी केन्द्रका अध्यक्ष पुष्पकमल दाहालका विश्वासपात्र मानिने महरा रोल्पाको सुनीलस्मृति गाउँपालिका–५ का स्थायी बासिन्दा हुन् । २०३५ सालदेखि विद्यार्थी आन्दोलनबाट राजनीतिमा लागेका उनी २०७९ माघमा एमालेका पोलिटब्युरो सदस्य लीला गिरी नेतृत्वको लुम्बिनी प्रदेश सरकारमा झन्डै ३ महिना अर्थमन्त्री बनेका थिए ।

यस्तो छ गठबन्धन दलमा भागवण्डाको सहमति

लुम्बिनी प्रदेशमा बहुमत पुर्‍याउन समर्थन गर्ने साना राजनीतिक दलसहित स्वतन्त्र सांसदलाईसमेत सरकारमा सहभागी गराउने सहमति छ ।
नयाँ राजनीतिक समीकरणको आधारमा सरकार बनाउन समर्थन गर्ने जनता समाजवादी पार्टी (जसपा)नेपाल, नेकपा एकीकृत समाजवादी पार्टी(नेकपा एस)सहित स्वतन्त्र सांसद खड्ग बस्नेतलाई समेत मन्त्री बनाउने गरी दलहरूको बिचमा लिखित सहमति गरेका छन् ।

जनता समाजवादीलाई कृषि तथा भूमि व्यवस्था मन्त्रालयसहित शहरी विकास तथा पर्यटन मन्त्रालयको नेतृत्व दिनेसम्मको सहमति भएको बैठकमा सहभागी एक नेताले दावी गरे ।

लुम्बिनीमा मुख्यमन्त्री तथा मन्त्रिपरिषद्सहित दश वटा मन्त्रालय छन् । तर, मन्त्रालयको संख्या १२ सम्म पुर्याउने र बाँकी रहेका दलहरूलाई पनि सरकारमा सहभागी गराउने योजना बनाइएको छ ।

जस अनुसार नेकपा एमालेलाई ५ , माओवादी केन्द्रलाई मुख्यमन्त्रीसहित तीन र बाँकी अन्य मन्त्रालय साना राजनीतिक दलहरूलाई दिनेगरी तयारी गरिएको छ । पहिलो चरणमा सबै दलबाट एकएक जना मन्त्री बनाइने सहमति गरिएको छ ।

सुर्खेत । कर्णालीका मुख्यमन्त्री राजकुमार शर्माले पदबाट राजीनामा दिएका छन् । प्रदेश प्रमुख तिलक परियारसमक्ष उनले राजीनामा पत्र बुझाएका हुन् ।

प्रदेश प्रमुखको कार्यालय जानुअघि उनले प्रदेशसभालाई सम्बोधन गर्दै पछिल्लो राजनीतिक परिस्थितिमा पदमा रहीरहन उपयुक्त नदेखिएको भन्दै राजीनामा दिने घोषणा गरेका थिए ।

आजको प्रदेशसभा बैठकमा विश्वासको मत लिने कार्यसूची थियो । गठबन्धनको शीर्ष नेतृत्वमा कर्णाली एमालेलाई छाड्ने सहमति भएको थियो । तर, माओवादीले विमत्ति जनाइएरहेको थियो ।

यसअघि विश्वासको मत लिएरमात्रै राजीनामा दिने अडानमा रहेका मुख्यमन्त्री शर्माले अन्तत: राजीनामा दिएका हुन् ।

शर्माको राजीनामा सँगै यहाँ एमाले संसदीय दलका नेता यामलाल कँडेलको नेतृत्वमा सरकार बनाउन बाटो खुलेको छ ।

सुर्खेत । कर्णालीका मुख्यमन्त्री राजकुमार शर्माले पदबाट राजीनामा दिने घोषणा गरेका छन् । प्रदेशसभालाई सम्बोधन गर्दै उनले पछिल्लो राजनीतिक परिस्थितिमा पदमा रहीरहन उपयुक्त नदेखिएकाले राजीनामा दिने निर्णय गरेको बताएका हुन् ।

आजको प्रदेशसभा बैठकमा विश्वासको मत लिने कार्यसूची थियो । गठबन्धनको शीर्ष नेतृत्वमा कर्णाली एमालेलाई छाड्ने सहमति भएको थियो । तर, माओवादीले विमत्ति जनाइएरहेको थियो ।

यसअघि विश्वासको मत लिएरमात्रै राजीनामा दिने अडानमा रहेका मुख्यमन्त्री शर्मा अन्तत: गलेका हुन् । राजीनामामा राजी हुनुअघि शर्माले एमाले संसदीय दलका नेता यामलाल कँडेलसँग भेट गरेका थिए । साथै माओवादी दलको छुट्टै बैठक बसेको थियो ।

आफू पदमा नरहे पनि कर्णालीबासीको समृद्धिको आकांक्षा पूरा गर्न लागिरहेको साथै अब अझ सक्रियतापूर्वक लाग्ने उनले प्रतिवद्धता जनाए ।

आफ्नो सम्बोधनको क्रममा शर्माले गणतन्त्र र संघीयता स्थापनापछि गरिब जनतालाई प्राथमिकता दिई उनीहरूको भलाइका लागि नीति, कार्यक्रम र बजेट तर्जुमा कार्यान्वयनमा केन्द्रित हुनुपर्नेमा राजनीतिक अस्थिरताले कतै संसदीय गणितको भद्दा प्रहसनमा मात्र रुमल्लिने त हौइनौं भन्ने खतरा बढेको चिन्ता व्यक्त गरेका छन् ।

‘केन्द्रीय राजनीतिमा देखिएको अंकगणितको सोझो असर प्रदेशमा पर्ने जुन अवस्था देखिने गरेको छ । यसबाट कम्तीमा प्रदेशले आफ्नो स्वविवेक, स्वायत्तता र स्वतन्त्रता प्रयोग गर्न पाएमात्र वास्तविक अर्थमा संघीयतालाई बलियो बनाउन सकिन्छ । …अत: म अनुरोध गर्न चाहन्छु कि कर्णाली प्रदेशले कम्तीमा पनि संसदीय खेलमा एक मानक र पर्यादा कायम राख्न सकोस् । यसो गर्न चुक्दा हामी गणतन्त्र र संघीयतालाई असफल बनाउने कारक मात्र बन्नै छेनौं बरु कर्णालीबासीको सुन्दर सपना र भविष्यमाथि पनि कुठाराघात गरिरहेका हुनेछौं ।’

शर्माले प्रदेशसभामा गरेको सम्बोधनको पूर्णपाठ-

सुर्खेत । नेकपा माओवादी केन्द्र कर्णाली प्रदेशको नेतृत्व छाड्न तयार भएको छ । मुख्यमन्त्री राजकुमार शर्मा विश्वासको मत नलिएर राजनीनामा दिन तयार भएका हुन् ।

आजको प्रदेशसभा बैठकमा विश्वासको मत लिने कार्यसूची हटाएर सम्बोधन गर्दै राजीनामाको घोषणा गर्ने माओवादी कर्णालीका प्रमुख सचेतक रणसिंह परियारले नेपाल प्रेसलाई बताए ।

गठबन्धनको शीर्ष नेतृत्वमा कर्णाली एमालेलाई छाड्ने सहमति भएको थियो । तर, माओवादीले विमत्ति जनाइएरहेको थियो ।

यसअघि विश्वासको मत लिएरमात्रै राजीनामा दिने अडानमा रहेका मुख्यमन्त्री शर्मा अन्तत: गलेका हुन् । एमालेले भने विश्वासको मत नदिने बताएको थियो । राजीनामामा राजी हुनुअघि शर्माले एमाले संसदीय दलका नेता यामला कँडेलसँग भेट गरेका थिए । साथै माओवादी दलको छुट्टै बैठक बसेको थियो ।

सुर्खेत । कर्णाली प्रदेशका मुख्यमन्त्री राजकुमार शर्मा बुधबार (आज) विश्वासको मत लिँदै छन् ।

नेकपा माओवादी केन्द्र कर्णाली प्रदेश संसदीय दलको हिजो बसेको बैठकले मुख्यमन्त्री शर्माले विश्वासको मत लिने निर्णय गरेको थियो ।

प्रदेशसभा सचिवालयका प्रमुख सचिव जीवराज बुढाथोकीले आज ३ बजेको बैठकमा मुख्यमन्त्री शर्माले विश्वास मत लिने जानकारी दिए ।

मुख्यमन्त्री शर्माले विश्वासको मत लिएपछि एमालेलाई सत्ता हस्तान्तरण गर्न राजीनामा दिने माओवादी संसदीय दलका प्रमुख सचेतक रणसिंह परियारले बताए ।

संसदीय दलमा विश्वासको मत लिने छलफल भएको छ परियारले भने,‘नेतृत्वहरुकोबीचमा बसाइँ भइरहेको छ । नेतृत्वले के सहमति गर्नुहुन्छ । संसदीय दललाई जानकारी गराउनु हुन्छ । त्यहीँ अनुसार अगाडि बढ्छौ ।’

यस्तै, नेकपा एमालेले केन्द्रमा भएको निर्णय कर्णालीमा पनि लागू गर्नुपर्ने बताउँदै आएको छ ।

काठमाडौं । वैशाख १५ गते हुने उपनिर्वाचनमा सत्ता गठबन्धनमा आबद्ध दलहरू एक्ला एक्लै भिड्ने तयारी गरिरहेका छन्।

एमाले, माओवादी, रास्वपा र नेकपा एकीकृत समाजवादीले उम्मेदवार नै घोषणा गरेर आन्तरिक तयारी थालिसकेका छन्। तर, गठबन्धनमा आबद्ध जसपालाई भने अहिलेसम्म उपनिर्वाचनले छोएको छैन।

सत्ता गठबन्धनमा साझा उम्मेदवार बनाएर जाने विषयमा छलफल भए पनि कुरा नमिल्दा दलहरूले आ–आफ्नो उम्मेदवार खडा गरेका छन्। गठबन्धनमा आबद्ध भए पनि रवि लामिछाने नेतृत्वको रास्वपाले सुरुमै आफूहरू चुनावी गठबन्धनको पक्षमा नरहेको प्रष्ट्याएको थियो।

तर, माओवादी र नेकपा एसले गठबन्धनभित्र दबाब बढाउने रणनीतिका साथ उम्मेदवारी घोषणा गरेको बताइन्छ। यही बीचमा एमाले अध्यक्ष केपी ओलीले उपनिर्वाचनमा आफूहरूलाई माओवादीले सहयोग गर्ने विश्वास व्यक्ति गरे।

शनिवार एक कार्यक्रममा उनले भनेका थिए, ‘उपनिर्वाचनमा मलाई विश्वास छ, अन्तिम समयसम्म माओवादीले हामीलाई समर्थन गर्छ। हाम्रो ठाउँमा माओवादी भएको भए खुला दिलले समर्थन गर्थ्यौँ। गणितले स्पष्ट भएकाले हामीले छोड्न मिल्दैन। माओवादी र समाजवादीले साथ दियो भने हामी धेरै मतान्तरले जित्छौँ तर, उहाँहरूले जित्ने अवस्था छैन।’

ओलीले माओवादीले एमालेलाई अन्तिम सम्ममा समर्थन गर्ने बताए पनि त्यस विषयमा छलफल नभएको माओवादीका महासचिव देव गुरुङले बताए।

उनले भने, ‘अहिलेसम्म हामीले नै उम्मेदवारी दिएर जाने भन्ने निर्णय गरेको छौँ। त्यहाँबाट थप निर्णय भएको छैन। पार्टीमा छलफल हुनसक्छ।’

उम्मेदवारी मनोनयन २४ गते हुँदै छ। त्यस बेलासम्म गठबन्धनको साझा उम्मेदवार बनाएर जानेबारे छलफल हुनसक्ने सचिव दिनानाथ शर्माले बताए।

उनले गत बुधवार नेपाल प्रेससँग भनेका थिए, ‘अहिले हामीले उम्मेदवारी दिएर जाने भनेर निर्णय गरेका छौँ। अब गठबन्धन दलहरूबीच साझा उम्मेदवार बनाएर जाने विषयमा छलफल हुनसक्छ।’

गठबन्धनमा छलफलपछि सहमति बने उम्मेदवारी दिने पार्टीले गरेको निर्णय फेरिन सक्ने उनको भनाइ थियो। त्यसो त इलाममा एमालेले उम्मेदवार बनाएका सुहाङ नेम्वाङलाई ओलीले बालुवाटार पुर्‍याएर प्रचण्ड र माधव नेपालसँग भेटाएर इलाम पठाएका थिए। त्यसैले अन्तिमसम्म पार्टीको निर्णय फेरिन सक्ने माओवादीका एक पदाधिकारीले बताए।

ती नेताले भने, ‘इलाम एमालेको विरासत भएको ठाउँ हो। हाम्रो जनमत पनि छैन। त्यसैले उपनिर्वाचनमा एमालेलाई सहयोग गरेर सहकार्यलाई थप विश्वास र पछि सम्मको लागि हेर्दा निर्णय फेरिन सक्छ।’

एमालेले इलाम २ मा सुवास नेम्वाङका छोरा सुहाङलाई उम्मेदवार बनाउँदा बझाङमा दमनबहादुर भण्डारीलाई उम्मेदवार बनाएको छ।

इलाम २ का लागि ४ जनाको नाम सिफारिस भएकोमा प्रदेश कमिटीले धिरेन शर्मा रमणको मात्रै नाम मात्रै केन्द्रमा सिफारिस गरेको छ भने बझाङमा सुदूरपश्चिम प्रदेश कमिटी सचिव जनक बुढालाई उम्मेदवार बनाउने निर्णय गरेको छ।

नेकपा एसले इलाम २ मा जीतबहादुर राई र बझाङको प्रदेशसभातर्फ दिलबहादुर सिंहलाई उम्मेदवार बनाएको छ। इलाम २ र बझाङ दुवै माओवादी र नेकपा एसको जनआधार भएको क्षेत्र होइन।

विराटनगर । इलाम क्षेत्र नम्बर २ मा हुने उप निर्वाचनका लागि उम्मेदवारको रूपमा नेपाल कम्युनिष्ट पार्टी (माओवादी केन्द्र) इलाम जिल्ला कमिटीले एक जनाको नाम सिफारिस गरेको छ ।

यस अघि उमेद्वारको रूपमा ४ जनाको नाम सिफारिस भएकोमा पुनः भएको सिफारिसमा धिरेन शर्मा रमणको मात्रै नाम सिफारिस गरेको हो ।

जिल्ला कमिटीले शर्मालाई उम्मेदवार बनाउन प्रदेशमा सिफारिस गरेको छ । माओवादीले गत १३ गते केन्द्रीय सदस्य शर्मा तथा प्रदेश कमिटी सदस्यहरू उर्मिला तामाङ, अनिल बराइली र ओम गुरुङको नाम उम्मेदवारको रूपमा प्रदेश कमिटीमा सिफारिस गरेको थियो ।

जिल्लाले पठाएको एकल नाम प्रदेशबाट सोमबार नै केन्द्रमा सिफारिस हुनेछ । वैशाख १५ गते हुने उप निर्वाचनमा माओवादीले अहिलेसम्म उम्मेदवार घोषणा गर्न सकेको छैन । यस्तै कांग्रेसले पनि उम्मेदवारको नाम टुङ्गो लगाउन सकेको छैन ।

कांग्रेसबाट उम्मेदवार बन्न इलाम २ का लागि महासमिति सदस्य भेषराज आचार्य, पूर्व सांसद केशव थापा, जिल्ला सभापति डम्बर खड्का, संविधानसभा सदस्य नगेन्द्र कुमाल, नेता रमेश लिङ्देन, चन्द्रमाया लिम्बू र चन्द्रकला राईको नाम सिफारिस भएको छ ।

इलाम क्षेत्र २ मा आउँदो वैशाख १५ मा उपनिर्वाचन हुँदै छ । नेकपा (एमाले) नेता सुवासचन्द्र नेम्वाङको गत भदौ २६ मा निधन भएपछि यहाँ उपनिर्वाचन हुन लागेको हो । निर्वाचनमा एमालेका तर्फबाट सुहाङ नेम्वाङलाई उम्मेदवार बनेका छन् ।

रास्वपाबाट मिलन लिम्बू, पहिचानवादीका तर्फबाट साझा उम्मेदवार डाकेन्द्र सिंह थेगिम, राप्रपाबाट लक्ष्मी गुरुङ र एकीकृत समाजवादीबाट जितबहादुर राई उम्मेदवार बनेका छन् ।

काठमाडौं । बागमती प्रदेशका मुख्यमन्त्री शालिकराम जम्कट्टेलले आज विश्वासको मत लिँदैछन् । दिउँसो १ बजे बस्ने प्रदेशसभा बैठकमा उनले विश्वासको मत लिने कार्यसूची रहेको छ ।

सत्ता समीकरण फेरिएसँगै नेपाली कांग्रेस सरकारबाट बाहिरिएर समर्थन फिर्ता लिएपछि संवैधानिक व्यवस्थाअनुसार मुख्यमन्त्रीको विश्वासको मतको प्रक्रिया अघि बढाइएको हो । योसहित जम्कट्टेलले तेस्रो पटक विश्वासको मत लिन लागेका हुन् ।

यस प्रदेशमा एमाले-माओवादी-नेकपा एसको गठबन्धनमा ५५ जना सांसद छन् । ११० सदस्यीय रहेको बागमतीमा बहुमतका लागि ५६ सांसद चाहिन्छ । उनले केही दिनअघिमात्र हाम्रो नेपाली पार्टी (हानेपा) का संसदीय दलका नेता शैलेन्द्रमान बज्राचार्यलाई मन्त्री बनाएर विश्वासको मत लिने वातावरण बनाएका थिए ।

तर, निर्णयविपरीत बज्राचार्य मन्त्री बन्न गएको भन्दै हानेपाले उनलाई कारबाही गर्ने बताएको छ । प्रदेशमा उक्त पार्टीका २ सांसद छन् ।

सुर्खेत । कर्णाली प्रदेशका मुख्यमन्त्री राजकुमार शर्माले तेस्रो पटक विश्वासको मत लिने भएका छन् । आइतबार मुख्यमन्त्री शर्माले विश्वासको मत लिनका लागि प्रदेश सभा सचिवालयलाई पत्र बुझाएका छन् ।

मुख्यमन्त्री शर्माले २० गते मङ्गलवार दिउँसो ३ बजे बस्ने प्रदेशसभा बैठकबाट विश्वासको मत लिने गरी पत्र दर्ता गराएको प्रदेशसभा सचिवालयका प्रमुख सचिव जीवराज बुढाथोकीले जानकारी दिए ।

उनले भने, ‘विश्वासको मत लिन भनेर मुख्यमन्त्रीज्यूले आज पत्र दर्ता गराउनुभएको छ । चैत २० गते दिउँसो ३ बजे बस्ने प्रदेश सभा बैठकबाट विश्वासको मत लिने गरी तयारी भएको छ ।’

सरकारमा सहभागी नेपाली काँग्रेसले फागुन २२ गते समर्थन फिर्ता लिएको थियो । काँग्रेसले सरकारलाई दिएको समर्थन फिर्ता लिएपछि मुख्यमन्त्रीले शर्माले तेस्रो पटक विश्वासको मत लिन लागेका हुन् ।

सरकारमा सहभागी दलले समर्थन फिर्ता लिएमा मुख्यमन्त्रीले ३० दिनभित्र विश्वासको मत लिनुपर्ने संवैधानिक व्यवस्था छ ।

४० सदस्यीय कर्णाली प्रदेश सभामा नेपाली कांग्रेसका १४, नेकपा माओवादी केन्द्रका १३, नेकपा एमालेका १०, राप्रपा, नेकपा एकीकृत समाजवादी र स्वतन्त्र सांसद एक/एक जना रहेका छन् ।

काठमाडौं । नेकपा (माओवादी केन्द्र) का सांसद देवेन्द्र पौडेलले शान्ति प्रक्रिया टुंग्याउने कामलाई बार्गेनिङको विषय नबनाउन आग्रह गरेका छन् ।

आइतबार प्रतिनिधिसभाको बैठकमा विशेष समयमा बोल्दै सांसद पौडेलले शान्ति प्रक्रियाको बाँकी काम टुंग्याउने विषयलाई बार्गेनिङ नगर्न आग्रह गरेका हुन् । संसदभित्रका दलहरू सत्तापक्ष र प्रतिपक्षमा पालोफेरो हुने गरेको भन्दै उनले संविधानले निर्दिष्ट गरेका कानून बनाउने कुरामा सबै एकै ठाउँ हुनुपर्नेमा जोड दिए ।

पौडेलले सत्य निरुपण तथा मेलमिलाप आयोग र बेपत्ता पारिएका व्यक्तिहरूको छानबिन आयोगसँग सम्बन्धित विधेयकलाई छिटोभन्दा छिटो टुंग्याउनुपर्ने बताए ।

उनको भनाइ जस्ताको तस्तै

कानून मन्त्रालयले ११७ वटा विधेयकको तयारी गरेको सुन्नमा आएको छ । यो भन्दा पहिलाको सदनको कुरा हेर्दा निकै दुःख लाग्दोगरी एकाधबाहेक हामीले आपसमा कटाक्ष गर्ने बाहेक हामीले महत्वपूर्ण काम गर्न सकेनौँ । यो सदन र यसपछि हुने सदनहरुले कानून मन्त्रालयले तयार पारेका यसप्रकारका ऐनहरूलाई टुंगो लगाएर देशलाई एउटा निश्चित प्रणालीमा लिएर जानुपर्ने इतिहासको आवश्यकता बनिसकेको छ । टीआरसीसँग सम्बन्धित कानून बनिसकेको छैन । हामी दलका प्रतिनिधिहरू यही सदनभित्र बस्दा कहिले कुन त कहिले कुन खण्डमा गएर बस्छौँ । तर संविधानले निर्दिष्ट गरेका कतिपय कानूनहरु बनाउने प्रसंगमा हामी सबै एक ठाउँमा हुन आवश्यक छ । सत्य निरुपण तथा मेलमिलाप आयोग र बेपत्ता सम्बन्धी छानबिन आयोग पनि यत्तिकै अल्झिएर बसेको छ । हामी यसलाई छिटै टुंगो लगाउनुपर्ने छ । यसको निम्ति कसैले पनि बार्गेनिङको विषय नबनाऔँ । यो कानून लगायत अन्य थुप्रै कानूनहरू पनि हामीले गर्नुपर्नेछ । शिक्षा ऐन, निजामती ऐन ल्याउन सकेका छैनौं । वन ऐन, प्रहरी ऐन, भूमी ऐन जस्ता कानूनहरु हामीले ल्याउन नसक्दाखेरी तीन तहको सरकारको संरचना व्यवस्थित रुपमा जनताका बीचमा कार्य सम्पादनमा आगाडि बढेर नागरिकलाई विश्वस्त दिलाउन सकेका छैनन् । यी सरकारलाई प्रभावकारी बनाउन कानूहरूको आवश्यकता छ । सदन कटाक्ष गर्ने थलो नबनोस् । सदन परिणाममुखी थलो बनोस् ।

कैलाली । माओवादी सुदूरपश्चिम प्रदेश संसदीय दलले नयाँ सत्ता गठबन्धनको सरकार बनाउने विषयमा निर्णय गरेको छ ।

आज संसदीय दलको कार्यालयमा बसेको बैठकमा केन्द्रमा तयार भएको एमाले माओवादीसहितको गठबन्धनको सरकार सुदूरपश्चिममा पनि बनाउने गरी कसरत गर्ने निर्णय गरेको हो ।

माओवादी उपमहासचिव तथा प्रदेश इन्चार्ज गिरिराजमणि पोख्रेल, सह इन्चार्ज विना मगर, प्रदेश अध्यक्ष हरि चौधरी उत्सव सहितका माओवादी संसदीय दलको बैठकले नयाँ सत्ता गठबन्धनको सरकार बनाउने निर्णय गरेको हो ।

खगराज भट्ट बाहेकका सुदूरपश्चिम प्रदेशका सबै प्रदेश सभा सदस्यहरू आजको बैठकका उपस्थित थिए । माओवादी नयाँ सत्ता गठबन्धनको पहिलो ठूलो दल हो ।

यहाँ माओवादीका ११ सांसद छन् । ‘हामी गठबन्धनको सबै भन्दा ठूलो दल हौँ हामीले मुख्यमन्त्री नलिएर भए पनि सरकार बनाउने विषयमा निर्णय गरेका छौँ’ बैठकमा सहभागी एक सांसदले भने ‘केही बेरमा विज्ञप्ति जारी गरेर नयाँ सत्ता गठबन्धनको सरकार बनाउने विषयमा आह्वान गर्छौ ।’

माओवादी र नेकपा एकीकृत समाजवादीले समर्थन फिर्ता लिएपछि अहिले कांग्रेसका कमल बहादुर शाह नेतृत्वको सुदूरपश्चिम प्रदेश सरकार अल्पमतमा परेको छ ।

यहाँ कांग्रेसका १८ र नाउपाका ७ सांसदका छन् । २२ गते भित्र मुख्यमन्त्रीले विश्वासको मत लिनुपर्ने छ । तर, नाउपा भित्रै विवाद हुँदा मुख्यमन्त्री शाह ढुक्क देखिन्नन् । यस्तो बेला माओवादीले सरकार बनाउन पहल गर्न निर्णय गरेको हो।

काठमाडौं । प्रधानमन्त्री पुष्पकमल दाहाल प्रचण्डले एमालेका अध्यक्ष केपी शर्मा ओली र नेपाली कांग्रेस सभापति शेरबहादुर देउवासँग संयुक्त भेटवार्ता गर्ने भएका छन् ।

रिपोर्टर्स क्लवको २६औं वार्षिकोत्सव कार्यक्रमलाई सम्बोधन गर्दै प्रधानमन्त्री प्रचण्डले केही समयमै तीन शीर्ष नेताहरुबीच छलफल हुन लागेको बताए ।

उनले भने, ‘ऋषिजीले शान्ति प्रक्रियाको बाँकी काम टुंग्याउन एकपट्टि शेरबहादुर र अर्कोतिर केपी ओलीलाई राखेर सहमति बनाउनुस् भन्नुभयो । नभन्दै यहाँबाट गएर एकातिर शेरबहादुरजी र अर्कोतिर केपीजीसँग बस्दैछौं । शान्ति प्रक्रिया र संवैधानिक परिषद्को विषयमा पनि गम्भीर छलफल गर्दैछौं ।’

प्रचण्डले आफूले सबै राजनीतिक दललाई सहमतिमा ल्याएर एउटा राष्ट्रिय सहमति र सहकार्यको वातावरण बनाउने प्रयास गरिरहेको बताए ।

हेटौंडा । बागमती प्रदेशका मुख्यमन्त्री शालिकराम जम्कट्टेलले चैत १९ गते विश्वासको मत लिने भएका छन् ।

गत फागुन २३ गते नेपाली काङ्ग्रेसले आफ्नो ६ जना मन्त्री बोलाएर सरकारलाई दिएको समर्थन फिर्ता लिएपछि अल्पमत परेको सरकारका मुख्यमन्त्री जम्कट्टेलले १९ गते विश्वासको मत लिने भएका हुन् ।

माओवादी केन्द्रका मुख्य सचेतक रत्न ढकालले आज प्रस्ताव दर्ता गरेका छन् ।