Category: नेपाली कांग्रेस

काठमाडौं । प्रधानमन्त्री शेरबहादुर देउवाले पाँचौँ पटक प्रधानमन्त्री भएको १ वर्षपछि आफ्नो परराष्ट्र मामिला सल्लाहकार नियुक्त गरेका छन् ।

मन्त्रिपरिषदको बिहीबार बसेको बैठकले जलस्रोतका विषयमा कलम चलाउँदै आएका अरुणकुमार सुवेदीलाई प्रधानमन्त्रीको परराष्ट्र मामिला सल्लाहकार नियुक्त गरेको हो ।

विभिन्न परियोजनामा संलग्न रहेका सुवेदी कांग्रेसको राजनीतिमा भने सक्रिय थिएनन् ।

काठमाडौं । नेपाली कांग्रेसका महामन्त्री गगनकुमार थापाले पार्टीका सम्पूर्ण भ्रातृ संगठनहरूलाई चुस्तदुरूस्त रूपमा अगाडि बढाउनुपर्नेमा जोड दिएका छन् ।

काठमाडौं महानगरपालिका- ८ का क्रियाशील सदस्यहरूसँग अन्तरक्रियामा उनले भ्रातृ संगठनहरूलाई आगामी संसदीय निर्वाचन लक्षित गरी परिचालन गर्न आवश्यक रहेको औंल्याए ।

महामन्त्री थापा, वागमती प्रदेशसभा सदस्य नरोत्तम वैद्य, काठमाडौं महानगरपालिका- ८ का वडाध्यक्ष आशामान संगत, नेपाली कांग्रेस क्षेत्र नम्बर ४ का सभापति श्याम संगत, ७ का वडाअध्यक्ष विमल होडालगायतको उपस्थिति थियो ।

काठमाडौं । नेपाल प्रेस युनियनले पत्रकारको न्यूनतम पारिश्रमिक वृद्धि गर्न सरकारको ध्यानाकर्षण गराउने निर्णय गरेको छ ।

हालै हेटौँडामा सम्पन्न नवौँ महाधिवेशनबाट निर्वाचित नयाँ कार्यसमितिको शनिबार बसेको बैठकले पत्रकारको न्यूनतम पारिश्रमिक वृद्धि गर्न सरकारको ध्यानाकर्षण गराउने निर्णय गरेको विज्ञप्तिमार्फत महासचिव दीलिप पौडेलले जानकारी गराएका छन् ।

पत्रकारको तोकिएको न्यूनतम पारिश्रमिक समयमा प्रदान गर्न सञ्चार प्रतिष्ठानलाई पनि बैठकले आग्रह गरेको छ ।

पत्रकारको ट्रेड युनियन अधिकार सुनिश्चित गर्ने, विभिन्न बहानामा सञ्चार माध्यमबाट निष्कासनमा परेका पत्रकारको पुनर्वहाली गर्न सम्बन्धित सञ्चार गृहको ध्यानाकर्षण गर्ने पनि निर्णय बैठकले गरेको छ ।

काठमाडौं । नेपाली कांग्रेस रामेछापका जिल्ला सभापति पूर्णबहादुर तामाङ (कान्छाराम) विरुद्ध १९ बुँदे आरोपसहितको उजुरी कांग्रेस केन्द्रीय कार्यालय सानेपामा दर्ता भएको छ ।

निवर्तमान जिल्ला सभापति लवश्री न्यौपाने र पूर्व सभापति रामचन्द्र खड्काको नेतृत्वमा जिल्ला कार्यसमितिका बहुमत सदस्यहरूले जिल्ला सभापति तामाङलाई कारबाही गर्न माग गरेका हुन् ।

असन्तुष्ट पक्षले तामाङविरुद्ध १९ वटा आरोप लगाएको छ । जसमा पार्टी सञ्चालनमा अलोकतान्त्रिक कार्यशैली अपनाएको, स्थानीय निर्वाचनमा सही भूमिका निर्वाह गर्न नसकेको, पार्टीका पुराना नेताहरूलाई अपमानजनक व्यवहार गरेको, पार्टी सदस्यता नभएकालाई टिकट दिएको, शुभेच्छुक संस्थाका अध्यक्षलाई विधान विपरीत कारबाही गरेको, जातीय सद्भावमा खलल पुर्‍याएको लगायतका आरोप रहेका छन् । सभापति तामाङलाई बर्खास्त गर्न असन्तुष्ट पक्षको माग छ ।

तामाङमाथि कारबाही माग गर्नेमा पूर्व जिल्ला सभापति रामचन्द्र खड्का, निवर्तमान सभापति लवश्री न्यौपाने, महाधिवेशन प्रतिनिधि अर्जुनकुमार केसी, बागमती प्रदेश सदस्य भीमसेन, उज्ज्वलराम घिमिरे, जिल्ला उपसभापति नवराज थोकर, सचिव विनोद कार्कीसहित दुवै प्रदेशसभाका क्षेत्रीय सभापति र जिल्लाका प्रभावशाली नेताहरू रहेका छन् ।

काठमाडौं । नेपाली कांग्रेसका नेता प्रकाशमान सिंहले अहिले मूल्य-मान्यताको राजनीति अन्त्य भएको र पावर बेस राजनीति अगाडि बढेकाले राजनीतिक दलप्रति निराशा बढेको बताएका छन् ।

२०४६ पछि आएको राजनीतिक परिवर्तनलाई संस्थागत गर्ने प्रयास सुरु हुनै लाग्दा कृष्णप्रसाद भट्टराईलाई २०४८ को चुनाव हराउनुले मुलुक गलत बाटोमा गएको उनको भनाइ थियो ।

नेपाली कांग्रेस काठमाडौं महानगरपालिका वडा नं १० ईकाई समितिले आयोजना गरेको छलफल कार्यक्रममा बोल्दै नेता सिंहले अझै पनि प्राप्त उपलब्धिमाथि चौतर्फी प्रहार भैरहेकाले मुलुकका सामु गम्भीर चुनौतीहरु देखापरेको बताएकाा हुन् ।

राजनीतिक दलहरु विधि र पद्धतिभन्दा आफ्नो स्वार्थोन्मुख भएकाले झन चुनौती थपिएको नेता सिंहले बताए । उनले राजनीतिक दलहरुका कार्यशैली सच्चिनुपर्नेसमेत बताए ।

प्राप्त उपलब्धिलाई संस्थागत गर्दै अगाडि बढ्नको विकल्प नरहेको बताउँदै उनले राजनीतिक दलहरुले जिम्मेवार बनेर आगामी चुनौतीको सामना गर्नुपर्नेमा जोड दिए ।

काठमाडौं । प्रतिनिधिसभाको आगामी निर्वाचनको मिति तय भइसकेको छैन । यद्यपि दलका नेताहरुको निर्वाचन तयारी भने सुरु भइसकेको छ । आफ्नो राजनीतिक जीवनमा कुनै पनि संसदीय निर्वाचन नहारेका प्रधानमन्त्री एवं नेपाली कांग्रेसका सभापति शेरबहादुर देउवा पनि यसपटक निर्वाचन क्षेत्रबारे छलफलमा छन् । निकटस्थहरुले देउवालाई निर्वाचन क्षेत्र परिवर्तन गर्न सुझाएका छन् ।

प्रतिनिधिसभा निर्वाचन २०४८, २०५१, २०५६ र २०७४ तथा संविधानसभा निर्वाचन २०६४ र २०७० मा देउवा डडेल्धुराबाटै निर्वाचित भएका थिए । २०६४ मा कञ्चनपुर ४ र २०७० मा कैलाली ६ सहित डडेल्धुराबाट समेत देउवा निर्वाचित भएका थिए ।

यसपटक डडेल्धुराको राजनीतिक वातावरण र देउवाको मनस्थिति दुवै बदलिएको छ । देउवालाई निकटस्थसँगै ‘इन्टेलिजेन्स’ ले पनि डडेल्धुराबाट चुनाव नलड्न सुझाव दिएको बताइन्छ । गत स्थानीय निर्वाचनमा कांग्रेसले देउवाकै वडामा निर्वाचन हारेको थियो । जिल्लाभरको परिणाममा सत्तारुढ गठबन्धनको पकड देखिए पनि डडेल्धुराभन्दा बलियो क्षेत्र खोज्न देउवालाई निकटस्थहरुले सुझाएको बालुवाटार स्रोतको दाबी छ ।

‘यो एकदमै कन्फिडेन्सियल कुरा हो । समाचार नलेख्नुहोला । तर, प्रधानमन्त्रीलाई डडेल्धुराको अप्सन खोज्न सुझाव दिइएको छ । उहाँ नकरात्मक पनि हुनुहुन्न’, देउवा निकट विश्वस्त सूत्रले भन्यो ।

प्रारम्भमा डडेल्धुरा छाड्नेबारे सुन्नै नचाहेका प्रधानमन्त्री देउवाले क्रमशः उपयुक्त विकल्पबारे चासो राख्न थालेका छन् । ‘राजनीतिक सन्देश गलत नजाने गरी के उपाय होला भनेर प्रधानमन्त्रीले पनि चासो राख्नुभएको छ । सुदूरपश्चिमकै केही क्षेत्रबारे कुरा भएको छ’, देउवा निकट स्रोतको दाबी छ ।

प्रधानमन्त्रीले निर्वाचन क्षेत्र खोजे पनि निकटस्थहरु यसलाई सामान्य मान्दछन् । ‘शेरबहादुर दाइले चुनाव हार्ने कुनै सम्भावना छैन । सम्भवतः उहाँ डडेल्धुराबाटै लड्नुहुन्छ । कञ्चनपुरबाट लडे पनि अन्यथा मान्नुपर्दैन, देशको कुनै पनि क्षेत्रमा जित्ने उम्मेदवार उहाँ नै हो’, देउवा निकट एक केन्द्रीय सदस्यले भने ।

कञ्चनपुर ३ नै पहिलो रोजाइ

संसदीय निर्वाचनमा डडेल्धुरा छाड्ने विषयमा पूर्ण सहमत भइनसके पनि प्रधानमन्त्री देउवाले कञ्चनपुर ३ को सम्भावनाबारे पनि छलफल गरेका छन् । गत संसदीय निर्वाचनमा सुदूरपश्चिममा डडेल्धुरामात्रै कांग्रेसले प्रत्यक्षमा जितेको थियो ।

त्यसबाहेक सबैभन्दा कम मतान्तरले कांग्रेस पराजित भएको क्षेत्र कञ्चनपुर ३ हो । जहाँ कांग्रेसका रमेश लेखक एमालेका दीपकप्रकाश भट्टसँग २५८ मतान्तरले पराजित भएका थिए । वाम गठबन्धनका भट्टले २६ हजार ३६४ मत ल्याउँदा कांग्रेसका लेखकले २६ हजार १०६ मत पाएका थिए ।

डडेल्धुरामा कांग्रेसका निवर्तमान सभापति कर्ण मल्ललगायतले विद्रोह गरेका कारण संसदीय निर्वाचनमा देउवालाई असर पर्ने धेरैको आँकलन छ । मल्लले देउवाविरुद्ध आफ्नो उम्मेदवारी पर्ने बताइसकेका छन् । नेपाली कांग्रेस बीपीका तर्फबाट मल्ल उम्मेदवार भए एमालेले समर्थन जनाउने सम्भावना उत्तिकै छ ।

यही कारण डडेल्धुराभन्दा सुरक्षित क्षेत्र कञ्चनपुर ३ लाई मानिएको छ । साविक कञ्चनपुर ४ को अधिकांश क्षेत्र समेटिएको सो क्षेत्रबाटै २०६४ को संविधानसभा निर्वाचनमा देउवा विजयी भएका थिए ।

देउवा कि आरजु ?

नेपाली कांग्रेस कञ्चनपुरकै केही नेताहरु भने सभापति देउवा कञ्चनपुर ३ बाट चुनाव लड्नेबारे औपचारिक छलफल नभएको बताउँछन् । प्रधानमन्त्री पत्नीसमेत रहेकी कांग्रेस केन्द्रीय सदस्य आरजु राणाले पनि सोही क्षेत्रमा रुचि राखेको ‘हल्ला’ छ ।

‘प्रधानमन्त्रीजीको होइन भाउजूको चै हल्ला भइरहेको छ । तर, अहिलेसम्म कुनै छलफल भएको छैन’, कञ्चनपुर कांग्रेसका एक नेताले भने ।

कांग्रेस नेता रमेश लेखक पछिल्लो समय निरन्तर क्षेत्र केन्द्रित अभियानमा सक्रिय छन् । लेखक निकट नेताहरु पनि क्षेत्र छाड्नेबारे छलफल नभएको बताउँछन् । ‘रमेश दाइ क्षेत्रकै कार्यक्रममा व्यस्त हुनुहुन्छ । उहाँसँग सल्लाह नगरी हुने कुरा होइन । त्यसैले कञ्चनपुर ३ बारे चलाइएको हल्लामा सत्यता छैन’, लेखक निकट एक नेताले नेपालप्रेससँग भने ।

प्रधानमन्त्री निकट स्रोत भने कञ्चनपुर ३ बाटै देउवा र आरजुमध्ये एकजनाले निर्वाचन लड्ने दाबी गर्छ । ‘इन्टेलिजेन्सको रिपोर्ट र प्रधानमन्त्रीलाई प्राप्त सुझावका आधारमा डडेल्धुराभन्दा कञ्चनपुर ३ प्रधानमन्त्रीको रोजाइँमा पर्ने सम्भावना छ । अझै धेरै समय बाँकी छ, शेरबहादुर दाइ कि आरजु भाउजूमध्ये एक लड्ने कुरा छ’, देउवा निकट एक नेताले नेपालप्रेससँग भने ।

काठमाडौं । प्रधानमन्त्री शेरबहादुर देउवा पत्नी आरजु राणा देउवा र भारतीय जनता पार्टीका विदेश विभाग प्रमुख विजय चौथाइवालेबीच भेटवार्ता भएको छ ।

उपचारका क्रममा भारतमा रहेकी आरजुलाई भेटेर चौथाइवालेले शीघ्र स्वास्थ्य लाभको कामना गरेका हुन् ।

दिल्लीको म्याक्स अस्पतालमा पाठेघरको शल्यक्रिया गराएर स्वास्थ्य लाभ गरिरहेकी आरजुलाई भेटेर चौथाइवालेले स्वास्थ्य लाभको कामना गरेका हुन् ।

उनीहरुबीच ६ महिनाअघि पनि भेटवार्ता भएको थियो ।

रुपन्देही । लुम्बिनीमा मन्त्री फेर्ने विषयलाई लिएर नेपाली कांग्रेसका बहालवाला मन्त्री र मन्त्री बन्न नपाएका सांसदहरुबीच विवाद सुरु भएको छ ।

पार्टीले फिर्ता बोलाउने तयारी गरेपछि पार्टीको संस्थापन पक्ष र इतर पक्षका बहालवाला मन्त्रीहरुले जसरी पनि थमाउन शीर्ष नेताहरुलाई भेट्न थालेका छन् । मन्त्री बन्न नपाएका सांसदहरुले पनि पूर्वसहमतिअनुसार मन्त्री बनाउन अब ढिलाइ गर्न नहुने भन्दै लविङ गर्न थालेका छन् । यससँगै मन्त्री थमौती गर्ने र मन्त्री हुन चाहनेहरुबीचको बाहिरिएको हो ।

बहालवालाले सरकार छोड्न नमानेपछि प्रदेश सरकारको मन्त्री हेरफेरको तयारी अन्योलमा परेको छ  । कांग्रेसमा मन्त्री फेर्ने तयारी भएपछि माओवादीले पनि तयारी गरेको थियो । तर, कांग्रेसबाट मन्त्री बनेकालाई सरकार नछोड्न माओवादीका मन्त्रीले समेत साथ दिएका छन् ।

२०७८ साउनमा सरकार गठनका बेला माओवादीका कुलप्रसाद केसी र कांग्रेसका वीरेन्द्र कनौडियाले आठ÷आठ महिना नेतृत्व गर्ने र मन्त्रीहरु पनि आठ महिनामा फेर्ने सहमति भएको थियो । त्यतिबेला मन्त्री हुन नपाएकालाई थमथमाइएको थियो । तर, केन्द्रको थमौतीले यो सबै रोकिएको छ ।

गठबन्धनमै समस्या पर्ने भन्दै केन्द्रबाट सरकारको नेतृत्व परिवर्तन नगर्न बरू मन्त्री परिवर्तन गर्ने समाधान दिएको थियो । सोहीअनुसार मन्त्री परिवर्तनमा गठबन्धनका दुई दल लागे पनि एकापसको चलखेलले ढिलाइ भएको छ ।

कांग्रेस र माओवादीका नेताहरुले बजेट पारित गरेपछि साउन पहिलो साताभित्र मन्त्री हेरफेर गर्ने आन्तरिक सहमति गरेका थिए । कांग्रेसले असार १३ गते नै संसदीय दलको बैठकमा मन्त्री हेरफेर गर्ने विषयमा निर्णय गराइसकेको छ । तर, निर्णयमा हस्ताक्षर गर्दै प्रतिबद्धता जनाएका मन्त्रीहरूले अहिले तत्काल सरकार छोड्न अटेर गर्दै केन्द्रीय नेतृत्वलाई दबाब दिन थालेपछि विवाद बढेको एक सांसदले बताए ।

लुम्बिनी प्रदेशको कांग्रेस संसदीय दलका नेता वीरेन्द्र कनौडिया, प्रमुख सचेतक फकुरिद्दन खान र सचेतक निर्मला क्षेत्री देउवा समूहका हुन् ।

अहिले सरकारमा रहेका ६ मन्त्रीमध्ये संस्थापन इतरका एकजनामात्रै छन् । पर्यटन, ग्रामीण तथा सहरी विकासमन्त्रीमा दाङका डिल्लीबहादुर चौधरी, ऊर्जा, जलस्रोत तथा सिंचाइमन्त्रीमा पाल्पाका वीरबहादुर राना, शिक्षा, विज्ञान, युवा तथा खेलकुदमन्त्रीमा रूपन्देहीका बसिउद्दिन खाँ र वन, वातावरण तथा भूसंरक्षणमन्त्रीमा बाँकेका सुरेन्द्रबहादुर हमाल र दुई राज्यमन्त्री रीना नेपाल बिक तथा अर्जुन श्रेष्ठ छन् । मन्त्री भएका रानाबाहेक अन्य संस्थापन पक्षका हुन् । अब मन्त्री हुने लाइनमा संस्थापनइतर पक्षका धेरै भएकै कारण मन्त्रीहरूले केन्द्रमा दबाब दिएर ढिलाइ गरिएको ती सांसदले बताए ।

कांग्रेस प्रदेशसभाका प्रमुख सचेतक फकरुद्दिन खानले पार्टीको संसदीय दलले नै निर्णय गरेको र मन्त्रीहरूले निर्णयमा समेत हस्ताक्षर गरिसकेकाले फिर्ता हुन नखोजेको भन्ने हल्लामात्र भएको बताए  । नयाँ मन्त्रिमण्डलका लागि कांग्रेसमा प्रमुख सचेतक खान, सचेतक निर्मला क्षेत्रीसहित रमा अर्याल, अष्ठभूजा पाठक, बैजनाथ कलवार, भुवनेश्वर चौधरीलगायतका सांसदहरु दौडधुपमा छन् ।

माओवादीका प्रदेश अध्यक्ष सुदर्शन बरालले यसै साता मन्त्रिमण्डल हेरफेर हुने सम्भावना रहेको बताए । कांग्रेसले मन्त्री हुने नयाँ नाम उपलब्ध गराएपछि माओवादीले पनि आफूले पाएका मन्त्रालयमा मन्त्री परिवर्तन गर्ने उनले सुनाए ।

काठमाडौं । नेपाली कांग्रेसकी सांसद डिला संग्रौलाले स्वास्थ्य बीमा कार्यक्रममा देखिएको समस्याको तत्काल समाधान गर्न आग्रह गरेकी छन् ।

आजको प्रतिनिधिसभाको बैठकमा बोल्दै सांसद संग्रौलाले सरकारले दिनपर्ने भुक्तानी प्राप्त नभएको भन्दै सरकारी अस्पतालहरुकै सूचना आउनु र सेवा स्थगित गर्नु दुःखद भएको बताएकी छन् ।

उनले भनिन्, ‘२०७२ साल चैत्र २५ गते कैलाली जिल्लाबाट शुरु भएको स्वास्थ्य बीमा कार्यक्रम अहिले ७७ जिल्लाको ७४६ ओटा स्थानीय तहमा लागू भै सकेको छ । स्वास्थ्य बीमा बोर्डका अनुसार हाल सम्म करिब साढे सत्र लाख परिवार आबद्ध भै सकेका छन् । चालु आव मा स्वास्थ्य बीमामा आवद्ध घर परिवार को संख्या ३३ प्रतिशत बाट बढाएर आ गामी आव मा ५० प्रतिशत पुर्याउने लक्ष राखिएको छ ।’

अहिले नेपालमा झन्डै २० ओटा निजी स्वास्थ्य बीमा कम्पनीहरु तथा ३५० भन्दा बढी निजी अस्पतालहरु भएको बताउँदै उनले भनिन् । तर सरकारले नै अलमल गर्दा अहिले यो लोकप्रिय कार्यक्रम को भविष्य माथि नै प्रश्न उठ्न थालेका छन् ।

सभामुखमार्फत नेपाल सरकारको ध्यानाकर्षण गराउँदै तत्कालै समाधान गर्न आग्रह गरेकी हुन् ।

त्यस्तै, उनले कोरोना महामारीबाट हुन सरकारलाई अवगत भएको बताउँदै अहिले पनि करिब ३ हजारको संख्यामा सक्रिय संक्रमित पुगेकोबारे बेलैमा सचेत हुनपर्ने बताएकी छन् ।

त्यस्तै, उनले मंकिपक्सको संक्रमणका कारण विश्व स्वास्थ्य संगठनले स्वास्थ्य आपतकाल घोषणा गरिसकेको र विश्वका ७५ वटा मुलुकका १६ हजारभन्दा बढी मानिसमा फैलिएकोबारे नेपाल सरकारलाई श्वेतपत्र जारी गर्न पनि माग गरिन् ।

हेटौंडा । नेपाल प्रेस युनियनको नवौं महाधिवेशनको मतगणना शुरु भएको छ ।हेटौंडामा शनिबार सम्पन्न निर्वाचनको मत गणना शुरु भएको हाे ।

अहिलेसम्म ६ सय २ मतगणना हुँदा अध्यक्षमा संस्थापन इत्तर पक्षबाट उम्मेदवार बनेका शिव लम्सालले अग्रता बढाएका छन् । संस्थापन पक्षबाट अध्यक्षमा उम्मेदवारी दिएकी अनिता बिन्दुले २ सय ७१ मत पाएकी छन् ।

संस्थापन इतर समूहबाट अध्यक्षको उम्मेदवार बनेका लम्सालले ३ सय १६ मत प्राप्त गरेका छन् । लम्साल ४५ मतले अघि छन् ।

यस्तै उपाध्यक्ष खुल्लामा नकुल अर्यालले अग्रता बढाएका छन् । अर्यालले ३४२ मत पाएका छन् । रामजी दाहालले २५० शेखर रेग्मी १८१, भीष्मराज ओझाले २८० मत पाएका छन् ।

यस्तै केन्द्रीय उपाध्यक्ष बागमतीमा गिरिजाप्रसाद अधिकारीले २ सय ९१ मुरारी अधिकारीले २८४ मत पाएका छन् ।

हेटौँडा । नेपाल प्रेस युनियनको मतदान ४ घण्टा ढिलो गरी सुरु भएको छ । हेटौँडामा जारी युनियनको नवौँ राष्ट्रिय अधिवेशन अन्तर्गत नयाँ नेतृत्व चयनको लागि आज बिहान १० बजेबाट सुरु हुने भनिएको मतदान प्रक्रिया २ः३० बाट सुरु भएको निर्वाचन अधिकृत अधिवक्ता प्रविण हुमगाईँले बताए ।

नेपाली कांग्रेसको संस्थापन पक्षबाट अनिता बिन्दु र संस्थापन इतर समूहबाट शिव लम्सालको प्यानल चुनावी मैदानमा छ । यसैगरी, अध्यक्षमा भुवन भट्टले पनि उम्मेदवारी दिएका छन् ।

प्रेस युनियनको वरिष्ठ उपाध्यक्षमा प्रेम केसी र सरोज अधिकारीले उम्मेदवारी दिएका छन् । यसैगरी, उपाध्यक्ष खुल्ला दुई वटा पदमा चार जनाको उम्मेदवारी परेको छ । उपाध्यक्ष खुल्लामा राममणि दाहाल, नकुल अर्याल, भिष्मराज ओझा र शेखर रेग्मीले उम्मेदवारी दिएका छन् ।

उपाध्यक्ष समावेशी पदमा भने सङ्खुवासभाका दिपेन्द्र वान्तवा निर्विरोध निर्वाचित भएका छन् । यसैगरी ११ जना अरु उपाध्यक्षका लागि दुई प्यानलबाट उम्मेदवारी छ ।

यसैगरी महासचिव पदमा जगन्नाथ दुलाल र दिलिप पौडेलका बीचमा प्रतिस्पर्धा हुँदैछ । अध्यक्षदेखि सदस्यसम्म दुई प्यानलमा विभाजित भएका छन् । खुल्ला रुपमा उम्मेदवारी दिनेहरु पनि छन् ।

अन्तिम नामावली अनुसार १२१ पदको लागि २०७ जनाले उम्मेदवारी दिएका छन् ।

हालसम्म ३२ जना निर्विरोध चयन भएका छन् भने बाँकी रहेका पदहरूमा मतदान हुँदैछ । युनियनको देशभरका १ हजार ६ सय ३० प्रतिनिधिले नयाँ नेतृत्व चयन गर्दैछन् ।

काठमाडौं । नेपाली कांग्रेसका नेता प्रकाशमान सिंहले भर्खरै खुलेका पार्टीले विकल्पको नाउँमा केही गर्न नसक्ने ठोकुवा गरेका छन् ।

राजधानीमा आयोजित एक कार्यक्रम बोल्दै नेता सिंहले परिवर्तनका लागि लामो समय योगदान दिएका कांग्रेस र एमाले जस्तो पार्टीहरुलाई त काम गर्न मुस्किल परिरहेको अवस्थामा नयाँ दल खोल्दैमा तिनले केही गर्न नसक्ने बताएका हुन् ।

‘हिजो के के न गर्छु भनेर काठमाडौंमा चुनाव लड्न आएका नेताले समाज र देस परिवर्तन गरे कि आफू परिवर्तन भय त्यो कुरा अब भनिरहनु पर्दैन’, विवेकशील साझाका रवीन्द्र मिश्रलाई इंगित गर्दै नेता उनले भने, ‘चुनाव लड्नमात्रै पार्टी खोल्नेहरु र मुलुक तथा जनताको अधिकारको लागि बलिदान दिएका, हन्डर–ठक्कर खाएका, जेल गएका पार्टी र नेताहरुका बारेमा हल्का तुलना गरेर हुँदैन ।’

नयाँका नाउँमा अनावश्यक भ्रम फिजाउन खोजेको उनको भनाइ छ । मुलुकमा लोकतन्त्र ल्याउन र नागरिकलाई अधिकार सम्पन्न बनाउन दलहरुले खेलेको भूमिकालाई ओझेलमा पार्न खोज्नु मुलुकै लागि दुःखद हुने भन्दै नेता सिंहले राजनीतिक दलहरुले आफ्नो कार्यशैलीलाई समय र जनचाहनाअनुरुप बनाउँदै लानुपर्ने बताए ।

उनले अहिले काम केही नगर्ने र सामाजिक सञ्जालमार्फत नेता बन्ने लहर चलेको टिप्पणी गरे । ‘राजनीतिक आन्दोलनमा कहीं नदेखिने जनतालाई समस्या पर्दा कतै नभेटिनेहरुले कसरी देश र जनताको सेवा गर्छन् ?’, नेता सिंहले भने, ‘दल परिवर्तन गर्दै हिँड्ने, आफ्नो प्रतिबद्धताबाट आफैं परिवर्तन हुनेहरुसित के आश गर्ने ?’

उनले कांग्रेसकै नेतृत्वमा जनताको समृद्धिको चाहना पूरा गर्ने काममा कांग्रेस लाग्ने बताए ।

हेटौँडा । नेपाल प्रेस युनियनको नयाँ नेतृत्वको लागि आज हेटौँडामा मतदान हुँदैछ । युनियनको नयाँ नेतृत्वमा संस्थापन पक्ष र संस्थापन इत्तर पक्षबाट अध्यक्षसहित अन्य पदका लागि आज मतदान हुँदैछ ।

अध्यक्षका लागि अनिता विन्दु, शिव लम्साल र भुवन भट्टबीच प्रतिस्पर्धा हुँदैछ ।अन्तिम नामावली अनुसार १२१ पदको लागि २०७ जनाले उम्मेदवारी दिएका छन् ।

हालसम्म ३२ जना निर्विरोध चयन भएका छन् भने बाँकी रहेका पदहरूमा मतदान हुँदैछ । युनियनको देशभरका १ हजार ६ सय ३० प्रतिनिधिले नयाँ नेतृत्व चयन गर्दैछन् ।

हेटौँडा । नेपाली कांग्रेसका वरिष्ठ नेता रामचन्द्र पौडेलले कम्युनिष्टहरू मिलेर कांग्रेसलाई एक्लो बनाउने षड्यन्त्र सुरू भएको बताएका छन् ।

नेपाल प्रेस युनियनको नवौँ राष्ट्रिय अधिवेशनको उद्घाटन सत्रलाई आज हेटौँडामा सम्बोधन गर्दै नेता पौडेलले राष्ट्रिय तथा अन्तर्राष्ट्रिय तत्व मिलेर नेपाली कांग्रेसलाई एक्लो बनाउने प्रयास भइरहेको आशंका व्यक्त गरे ।

‘एकातिर नेपाली कांग्रेसभित्र पनि कम्युनिष्टसँग मिल्नु हुँदैन भन्नेहरू छन्, अर्कोतिर माओवादीभित्र पनि एकथरी हामी कम्युनिष्ट एकता गर्नुपर्छ भन्ने नारा अहिले लगाइरहेका छन्, समाजवादीभित्र पनि कम्युनिष्ट एकता गर्नुपर्छ भनेर दौडिरहेका छन्’, पौडेलले भने, ‘अन्तर्राष्ट्रिय शक्ति पनि कम्युनिष्टलाई एकैठाउँमा राखी नेपाली कांग्रेसलाई एक्लो पारेर गठबन्धन गराउने कोसिस भइरहेका छन् ।’

नेपाली कांग्रेसलाई एक्लो र कमजोर पार्ने गरी महागठबन्धनको प्रयास भइरहेको भन्दै पोडेलले कांग्रेस आफ्नो लक्षमा स्पष्ट हुनुपर्ने बताए ।

कांग्रेसले आफ्नो नीति विधिलाई कायम गरेर मात्र गठबन्धन गरेको बताउँदै उनले यो चुनावी तालमेल मात्र रहेको बताए । कांग्रेसले चुनावी तालमेलको लागि मात्र गठबन्धन गरेको र यसलाई आउँदो निर्वाचनसम्म लैजानुपर्नेमा पौडलको जोड थियो ।

स्थायित्व, सामजिक न्याय र विकासको लागि गठबन्धन आवश्यक रहेको भन्दै पौडेलले तालमेलबाट नेपाली कांग्रेसलाई घाटा नभएको बताए । कम्युनिष्टले बहुमत ल्याएर पनि देशलाई चलाउन नसकेकोले कांग्रेस नेतृत्वको गठबन्धन आजको आवश्यकता रहेको उनको भनाइ छ । कांग्रेसभित्र एकता कायम नभएसम्म सोचेको सफलता प्राप्त नहुने बताउँदै उनले आफूभित्रको एकता कायम गर्नको लागि प्रेस युनियनलाई समेत अनुरोध गरे ।

हेटौँडा । नेपाल प्रेस युनियनको नवौँ राष्ट्रिय महाधिवेशनमा उम्मेद्वारहरूका लागि तोकेको मनोनयन दस्तुर घटाइएको छ ।

रकम बढी भएको भन्दै प्रतिनिधि र उम्मेदवारहरूले विरोध जनाएपछि निर्वाचन समितिले दस्तुर घटाएको निर्वाचन अधिकृत प्रविण हुमागाईँले बताए ।

नयाँ दस्तुर अनुसार अध्यक्षले मनोनयन दर्ता गर्दा २० हजार रूपैँया दाखिला गर्नुपर्ने छ । यसअघि अध्यक्षको ३० हजार थियो । त्यसैगरी वरिष्ठ उपाध्यक्ष, उपाध्यक्षहरू, महासचिव, उपमहासचिव, कोषाध्यक्ष, सचिव तथा केन्द्रीय लेखा समिति संयोजकले जनही १० हजार रूपैँया उम्मेद्वार शुल्क बुझाउनुपर्नेछ ।

यसअघि वरिष्ठ उपाध्यक्ष, उपाध्यक्षहरू, महासचिव र उपमहासचिवको २५ हजार तथा सचिव, कोषाध्यक्ष तथा केन्दीय लेखा समिति संयोजकका लागि २० हजार तोकिएको थियो ।

केन्द्रीय सदस्यको उम्मेदवारका लागि १५ हजारबाट अब ५ हजारमा झारिएको छ । लेखा समिति सदस्यले पनि ५ हजार बुझाउँदा हुने भएको छ ।

हेटौँडा । नेपाल प्रेस युनियनको नवौँ राष्ट्रिय अधिवेशन आजबाट हेटौँडामा सुरू भएको छ । प्रधानमन्त्री एवं कांग्रेस सभापति शेरबहादुर देउवाले महाधिवेशनको उद्घाटन गरेका छन् ।

रोयल प्यालेस हेटौँडामा जारी अधिवेशनले ३ वर्षको लागि नयाँ नेतृत्व चयन गर्नेछ । युनियनले ८ वर्षपछि महाधिवेशन गरेर नेतृत्व छान्न लागेको हो । महाधिवेशनमा भाग लिन देशभरका १६३० प्रतिनिधि हेटौँडा आएका छन् । आगामी तीन वर्षका लागि नयाँ नेतृत्व चयन गर्नेछन ।

चुनावी अधिवेशन भएकाले उम्मेदवारहरूले भोट माग्दै प्रचार-प्रसार सुरू गरेका छन् । प्रचार सामग्रीले महाधिवेशनस्थल भरिएको छ । संस्थापन र इतर पक्षबाट प्यानल नै बनाएर उम्मेदवारहरू मैदानमा होमिएकाले नेतृत्व चयनका लागि कडा प्रतिस्पर्धा हुने देखिएको छ ।

हेटौंडा । नेपाली कांग्रेसनिकट पत्रकारको संगठन नेपाल प्रेस युनियनको नवौं महाधिवेशन आजदेखि हेटौंडामा सुरू भएको छ । र, महाधिवेशनको उद्घाटनका लागि प्रधानमन्त्री एवं कांग्रेस सभापति शेरबहादुर देउवा हेटौँडा आएका थिए ।

उद्घाटन समारोहमा देउवाले यहाँ पनि छोटो भाषण गरे । प्राय: लिखित भाषण पढ्ने देउवाले ५ मिनेटजति पनि मन्तव्य दिएनन् ।

उनले पत्रकारिता क्षेत्र थप जिम्मेवार र उत्तरदायी हुन आवश्यक रहेको बताएका छ्न् । देउवालले स्वतन्त्रताको नाममा पत्रकारले उत्तरदायित्व भुल्न नहुने बताए ।

पत्रकार जगत उत्तरदायी भए समाज सही गतिमा अघि बढ्ने भन्दै प्रधानमन्त्री देउवाले पत्रकारिता क्षेत्रले लोकतन्त्रलाई बलियो बनाउने बताए ।

‘पत्रकारिता क्षेत्र अब नयाँ प्रविधिमा चल्नुपर्छ । जिम्मेवार तथा आधुनिक पत्रकारिता आजको आवश्यकता हो’, देउवाले भने ।

निकै हतारमा जस्तो देखिएका उनी काठमाडौं फर्किसकेका छन् ।

हेटौँडा । नेपाल प्रेस युनियनको ९ औं राष्ट्रिय महाधिवेशन सुरू भएको छ । नेपाली कांग्रेसनिकट पत्रकारहरूको संस्था प्रेस युनियनको यो महाधिवेशनमार्फत झण्डै ८ वर्षपछि नयाँ नेतृत्व चुनिन लागिएको हो ।

हेटौँडास्थित रोयल पार्टी प्यालेसमा सुरू भएको महाधिवेशनको प्रधानमन्त्री एवं नेपाली कांग्रेसका सभापति शेरबहादुर देउवाले उद्घाटन गरेका छन् ।

महाधिवेशनको जारी उद्घाटन सत्रमा कांग्रेसका शीर्ष नेता पुगेका छन् । उपसभापति पूर्णबहादुर खड्का, वरिष्ठ नेता रामचन्द्र पौडेल, महामन्त्री विश्वप्रकाश शर्मा कार्यक्रमका अतिथिको रूपमा सहभागी भएका हुन् ।

प्रेस युनियनको महाधिवेशनमा संस्थापन र इतर पक्षबाट प्यानल नै बनाएर उम्मेदवारहरू मैदानमा उत्रिएका छन् ।

महाधिवेशनमा भाग लिनका लागि देशभरबाट आएका १६३० प्रतिनिधिले आगामी तीन वर्षका लागि युनियनको नयाँ नेतृत्व चयन गर्नेछन् ।

हेटौँडा । नेपाल प्रेस युनियनको ९ औं राष्ट्रिय महाधिवेशनमा संस्थापन र इतर पक्षबीच कडा प्रतिस्पर्धा हुने भएको छ ।

प्रधानमन्त्रीसमेत रहेका नेपाली कांग्रेसका सभापति शेरबहादुर देउवाले उद्घाटन गर्ने सो महाधिवेशनमा दुवै पक्षले प्यानल नै खडा गरेर मैदानमा उत्रेपछि कडा प्रतिस्पर्धा हुन लागेको हो ।

झन्डै ८ वर्षपछि हुन लागेको महाधिवेशनमा भाग लिनका लागि प्रतिनिधिहरू हेटौँडा आइपुगेका छन । देशभरका १६३० प्रतिनिधिले आगामी तीन वर्षका लागि नयाँ नेतृत्व चयन गर्नेछन ।

नेपाली कांग्रेसको शुभेच्छक संस्था प्रेस युनियनको भावी नेतृत्वका लागि संस्थापन पक्षवाट सभापतिमा अनिता बिन्दु र संस्थापनइतर पक्षवाट शिव लम्सालले आ-आफनो दाबेदारी प्रस्तुत गरेका छन ।

महाधिवेशनमा संस्थापन पक्षवाट वरिष्ठ उपाध्यक्षमा सरोज अधिकारी र र संस्थापनइतर समूहवाट प्रेम केसीले उम्मेदवारी घोषणा गरेका छन् भने खुल्ला उपाध्यक्षका लागि नकुल अर्याल, भिष्मराज ओझा र शेखर रेग्मीले चुनावी मैदानमा उत्रने घोषणा गरेका छन् ।

उता, संस्थापन पक्षवाट महिला उपाध्यक्षमा कल्पना शर्मा र इतर समूहबाट सलोजा दाहालबीच प्रतिस्पर्धा हुने देखिएको छ भने महासचिवमा संस्थापन पक्षवाट जगन्नाथ दुलाल र इतर समूहवाट दीलिप पौडेल मैदानमा छन् ।

संस्थापन पक्षका उपमहासचिवका उम्मेदवार केशव साउँद र इतर समूहबाट विष्णु क्षेत्री रहेका छन् । संस्थापन पक्षले कोषाध्यक्षमा माधव धितालले उम्मेदवार खडा गरेको छ भने उनीसँग रमेश वाग्ले प्रतिस्पर्धामा छन् ।

केन्द्रीय उपाध्यक्ष सुदूरपश्चिमका लागि हरिश भट्टलगायत छन् भने महिला उपमहासचिवमा कुसुम विक, दिलिपाश्री अधिकारीले उम्मेदवारी घोषणा गरेका छन् ।

यसैगरी, खुल्ला सचिवका लागि नागरिक दैनिकका भुवन शर्मा,खगेन्द्र भण्डारी, तीर्थराज बस्नेत, लोकेन्द्र भट्ट, पदम अधिकारीलगायत मैदानमा उत्रेका छन् भने महिला सचिवमा मेनुका भट्टलगायत उम्मेदवारी घोषणा गरेर प्रतिनिधिसँग मत मागिरहेका छन् ।

लेखा समिति संयोजकमा पदमराज जोशीलगायतले उम्मेदवारी घोषणा गरेका छन् । केन्द्रीय सदस्यमा कृष्ण पहाडी, सरिता खनाललगायत दर्जनौंको दाबी छ ।

रुपन्देही । करारका कर्मचारी हटाएको विरोधमा रुपन्देहीको गैँडहवा गाउँपालिकाको कार्यालयमा नेपाली कांग्रेसबाट निर्वाचित जनप्रतिनिधिले तालाबन्दी गरेका छन् ।

पालिकाको वडा नं. २ देखि वडा नं. ६ सम्मका वडाअध्यक्ष, वडा सदस्य र कार्यापालिका सदस्यहरुले गाउँपालिकाका अध्यक्षको कार्यकक्ष, प्रमुख प्रशासकीय अधिकृतको कार्यकक्ष र लेखा शाखामा तालाबन्दी गरेका हुन् ।

गाउँपालिकाका प्रवक्ता तथा वडा नं. ४ का वडा अध्यक्ष सुरेन्दसिंह कुर्मीले गाउँपालिकाका कर्मचारीहरुले मिलिमतो गरी पुराना कर्मचारी हटाउने मात्रै नभई अन्य बदमासी गरेकाले तालबन्दी भएको बताएका छन् ।

गाउँपालिका अध्यक्ष सुरेन्द्र पौडेलले कर्मचारीको क्षमताका आधारमा जिम्मेवारी हेरफेर गरेको स्वीकार गर्दै काम नगरेका एक अस्थायी कर्मचारीको म्याद नथपेको कारण विरोध भएको बताए ।

पालिकाको रोजगार संयोजकमा कार्यरत मनिषा कार्कीले नियमसंगत काम नगरेको भन्दै प्रमुख प्रशासकीय अधिकृतले कार्कीलाई लिखित स्पष्टीकरण मागेकोमा रोजगार संयोजक कार्कीबाट चित्तबुझ्दो जवाफ नआएकाले पालिकाको रोजगार संयोजकको करार म्याद नथप्ने पालिकाको निर्णय भएको पालिका अध्यक्ष सुरेन्द्र पौडेलले बताए ।

‘पालिकाको केही वडाहरुमा करारमा राखिएका वडा सचिवहरुलाई पालिकामा फिर्ता बोलाई पालिकामा रहेका स्थायी कर्मचारीहरुलाई वडासचिवको जिम्मेवारी दिएर पठाउने विषयमा विवाद भई तालाबन्दी भएको हुनसक्छ, यो पालिकाको नियमित प्रक्रिया हो ।’ .उनले भने ।

गाउँपालिकाका सूचना अधिकारी गणेश भट्टराईले कर्मचारी व्यवस्थापन र रोजगार संयोजकको म्याद नथप्ने निर्णयका कारण पालिकामा असन्तुष्टि बढेको हुनसक्ने जानकारी दिएका छन् ।

‘हामीले अन्य कुनै लिखित माग पाएका छैनौं । तालाबन्दी गर्ने समयमा पनि केही कुनै कुरा उल्लेख भएको छैन । एक्कासी तालाबन्दी भएपछि मात्र हामीलाई थाहा भयो,’ उनले नेपाले प्रेससँग भने ।

यसैगरी असन्तुष्ट जनप्रतिनिधिवडा सचिव र प्रमुख प्रशासकीय अधिकृतको मिलेमतोमा वडाबाट संकलन भएको करिब ११ लाख रुपैयाँ राजस्व हिनामिना भएको आरोप पनि लगाएका छन् ।

कार्यपालिका सदस्यसहित २९ जना जनप्रतिनिधिहरुद्वारा हस्ताक्षरित मागपत्रमा पत्रमा वडा नं. ६ को राजस्व दुरुपयोग गर्ने प्रमुख प्रशासकीय अधिकृत र सम्बन्धित कर्मचारीलाई कार्बाही नगरेको, बाढी पीडित किसानहरुलाई क्षतिपूर्ति वापतको रकम उपलब्ध नगराएको, किसानले पाउनु पर्ने कृषियन्त्र हालसम्म खरिद नै नगरेको र सो प्रयोजनका लागि विनियोजन भएको रकमबारे कुनै जानकारी नगराएको, पालिकाका प्रमुख प्रशासकीय अधिकृतले गाउँपालिकाबाट भाडामा लिएको गाडी र आवासमा दोहोरो खर्च सुविधा लिएको आरोप लगाएका छन् ।

गाउँपालिकाबाट निर्णय नै नगराई प्रमुख प्रशासकीय अधिकृतले आफूखुसी सवारी भाडामा लिएको, चार पाङ्ग्रे सवारी हुँदाहुँदै पनि थप दुई पाङ्ग्रे सवारी खरिद गरेको जस्ता आरोप लगाइएको छ ।

त्यस्तै कार्यापालिकाको निर्णय नै नगरी करार कर्मचारी हटाइएको, विभिन्न योजनाहरुबाट भएका खर्च विवरणसहितको बिल भर्पाइमाग गर्दा पनि लेखाले उपलब्ध नगराएको, पालिकाको ९ वटै वडाबाट संकलन हुने राजस्वको मासिक विवरण उपलब्ध नगराएको र प्रमुख प्रशासकीय अधिकृतसहित पालिकाका कर्मचारीले के–कति सेवा सुविधा लिएका छन्, भन्ने बारे जानकारी उपलब्ध नगराएको उनीहरुको आरोप छ ।

त्यस्तै प्रमुख प्रशासकीय अधिकृतले प्रयोग गर्दै आएको सवारी साधनको सर्बिसिङ र इन्धन खर्चको यथार्थ विवरण उपलब्ध गराउन पनि मागपत्रमा उल्लेख गरिएको छ ।

काठमाडौं । सत्तारुढ नेपाली कांग्रेस निकट नेपाल विद्यार्थी (नेवि)संघले राष्ट्र बैंकका गभर्नर महाप्रसाद अधिकारीको पुत्ला दहन गरेकाे छ ।

बिहीबार संघमा आवद्ध विद्यार्थीहरुले गभर्नर नेकपा एमालेका भएको आरोप लगाउँदै पुत्ला जलाएका हुन् ।

एमालेको आर्थिक तथा योजना विभागमा एम अधिकारी नाम रहेपछि त्यो व्यक्ति गभर्नर अधिकारी नै भएको दावी गर्दै नेवि संघले प्रदर्शन गरेकाे हाे ।

उनीहरुले भृकुटिमण्डपको सडकमा गभर्नर अधिकारीको कार्टुन बनाएर प्रदर्शनपछि पुत्ला जलाएका थिए ।

आजै अनेरास्ववियु क्रान्तिकारीले पनि गभर्नर अधिकारीको राजीनामा माग गर्दै प्रदर्शन गरेको थियो ।

तस्वीरः उमेश कार्की

काठमाडौं । नेपाली कांग्रेसको प्रमुख सचेतकमा चित्रलेखा यादव र सचेतकमा मिन विश्वकर्मा मनोनीत भएका छन् ।

संसदीय दलका नेता शेरबहादुर देउवाले उनीहरूलाई मनोनीत गरेका हुन् ।

यादव कांग्रेस कोषाध्यक्ष हुन् भने विश्वकर्मा केन्द्रीय सदस्य छन् । यसअघि प्रमुख सचेतक रहेका बालकृष्ण खाण गृहमन्त्रीमा नियुक्त भएपछि सो ठाउँ रिक्त थियो ।

त्यस्तै सचेतक पुष्पा भुसाल भर्खरै मात्र प्रतिनिधिसभा उपसभामुख नियुक्त भएकी छन् ।

सुर्खेत । नेपाली कांग्रेस सुर्खेतले स्थानीय तहको निर्वाचनमा अन्तर्घात गरेको आरोपमा ६ सयभन्दा बढी नेता कार्यकर्तालाई स्पष्टीकरण सोधिसकेको छ । सुर्खेत कांग्रेस अनुशासन समितिले पूर्वाग्रह साँधेर स्पष्टीकरण सोधेको कार्यकर्ताले गुनासो गरेका छन् ।

पूर्वमन्त्री हृदयराम थानीको निर्वाचन क्षेत्र नम्बर २ मा छानीछानी नेता-कार्यकर्तालाई स्पष्टीकरण सोध्दा उपसभापति पूर्णबहादुर खड्काको निर्वाचन क्षेत्रकालाई भने ‘चोख्याइएको’ एक नेताले टिप्पणी गरे । थानी शेखर पक्षका हुन् ।

क्षेत्र नम्बर २ मा वीरेन्द्रनगरका १४ वडा, बराहताल गाउँपालिका, पञ्चपुरी नगरपालिका र चौकुने गाउँपालिका पर्छन् । यीमध्ये पञ्चपुरी र बराहतालमा कांग्रेसले जितेको छ । पूर्वमन्त्री तप्तबहादुर विष्टदेखि शिवराज जोशीसम्मका नेताहरू पनि यही क्षेत्रका हुन् ।

यस्तै, कांग्रेसका प्रभावशाली नेता एवम् केन्द्रीय उपसभापति पूर्णबहादुर खड्काको निर्वाचन क्षेत्र नम्बर एक हो । यहाँ वीरेन्द्रनगरका २ वटा वडा, भेरीगंगा नगरपालिका, गुर्भाकोट नगरपालिका, चिङ्गाड गाउँपालिका, लेकबेँशी नगरपालिका र सिम्ता गाउँपालिका गरी पाँच पालिका छन् । यसमध्ये यहाँ काँग्रेसले गुर्भाकोट र लेकबेँशी मात्रै जित हात पारेको छ ।

यो पनि पढ्नुस् : सुर्खेत कांग्रेसले ६०० बढीसँग सोध्यो स्पष्टीकरण

‘सबैभन्दा बढी अन्तर्घात त उपसभापतिज्यूकै क्षेत्रमा उनकै गुटका कार्यकर्ताले गरेका छन् । तर, उनीहरूलाई जोगाइयो ’, स्पष्टीकरण सोधिएका वीरेन्द्रनगरका एक नेता भन्छन्, ‘यो भनेको थानी समूहलाई तह लगाउने रणनीति हो । यस्तो रणनीतिले सुर्खेत कांग्रेसको भलो हुन्न ।’

स्थानीय तहको निर्वाचनको समयमा गठबन्धनको विरोध गर्दै कांग्रेसबाट उम्मेदवार बन्न शेखर समूहका नेताले इन्कार गरेका थिए । उनीहरूले कांग्रेसले पाउने पालिकामा ४० प्रतिशत आफूहरूको हिस्सा खोजेका थिए ।

सुर्खेत कांग्रेसका सभापति खडक पोखरेलले एउटा मात्र क्षेत्रका कार्यकर्तालाई स्पष्टीकरण सोधिएको विषय अस्वीकार गरे । ‘त्यो वाहियात कुरा हो । दुई नम्बरभन्दा एक नम्बरका धेरै कार्यकर्तालाई सोधिएको छ’, पोखरेलले नेपाल प्रेसले भने ।

तर, उनले स्पष्टीकरण कतिजनालाई र कुन आधारमा सोधिएको हो भन्ने चाहिँ खुलाएनन् ।