फ्यानलाई राजेश हमालको जवाफ : स्वस्थ भएर कपडा खोल्न सकिन्छ

काठमाडौं । अभिनेता राजेश हमाल अहिले फुर्सदमा छन् । फुर्सदिलो भएकैले उनको अधिकांश समय अहिले सामाजिक संजालको प्रयोगमा बित्ने गरेको छ । उनी फेसबुक, ट्वीटर, इन्स्टाग्राम र टीकटकमा निकै व्यस्त हुन्छन् ।

स्टेटस र अपडेट पनि उनी दिन बिराएर पोस्ट गरिरहेका हुन्छन् । वर्कआउट गरेका तस्विरहरु, पत्नी मधुसँग रोमान्टिक बनेका भिडियोहरु उनी पोस्ट गर्छन् । निषेधाज्ञा अवधिभर उनी मानसिक र शरिरको ख्याल गर्न टिप्सहरु पनि दिन्छन् ।

महानायक भएर पनि महामारी र बिपद्मा सहयोग नगरेको आरोप उनीमाथि कतिपयले लगाउन गरेका छन् । तर, उनी यसबारे मौन छन् । उनले बिहीबार केही तस्विर पोस्ट गर्दै स्वस्थ रहन उपाय सुझाए । तस्विर आउने वित्तिकै उनका प्रशंसकले उनलाई भने, ‘स्वस्थ रहन कपडा खोलेर देखाउनुपर्छ हो सर ?’

ती फ्यानलाई हमालले जवाफ दिए, ‘स्वस्थ भएर कपडा खोल्न सकिन्छ ।’ हमालको तस्विरसँग मिल्ने तस्विरहरु फ्यानले कमेन्ट बक्समा पोस्ट गरेका छन् । यसैसाता बर्थडे मनाएका राजेश हमालले निषेधाज्ञा खुले युवाहरुलाई लक्षित गरेर मोटिभेसनल दौडाहामा निस्कने तयारीमा छन् ।