मधेशको आन्दोलन जिल्लातिर विस्तार

काठमाडौँ । मधेशमा मुख्यमन्त्रीको नियुक्तिको विरोधमा दुई दिनदेखि जारी आन्दोलन प्रदेश राजधानी जनकपुरधामबाट अरु जिल्लातिर पनि सरेको छ ।

मधेश प्रदेशका मुख्यमन्त्री सरोजकुमार यादवविरुद्धको आन्दोलन रौतहटको गौरमा पनि हुन लागेको हो । रौतहटका ७ दलले दिउँसो १ बजे गौरमा विरोध प्रदर्शन आयोजना गरेका छन् ।

मुख्यमन्त्री यादवले कांग्रेस नेतृत्वमा सरकार बन्ने अवस्था आए आफू मुख्यमन्त्री छाड्न तयार भएको बताइरहँदा कांग्रेसबाट मुख्यमन्त्रीका आकांक्षी नेपाली कांग्रेस मधेश सभापति एवम् प्रदेश संसदीय दलका नेता कृष्ण प्रसाद यादवको गृहजिल्ला रौतहटमै आन्दोलन हुन लागेको छ । यो घटनाले तत्कालै कांग्रेस एमालेसँग नजिकिने सम्भावना देखिएको छैन ।