काठमाडौं । नेकपा एकीकृत समाजवादीको केन्द्रीय कमिटी बैठक भोलिबाट सुरु हुँदै छ। माओवादी केन्द्रसँग एकताको चर्चाका बिचमा अध्यक्ष माधव नेपालले पार्टी बैठक राखेका हुन्।
बैठक भोलि ११ बजे मिराकल पार्टी भेन्यु सुकेधारामा बस्ने प्रचार विभाग उपप्रमुख दामोदर अर्यालले बताए। केन्द्रीय कमिटी बैठक अघि पोलिटब्युरो बैठक भने नबस्ने भएको छ।
माओवादीसँग एकता गर्ने सहमति अध्यक्ष नेपालले गरिसकेका छन्। तर, सम्मानित नेता झलनाथ खनाल र महासचिव घनश्याम भुसाल भने विपक्षमा छन्।
उनीहरूले माओवादीसँग एकता भन्दा पनि पार्टी पुनर्गठनमा जोड दिएका छन्।
यीबाहेक विकसित राजनीतिक घटनाक्रमबारे पनि बैठकमा छलफल हुने जनाइएको छ। यसअघि बसेको स्थायी कमिटी बैठकमा केही नेताहरूले अध्यक्ष नेपालको राजीनामा समेत मागेका थिए।
Leave a Reply