विश्वप्रकाशको प्रष्टोक्ति- सभापतिसँगको समन्वयमा नै गतिविधि गरिरहेका छौं

काठमाडौं । नेपाली कांग्रेसका महामन्त्री विश्वप्रकाश शर्माले पार्टीभित्र चलेको बहसलाई लिएर कसैले तिक्तता राख्नु नपर्ने बताएका छन् ।

पार्टीमा रूपान्तरणको बहस चलाइरहेका महामन्त्री शर्माले विराटनगरस्थित कोइराला निवासमा पुगेर सबैको मतलाई समन्वय गरेर जानुपर्ने बताए ।

उनले भने, ‘अहिले प्रश्न गगन–विश्वप्रकाशको मात्रै होइन, यो भन्दा पछिल्लो पुस्ता पार्टीमा आइसकेको छ। यो अवस्था आउनुको पछाडि हाम्रो पनि कमजोरी रह्यो। हामीले पनि आत्म समीक्षा गर्नुपर्छ। कांग्रेसले गरेका राम्रा कामहरू जनतामा जाँदा हामीले क्षमायाचना पनि गर्नुपर्छ ।’

उनले पार्टी सभापति देउवासँगको समन्वयमा नै पार्टीका प्रदेश र जिल्ला सभापतिहरूसँग छलफल गरेको बताए ।

उनले सभापतिसँग सल्लाह गरेर मात्रै आफूहरूले गतिविधि अघि बढाएको भन्दै नयाँ परिस्थितिमा पार्टीलाई नयाँ ढङ्गले लैजान मंसिरसम्ममा महाधिवेशन गर्नुपर्ने उनको भनाइ छ।
;