काठमाडौं । टेलिभिजन श्रृंखला ‘मेरी बास्सै’मार्फत ‘अप्सरा’ आमाबाट चर्चित अलाकार लक्ष्मी श्रेष्ठ स्तन क्यान्सरलगायत रोगका कारण थलिएकी छन् ।
गत दशैंदेखि बिरामी भएकी उनी नियमित चेकजाँच गर्दै अस्पताल-घर आउनेजाने गरिरहेकी थिइन् । पछिल्लो समय भने भक्तपुर क्यान्सर अस्पतालले फिर्ता पठाइदिएपछि कपन बालुवाखानीस्थिति घरमै थलिएकी छन् ।
घरमा छोरीले स्याहारसुसार गरिरहे पनि पछिल्लो समय खानासमेत खान छाडेको पारिवारिक स्रोतले जनाएको छ । पारिवारिक स्रोताका अनुसार अहिले श्रेष्ठले खाने गरेको नियमित औषधि पनि छुटाइसकेको बताइएको छ ।
उनले ‘मेरी बास्सै’मा सीताराम कट्टेल धुर्मुसले निर्वाह गरेको खड्काजी नामक पात्रको श्रीमतीको भूमिका निभाएकी थिइन् । मेरी बास्सै’का साथै उनले ‘जिरे खोर्सानी’, ‘कान्छी’ सहितका टेलिसिरियल, म्युजिक भिडियो र चलचित्रमा समेत अभिनय गरेकी छन् ।
उनलाई अहिले सँगै सहकार्य गरेका कलाकारहरुले घरमै गएर भेटिरहेका छन् ।
Leave a Reply