सुर्खेत । सुर्खेतको वीरेन्द्रनगर नगरपालिका–१०, बुलबुले टोलस्थित एक घरभित्र गोली भेटिएको छ।
स्थानीय युवराज रिजालको घरको छानामाथिबाट छिरेको सो गोली शनिबार बिहान घरभित्र फेला परेको हो।
प्रारम्भिक अनुमानमा उक्त वस्तु गोलीको टुप्पो (प्रोजेक्टाइल) जस्तो देखिए पनि यसबारे यकिन पुष्टि हुन बाँकी रहेको प्रहरीले जनाएको छ।
जिल्ला प्रहरी कार्यालय सुर्खेतका प्रहरी उपरीक्षक रुपेश खड्काले शंकास्पद वस्तु भेटिएको र घटनाको अनुसन्धान सुरु गरिएको जानकारी दिए।
गोली चलिएको भन्ने पुष्टि भइसकेको छैन उनले भने,‘अनुसन्धान जारी छ।’
प्रहरी उपरीक्षक (एसपी) रुपेश खड्काले उक्त वस्तु कसरी घरभित्र छिर्यो भन्नेबारे प्राविधिक टोलीबाट अध्ययन भइरहेको बताए।
प्रहरीका अनुसार घटनास्थलबाट भेटिएको वस्तुलाई परीक्षणका लागि ल्याबमा पठाउने तयारी भइरहेको छ।
Leave a Reply