काठमाडौं । विश्वको प्रसिद्ध हिन्दू धाम केदारनाथमा झण्डै १३ किलोमिटरको केबलकार परियोजना भारतको मन्त्रिपरिषदबाट स्वीकृत भएको छ ।
भारतको प्रेस इन्फरमेसर ब्युरोका अनुसार भारतको सोनप्रयागबाट केदारनाथसम्म पुग्ने १२.९ किलोमिटर लामो केबलकार परियोजना मोदी सरकारले स्वीकृत गरेको हो ।
परियोजना ४० अर्ब बढी भारतीय रुपैयाँमा बन्ने बताइएको छ । केबलकार सार्वजनिक नीजि साझेदारीमा बन्ने भएको हो । यसले ९ घण्टाको यात्रालाई ३६ मिनेटमा छोट्याउने बताइएको छ ।
नेपालमा प्रसिद्ध पाथिभरा माताको दर्शन गर्ने ठाउँसम्म केबलकार निर्माण गर्न लाग्दा पहिचानवादीले आन्दोलन गरेर अवरोध सिर्जना गरिरहेका बेला भारतले केदारनाथ धाममा केबलकार बनाउने अनुमति दिएको हो ।
यसैबीच भारतीय प्रधानमन्त्री नरेन्द्र मोदीले यो निर्णयबाट केदारनाथ दर्शन गर्न जाने श्रद्धालुलाई सहज हुने र समय तथा पैसाको खर्च पनि कम हुने आशा व्यक्त गरेका छन् ।
Leave a Reply