इन्टरले पहिलो स्थान उक्लने मौका गुमायो

हेटौंडा । इटालियन सिरी `ए´फुटबलमा इन्टर मिलान पराजित हुँदा तालिकाको पहिलो स्थान उक्लने मौका गुमाएको छ ।

गएराति भएको खेलमा पूर्व लिग च्याम्पियन युभेन्टससँग १-० को हारपछि नापोलीलाई उछिनेर पहिलो स्थान ओगट्ने इन्टरको सपना पूरा हुन सकेन ।

फ्रान्सिकोले खेलको ७४ औं मिनेटमा गोल गरेपछि युभेन्टसले इन्टर बिरुद्ध महत्त्वपूर्ण तीन अंक हासिल गर्न सफल भयो । जितपछि युभेन्टस तालिकाको चौथो स्थानमा उक्लन सफल भएको छ भने इन्टर दोश्रो स्थानमा छ ।

२५ खेलबाट इन्टरको ५४ अंक छ । समान खेलबाट पहिलो स्थानको नापोलिको ५६ अंक छ ।