हेटौँडा । स्पेनिस क्लबबार्सिलोनाले रेलिगेसन जोनमा रहेको भ्यालेन्सिया विरुद्ध सानदार प्रदर्शन गर्दै महत्त्वपूर्ण तीन अंक हासिल गरेको छ ।
आइतबार राति भएको खेलमा यो सिजन कमजोर प्रदर्शन गर्दै आइरहेको ७-१ ले पराजित गर्दै बार्सिलोना तालिकाको तेस्रो स्थानमा पुगेको छ ।
क्याटलान क्लबले भ्यालेन्सिया विरुद्ध पहिलो हाफमानै ५-० को अग्रता कायम गरेको थियो । उसको लागि फेरमिन लोपेजले दुई तथा फ्रेन्क डे जङ, फेरान टोरेस तथा राफिन्हाले एक एक गोल गरे ।
मध्यान्तरपछि पनि वार्सिलोनाले थप दुई गोल गर्न सफल बन्यो ।
बार्सिलोनाका रोबर्टो लेवनडोस्कीले एक गोल गर्दा अर्को गोल उपहार प्राप्त गरेको थियो । भ्यालेन्सियाको लागि एक मात्र गोल ह्येगो डुरोलेले गरे र खेल ७-१ मा सकियो ।
जितपछि बार्सिलोना २१ खेलबाट ४२ अंक सहित तेस्रो स्थानमा पुगेको छ । पछिल्लो केहि खेलमा निराशाजनक प्रदर्शन गरेर उपाधि होडबाट पछि पर्न लागेको बार्सिलोना भ्यालेन्सिया विरुद्ध उत्सहजनक प्रदर्शनपछि पुनः उपाधि होडमा फर्किएको छ ।
Leave a Reply