काठमाडौं । त्रिभुवन विश्वविद्यालयका उपप्रध्यापक प्रेम चलाउनेमाथि आक्रमणमा संलग्न एक फरार अभियुक्त पक्राउ परेका छन् ।
अढाई वर्षदेखि पाटन उच्च अदालतको आदेश अवज्ञा गरेर फरार भएका सयुस श्रेष्ठलाई प्रहरीले आज रातोपुलबाट पक्राउ गरेको हो ।
चलाउनेमाथि आक्रमणमा संलग्न नेविसंघका ७ जनामध्ये दुईजना फरार भएका थिए । पाटन उच्च अदालतले उनीहरुलाई जनही पाँच लाख धरौटी र एक लाख अन्तरिम क्षतिपूर्तिको आदेश दिएको थियो ।
पाटनको आदेश कार्यान्वयन गर्न दुई वर्षअघि जिल्ला अदालतबाट पक्राउ पूर्जि जारी भएको थियो ।
झापा गौरादह घर भएका श्रेष्ठलाई महानगरीय प्रहरी परिसरको टोलीले आज पक्राउ गरेको स्रोतले बाएको छ । चलाउनेले उनीबाट धरौटी नलिइकन थुनामा राख्ने माग गर्दै निवेदन दिने तयारी गरेका छन् ।
श्रेष्ठले २१ दिनको म्याद गुजारेकाले तारेखमा छोड्न नमिल्ने उनको तर्क छ ।
Leave a Reply