अछाम । नेकपा एमालेका उपाध्यक्ष भीम रावलले पार्टीको आगामी दशौं राष्ट्रिय महाधिवेशनमा अध्यक्षको उम्मेदवार बन्ने घोषणा गरेका छन् ।
गृहजिल्ला अछामको साँफेबगर नगर कमिटीको बैठकलाई सम्बोधन गर्दै उपाध्यक्ष रावलले कार्यकर्ताको भावना अनुसार आफू उम्मेदवार बन्न तयार रहेको बताए ।
रावलले दश बुँदे सहमति कार्यन्वयन नभएकोमा असन्तुष्टी व्यक्त गर्दै पार्टी बलियो बनाउन निरन्तर संघर्ष गरिरहने र संघर्षको मैदानबाट नभाग्ने बताए । रावलले आफू हारे पनि राष्ट्रिय स्वाधीनताको लागि बलियो एमाले निर्माणको लागि प्रतिबद्ध रहने बताए ।
माधव नेपालले पार्टी फुटाएर हिड्नु गलत भएको भन्दै उनले आफूले राष्ट्र र एमाले बलियो बनाउने बाहेक अरु स्वार्थ आफ्नो नरहेको प्रष्ट पारे ।
Leave a Reply