प्रतिनिधिसभा चुनावका लागि दल दर्ता गर्न आयोग जाँदै एमाले

काठमाडौं । नेकपा एमालेले प्रतिनिधिसभाको निर्वाचनको लागि निर्वाचन आयोगमा दल दर्ता गर्ने भएको छ । आज दिउँसो निर्वाचन आयोगमा पुगेर दल दर्ता गर्न लागेको एमालेका निर्वाचन विभाग प्रमुख निरज आचार्यले नेपाल प्रेससँग बताए ।

आगामी फागुन २१ गतेका लागि तय भएको प्रतिनिधिसभा निर्वाचनका लागि मंसिर १० गतेसम्म दल दर्ता गराइसक्नुपर्नेछ । सोमबारसम्म प्रतिनिधिसभा निर्वाचन प्रयोजनका लागि ६४ दल दर्ता भइसकेका छन् ।

प्रतिनिधिसभा पुनर्स्थापनाको मुद्दा उठाइराखेको एमालेले आज दल दर्ता गर्न लागेको हो ।