काठमाडौं । फेदीखोला हाइड्रोपावर कम्पनी लिमिटेडले सर्वसाधारणमा प्राथमिक सार्वजनिक निष्कासन (आईपीओ) ल्याउने भएको छ । कम्पनीले १७ लाख ६० हजार रुपैयाँ बराबरको साधारण शेयर निष्कासन गर्ने भएको हो ।
शेयर निष्कासन गर्न कम्पनीले एनएमबि क्यापिटल लिमिटेडलाई धितोपत्र निष्कासन तथा बिक्री प्रबन्धकमा नियुक्त गरेको छ । निष्कासन तथा बिक्री प्रबन्धक नियुक्त गर्ने सम्बन्धी सम्झौता–पत्रमा फेदीखोला हाइड्रोपावरका प्रबन्ध सञ्चालक प्रकाशचन्द्र दुलाल र धितोपत्र निष्कासन तथा बिक्री प्रबन्धक एनएमबि क्यापिटलका प्रमुख कार्यकारी अधिकृत दीपेश कुमार वैद्यले हस्ताक्षर गरेका छन् ।
कम्पनीका अनुसार अधिकृत तथा जारी पुँजी ८० लाख रहेको उक्त हाइड्रोपावरले जारी पुँजीको २२ प्रतिशत अर्थात् १७ करोड ६० लाख बराबरको १७ लाख ६० हजार कित्ता शेयर निष्कासन गर्ने भएको छ । उक्त आईपीओको प्रति अंकित मूल्य एक सय रुपैयाँ तोकिएको छ ।
Leave a Reply