पुनको चेतावनी- २४८८ प्रतिनिधिको हस्ताक्षरलाई केही होइन भन्ने ढंगले प्रस्तुत भए ठूलो क्षति पुग्छ

काठमाडौं । नेपाली कांग्रेसका लुम्बिनी प्रदेश सभापति अमरसिंह पुन मगरले विशेष महाधिवेशन माग गर्दै बुझाएको हस्ताक्षरलाई बेवास्ता गरे ठूलो क्षति पुग्ने चेतावनी दिएका छन्।

जारी केन्द्रीय समिति बैठकमा बोल्दै २ हजार ४८८ महाधिवेशन प्रतिनिधिको हस्ताक्षरलाई केही होइन भन्ने ढंगले प्रस्तुत भए पार्टीलाई असर पुग्ने बताए।

उनले भने, एमाले र माओवादीले मंसिरमा महाधिवेशन गर्नसक्छ। कांग्रेस भने नियमित कि विशेष भन्नेमा अल्झिराख्नेरु त्यसैले २४८८ जना महाधिवेशन प्रतिनिधिका हस्ताक्षरलाई सामान्य रूपमा नलिनुहोला।

उनले क्रियाशील सदस्यताको समस्या समाधान गरेर मंसिरमा महाधिवेशन गर्ने गरी तत्काल कार्यतालिका ल्याउन माग गरे। उनले विशेष महाधिवेशनको माग गर्नेले पार्टी फुटाउन खोज्यो भनेर गलत भाष्य बनाइएको भन्दै असन्तुष्टि जनाए।

उनले महाधिवेशन गरेर पार्टीलाई एकताबद्ध बनाएर चुनावमा होमिनुपर्ने बताए।