संविधान दिवस : एमालेले विशेष कार्यक्रम गर्दै, च्यासलमा बिहानैदेखि सुरक्षा तैनाथि

काठमाडौं । संविधान दिवसका अवसरमा नेकपा एमालेले पार्टी कार्यालय च्यासलमा विशेष कार्यक्रम आयोजना गर्ने तयारी गरेको छ । पार्टी कार्यालयमा अहिले बाक्लो संख्यामा प्रहरी परिचालन भएको छ ।

एमाले प्रचार विभाग प्रमुख राजेन्द्र गौतमका अनुसार च्यासलमा जम्मा भएर त्यहीँ कार्यक्रम मनाउने तयारी गरिएको छ । कुनै र्‍याली गर्ने कार्यक्रम छैन ।

पार्टी कार्यालयमा नेता कार्यकर्ताहरू उपस्थित भएर संविधानको उपलब्धिको चर्चा, संघीय लोकतान्त्रिक गणतन्त्रको रक्षाका लागि अपिल गर्ने एमालेले जनाएको छ ।

जेनजी आन्दोलनका क्रममा भएको सार्वजनिक निजी सम्पत्तिमाथि क्षति तथा संलग्नलाई कारबाहीको लागि यथाशीघ्र उच्चस्तरीय न्यायिक छानबिन आयोग गठन
तोकिएकै समयमा निर्वाचन गराउन ध्यानाकर्षण सहित जनतामा आव्हान गरिने उनले बताए ।

अध्यक्ष केपी शर्मा ओली कार्यक्रममा सहभागी हुने वा नहुने भन्ने अहिलेसम्म केही जानकारी दिइएको छैन । उनले सहभागी हुने अहिलेसम्म कार्यक्रम भने बनिनसकेको बताए ।