मुख्यमन्त्री आचार्यकी श्रीमतीको बिलौना- २८ वर्षे जागिरबाट बचाएको घर खरानी बनाए (भिडियाे)

रूपन्देही । लुम्बिनी प्रदेशका मुख्यमन्त्री चेतनारायण आचार्यकी पत्नी दीपाले आफ्नै श्रम र लगनले २८ वर्ष मेहनत गरेर बनाएको घर आगलागीमा जलेर खरानी भएको दुःख व्यक्त गर्दै समाजमा उक्साउने प्रवृत्तिविरुद्ध कडा आवाज उठाएकी छन् ।

दीपाले बिहेपछि काम गरेर बचत, बैंक र सहकारीबाट ऋण लिएर बनाएको उक्त घर भदौ २३ र २४ गतेपछि भएको निद्रा नभएको पीडा सुनाइन् ।

आँखामा आँसु लिएर उनले भनिन्, ‘अहिले म खरानीको थुप्रोमा उभिएको छु। त्यो पनि आफ्नै पसिना र मेहेनतले उभ्याएको घरको। मन भतभती पोलिरहेको छ। मैले खाजा-नास्ताको पैसा बचाएर बनाएको घर आज यो अवस्थामा पुग्दा मेरो मन रिस र शोकले भरियो’, दीपाले सोधिन्, ‘यो मेरो घरले कसकाे के नै बिगारेको थियो र ? हामीले के नै गरेका थियौं र रिस साँध्नुपर्ने ?’

दीपाका अनुसार २०४८ सालमा जग्गा किनेर पहिलेको पुरानो घर बेचेर र लामो समय जागिर गरेर उनीहरूले नयाँ घर बनाएका थिए । उनको श्रीमान् चेतनारायण राजनीतिक काममा पूर्णकालीन लाग्ने भएकाले घर र परिवारका लागि दीपाले मेहनत गरी पूरै जिन्दगी खर्च गरेकी थिइन् ।

उनले मुख्यमन्त्री भएपछि समेत दुवैले भ्रष्टाचारविरुद्ध र सार्वजनिक खर्चमा संयम कायम राख्ने नीति अपनाएका रहेकाले अहिलेको घटनाले परिवारमा थप पीडा थपिएको बताइन् ।

दीपाले आफ्नो श्रीमानमाथि भएको स्वास्थ्य सङ्घर्षको स्मरण गर्दै भनिन्, ‘श्रीमान् क्यान्सरबाट पीडित हुनुभयो, मृत्युको मुखमा पुगेका उहाँ उपचारपछि निको हुनुभयो। जीवनका यी पाटाहरू हामीले भोग्यौं र समाजका लागि अहोरात्र काम गर्यौं ।’

उनले आफूहरू काटेको तर्क र त्यागका उदाहरण प्रस्तुत गर्दै भनिन् कि मुख्यमन्त्री भएता पनि उनले महँगो कार्यक्रम-भोज वा होटलमा भब्य कार्यक्रम नगर्ने नीति अपनाएका छन् र आफूले हजारभन्दा बढी मूल्यको साडी समेत लगाएकी नभएको दाबी गरिन् ।

आगो हानेर घर जलेको घटनालाई लक्षित गर्दै दीपाले सामाजिक सञ्जाल तथा उक्साउने प्रवृत्तिको निन्दा गरिन् । उक्साउने र विभिन्न स्ट्याटसहरू देखिरहेका छौं । उफार्नलाई मजा आउँछ, तर पछि त्यसलाई नियन्त्रण गर्न गाह्रो हुन्छ’, उनले  यस घटनालाई ‘जेन्जी’ जेनेरेसन–झन्डा ? जेन–जी को नाममा घुसपैठ र षडयन्त्रको नतिजा बताइन् । उनले दाबी गरिन्, ‘जेन्जीको नाममा गरिएको यो तहको कार्य कलंक हो।’

दीपाले शहीद भएकाहरूप्रति श्रद्धाञ्जली अर्पण गर्दै घाइतेहरूको स्वास्थ्यलाभको कामना गरिन् र दोषीहरू पहिचान गरिए कानुनी कारबाही गर्नुपर्ने माग राखिन् । साथै उनले आँट देखाउँदै पुनर्निर्माणको प्रतिवद्धता व्यक्त गरिन्, ‘हामी धुलो टकटक्याउँदै फेरि उठ्नेछौं । हाम्रो घर जलेको मात्र हो, ढलेको होइन। हामी तिनै संरचनाहरू जस्तै पुनर्निर्माण गर्नेछौं ।’

दीपाले स्थानीय समुदाय र प्रशासनलाई शान्ति कायम राख्न र सत्यनिष्ठ अनुसन्धानद्वारा घटना बारे तथ्याङ्क स्पष्टता ल्याउन आग्रह गरिन्। उनले बालबालिकालाई गलत कामतर्फ प्रेरित गर्नु राष्ट्रिय दुर्भाग्य हुनसक्ने भएकाले अभिभावक र समाजले सचेत हुनुपर्ने आवश्यकता रहेको बताइन्।

हेर्नुस् भिडियाे