काठमाडौं । नेकपा (माओवादी केन्द्र)का सांसद रेणु चन्दले प्रधानमन्त्री केपी शर्मा ओली नेतृत्वको सरकार महिला विरोधी भएको गम्भीर आरोप लगाएकी छिन् । शुक्रवार राष्ट्रिय सभाको शून्य समयमा उनले सरकारका पछिल्ला गतिविधिले प्रधानमन्त्री ओलीलाई महिला फोबिया भएको हो कि भन्ने प्रश्न उब्जिएको बताइन् ।
‘सम्माननीय प्रधानमन्त्रीको महिलाको बारेमा दृष्टिकोणमा समस्या देखिएको छ’ सांसद चन्दले भनिन् । उनले सरकार र प्रधानमन्त्रीका केही विवादास्पद कदमको शृङ्खला प्रस्तुत गर्दै सरकारको नियतमाथि प्रश्न उठाइन् ।
उनले आफ्नै पार्टीका महिला नेताको सदस्यता नवीकरण नगर्ने, जायज कुरा उठाउँदा कारबाही गर्ने, बहुविवाह र १६ वर्षमा विवाहको उमेर कायम गरी बालविवाहलाई वैधानिकता दिन खोज्ने जस्ता कार्यले सरकारको पश्चगामी चरित्र उदाङ्गो भएको बताइन् ।
सांसद चन्दले बलात्कार जस्तो जघन्य अपराधलाई आममाफीको दायराभित्र ल्याउन खोज्ने, कोरा कागजमा हस्ताक्षर गराएर महिला उपसभामुखलाई हटाउने अभियान चलाउने र स्वास्थ्य मन्त्रालयका अतिरिक्त सचिव डा।सङ्गीता कौशल मिश्रको बढुवा रोक्ने जस्ता घटना सामान्य संयोग मात्र नभएको दाबी गरिन् ।
उनले भनिन्, ‘यी घटनाले के साबित गर्छ भने प्रधानमन्त्री ओली र यो दुई तिहाइको सरकार महिला विरोधी सरकार हो ।’
आफ्नो मन्तव्यको अन्त्यमा उनले प्रधानमन्त्रीलाई सीधा प्रश्न गरिन्, सम्मानित प्रधानमन्त्री ओलीलाई महिला फोबिया भएको हो र रु हैन भने किन यस्तो महिला विरोधी गतिविधि गरिराख्नु भएको छ रु’
Leave a Reply