ऐतिहासिक चोभार गल्छी जोगाउन दबाब (तस्बिरहरू)

काठमाडौं । काठमाडौं उपत्यकाको निकास विन्दुको रूपमा चिनिने चोभार गल्छी यतिबेला चर्चामा छ ।

सरकारले खोँचमा रहेका पाँच वटा ठूला ढुंगा र अन्य गेग्र्यान हटाउन खोजेपछि स्थानीयहरू आक्रोशित छन् ।

पुरातात्त्विक महत्त्व बोकेको यस क्षेत्रको संरक्षण गर्नुपर्ने आवाज उठिरहेको छ ।

सांस्कृतिक, ऐतिहासिक, र भौगर्भिक सम्पदा स्थल मानिने यो स्थान दुई विशाल चट्टानहरूको बीचमा छ ।

हजारौँ वर्ष पुरानो यो ऐतिहासिक प्राकृतिक संरचना जोगाउनुपर्ने आवाज बढेको हो।