निजामती विधेयक भोलि पारित हुने, शिक्षा विधेयक अनिश्चित

काठमाडौं । प्रतिनिधिसभाबाट भोलि असार १५ गते संघीय निजामती विधेयक पारित हुने भएको छ । भोलि दिउँसो १ बजे बस्ने प्रतिनिधिसभाको बैठकमा सो विधेयक पारित गर्ने कार्यसूची छ ।

यसअघि नै विधेयक पारित गर्ने तयारी भए पनि सत्तारुढ दलबीच कुलिङ पिरियडको विषयमा सहमति नहुँदा रोकिएको थियो । राज्यव्यवस्था तथा सुशासन समितिबाट २ वर्षे कुलिङ पिरियड राखेर सर्वसम्मत विधेयक पारित गरिएको थियो ।

निजामती विधेयक भोलि पारित गर्ने कार्यसूचीमा रहे पनि शिक्षा विधेयक परेको छैन । सरकारले शिक्षकहरूसँग असार १५ गतेभित्र शिक्षा विधेयक पारित गर्ने सहमति गरेको थियो, तर शिक्षकसँगको सहमतिअनुसार शिक्षा विधेयक पारित नहुने निश्चित भएको छ ।