रास्वपालाई कांग्रेस नेताको प्रश्न- रविका लागि गरिएको हस्ताक्षर कहाँ बुझाउने ?

काठमाडौं । पार्टी सभापति रवि लामिछानेविरुद्ध प्रतिशोध राखिएको भन्दै रास्वपाले चलाएको हस्ताक्षर अभियानप्रति कांग्रेसका प्रचार विभाग प्रमुख मीन विश्वकर्माले प्रश्न उठाएका छन् । रास्वपाले पार्टी स्थापना दिवसको अवसर पारेर सभापतिको पक्षमा हस्ताक्षर अभियान चलाइरहेको छ ।

त्यसबारे प्रश्न उठाउँदै उनले फेसबुकमा लेखेका छन्, ‘अदालतमा विचाराधीन विषयमा संसद्मा त प्रश्न गर्न नपाइने संवैधानिक व्यवस्था छ भने अदालतको निर्णयविरुद्ध सडकमा गरिएको प्रदर्शन र हस्ताक्षर अभियानले कस्तो न्याय प्रणाली स्थापित गर्ला ?’

उनले के नेपाली जनताले खोजेको नयाँ शक्ति भनेको यस्तै नै हो ? भन्दै प्रश्न गरेका छन् । उनले थपेका छन्, ‘अनि हस्ताक्षर बुझाउने कहाँ ? तत्पश्चात् हस्ताक्षरका आधारमा कसले के निर्णय गर्ला ?’